# ಕಾರ್ ಪಾರ್ಕ್ ಮಾಡುವಾಗ ಅಪ್ಪನ ಕಾರಿನ ಎದುರು ಆಟವಾಡುತ್ತಾ ಬಂದ ಮಗು | ಕಾರಿನ ಕೆಳಗೆ ಸಿಕ್ಕಿ ಮಗು ನುಜ್ಜುಗುಜ್ಜು !!

- Link: https://hosakannada.com/news/car-park-and-father-son-news/
- Published: 2021-11-24T07:46:25+00:00
- Author: ನಿಶ್ಮಿತಾ ಎನ್.

ಅಪಾರ್ಟ್​ಮೆಂಟ್​ನಲ್ಲಿ ದೊಡ್ಡ ಅವಘಡ ನಡೆದು ಹೋಗಿದೆ. ಅಚಾತುರ್ಯಕ್ಕೆ ಸೆಕ್ಯೂರಿಟಿ ಗಾರ್ಡ್​ ಲಕ್ಷ್ಮಣ್​
ಅವರ ಮಗ ಬಲಿಯಾಗಿದ್ದಾನೆ.

Sponsored

ಲಕ್ಷ್ಮಣ್ ಅವರು ಎಸ್​ಯುವಿ ಕಾರನ್ನು ಒಳಗೆ ನಿಲ್ಲಿಸಲು ಮುಂದಾಗಿದ್ದರು. ಈ ವೇಳೆ ಲಕ್ಷ್ಮಣ್​ ಹಿಂದೆಯೇ
ನಾಲ್ಕು ವರ್ಷದ ಮಗ ಸಾತ್ವಿಕ್​ ಓಡಿ ಬಂದು ರಸ್ತೆಯಲ್ಲಿ ಆಟವಾಡುತ್ತಿದ್ದ. ಕಾರ್​​ ಹಿಂದಕ್ಕೆ ಓಡಿ
ಹೋಗಿದ್ದ ಮಗು ಅಚಾನಕ್​​ ಆಗಿ ಮುಂದೆ ಬಂದಿದೆ. ಇದನ್ನು ತಿಳಿಯದ ಲಕ್ಷಣ್​ ಕಾರನ್ನು ಮುಂದಕ್ಕೆ ಚಲಾಯಿಸಿದ್ದಾರೆ.

ಆಗ ಮಗುವಿನ ಮೇಲೆ ಹತ್ತಿದ್ದು, ಇದು ಅವರ ಗಮನಕ್ಕೂ ಕೂಡ ಬಂದಿಲ್ಲ. ಈ ಭಯಾನಕ ದೃಶ್ಯದ ಸಂಪೂರ್ಣ ವೀಡಿಯೋ
ಅಪಾರ್ಟ್​ಮೆಂಟ್​ನ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

Advertisement

Advertisement

ಅಪಾರ್ಟ್​ಮೆಂಟ್​ ಹೊರಗೆ ನಿಲ್ಲಿಸಿದ್ದ ಎಸ್​ಯುವಿ ಕಾರನ್ನು ನಿಲ್ಲಿಸಲು ಲಕ್ಷ್ಮಣ್​ ಮುಂದಾಗಿದ್ದ.
ಇದಾದ ಕೆಲವೇ ಸೆಕೆಂಡ್​​ ನಂತರ ನಾಲ್ಕು ವರ್ಷದ ಸಾತ್ವಿಕ್​ ಮತ್ತೊಂದು ಮಗುವಿನ ಜೊತೆ ಆಟವಾಡಲು ಗೇಟ್​
ನಿಂದ ಹೊರಗೆ ಬಂದಿದ್ದಾನೆ. ಈ ವೇಳೆ ಕಾರು ಹಿಂದೆ ಮುಂದೆ ಕೂಡ ಓಡಾಡಿದ ಆತ ಕಾರು ಮುಂದೆ ಬಂದು ನಿಂತಿದ್ದಾನೆ.
ಈ ವೇಳೆ ಕಾರು ಮುಂದೆ ಮಗು ನಿಂತಿದ್ದು, ತಂದೆಗೆ ಅರಿವಾಗದೇ ಕಾರು ಚಲಾಯಿಸಿದ್ದಾರೆ. ಈ ವೇಳೆ ಸಾತ್ವಿಕ್​
ಚಕ್ರದ ಕೆಳಗೆ ಸಿಲುಕಿ ನಜ್ಜುಗುಜ್ಜಾಗಿದ್ದಾನೆ.

 https://twitter.com/i/status/1462997872186572801

ಇದಾದ ಬಳಿಕ ಏನೋ ಅನಾಹುತ ನಡೆದಿರುವ ಅರಿವಾದ ತಂದೆ ಲಕ್ಷ್ಮಣ್​ಗೆ ಮಗ ಸಾವನ್ನಪ್ಪಿರುವುದು ತಿಳಿದಿದೆ.
ತಕ್ಷಣಕ್ಕೆ ಆತ ಮಗ ಸಾತ್ವಿಕ್​ನನ್ನು ಅಪಾರ್ಟ್​ಮೆಂಟ್​ಗೆ ಕೊಂಡೋಯ್ದಿದ್ದಾರೆ. ಕೂಡಲೇ ಮಗುವನ್ನು 
ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆದರೆ, ಗಂಭೀರವಾಗಿ ಗಾಯಗೊಂಡ ಮಗು ಬದುಕಿ ಉಳಿಯಲಿಲ್ಲ. ಇನ್ನು ಈ ಘಟನೆ
ಕುರಿತು ಎಲ್​ಬಿ ನಗರ ಪೊಲೀಸರು ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

> [ಕೇವಲ 99 ರೂ. ಇಯರ್ ಫೋನ್ ಆಸೆಗೆ ಬಿದ್ದು 33 ಲಕ್ಷ ರೂ. ಕಳೆದುಕೊಂಡ ಮಹಿಳೆ!! | ಗಂಡ ಮಾಡಿಸಿದ ಜೀವ ವಿಮೆಯ ಹಣವನ್ನು ಸಂಪೂರ್ಣ ಕಳೆದುಕೊಂಡು ತಲೆ ಮೇಲೆ ಕೈಹೊತ್ತು ಕುಳಿತ ಕುಟುಂಬ](https://hosakannada.com/news/ear-phone-and-money-heist/)

Advertisement