# SIM card: ಸಿಮ್ ಕಾರ್ಡ್, ನೆಟ್‌ವರ್ಕ್ ಇಲ್ಲದೆಯೂ ಕಾಲ್ ಮಾಡಲು ಸಾಧ್ಯ: ಹೇಗೆಂದು ನೀವೂ ತಿಳಿಯಿರಿ

- Link: https://hosakannada.com/news/can-call-without-sim-card-network-you-too-know-how/
- Published: 2024-10-20T13:00:18+00:00
- Author: ಕಾವ್ಯ ವಾಣಿ

**SIM card: ಇನ್ನು ಮುಂದೆ ಯಾವುದೇ ಸಿಮ್ ಕಾರ್ಡ್ (SIM card) ಅಥವಾ ನೆಟ್‌ವರ್ಕ್ ಇಲ್ಲದೆಯೂ ಸಹ
ಕರೆ ಮಾಡಬಹುದು. ಹೌದು, ಈ ಕುರಿತು ಜಾಗತಿಕ ಉಪಗ್ರಹ ಸಂವಹನ ಕಂಪನಿ ವಿಸಾಟ್ ಸಹಯೋಗದೊಂದಿಗೆ BSNL 
ಡೈರೆಕ್ಟ್-ಟು-ಡಿವೈಸ್ (D2D) ತಂತ್ರಜ್ಞಾನದ ಯಶಸ್ವಿ ಪ್ರಯೋಗವನ್ನು ಪೂರ್ಣಗೊಳಿಸಿದೆ. ಬಳಕೆದಾರರು
ಈಗ ಯಾವುದೇ ಸಿಮ್ ಕಾರ್ಡ್ ಅಥವಾ ನೆಟ್‌ವರ್ಕ್ ಇಲ್ಲದೆಯೇ ಆಡಿಯೋ-ವೀಡಿಯೋ ಕರೆ ಮಾಡಬಹುದು.**

Sponsored

**ಮುಖ್ಯವಾಗಿ ಸರ್ಕಾರಿ-ಚಾಲಿತ ಟೆಲಿಕಾಂ ಕಂಪನಿಯ ಈ ಹೊಸ ತಂತ್ರಜ್ಞಾನವು ಬಳಕೆದಾರರಿಗೆ ಅವರ ಆಂಡ್ರಾಯ್ಡ್
ಅಥವಾ ಐಒಎಸ್ ಸ್ಮಾರ್ಟ್‌ಫೋನ್‌ಗಳು ಮತ್ತು ಸ್ಮಾರ್ಟ್‌ವಾಚ್‌ಗಳು ಅಥವಾ ಇತರ ಸ್ಮಾರ್ಟ್ ಸಾಧನಗಳಲ್ಲಿ
ಸಂಪರ್ಕವನ್ನು ಒದಗಿಸುತ್ತದೆ. ಈ ಅದ್ಭುತ ಪ್ರಯೋಗ ಅನೇಕ ಜನರಿಗೆ ಸಹಕಾರಿ ಆಗಲಿದೆ.****

Advertisement

Advertisement

**BSNL ಮತ್ತು Viasat ಕಮ್ಯುನಿಕೇಷನ್ ಅಭಿವೃದ್ಧಿಪಡಿಸಿದ ಈ ತಂತ್ರಜ್ಞಾನವು ತುರ್ತು ಸಂದರ್ಭಗಳಲ್ಲಿ
ನೆಟ್‌ವರ್ಕ್ ಇಲ್ಲದೆ ಕರೆ ಮಾಡುವ ಸೌಲಭ್ಯವನ್ನು ಬಳಕೆದಾರರಿಗೆ ಒದಗಿಸುತ್ತದೆ. ಜೊತೆಗೆ , ಇತರ ಟೆಲಿಕಾಂ
ಆಪರೇಟರ್‌ಗಳಾದ ಏರ್‌ಟೆಲ್, ಜಿಯೋ ಮತ್ತು ವೊಡಾಫೋನ್-ಐಡಿಯಾ ಸಹ ತಮ್ಮ ಉಪಗ್ರಹ ಸಂಪರ್ಕ ಸೇವೆಗಳಲ್ಲಿ
ಕಾರ್ಯನಿರ್ವಹಿಸುತ್ತಿವೆ.****

**ಡೈರೆಕ್ಟ್-ಟು-ಡಿವೈಸ್ ಎನ್ನುವುದು ಉಪಗ್ರಹ ಸಂವಹನವನ್ನು ಆಧರಿಸಿದ ಸಂಪರ್ಕ ಸೇವೆಯಾಗಿದೆ, ಇದರಲ್ಲಿ
ಯಾವುದೇ ಮೊಬೈಲ್ ಟವರ್‌ಗಳು ಅಥವಾ ವೈರ್‌ಗಳಿಲ್ಲದೆ ಒಂದು ಸಾಧನವನ್ನು ಇನ್ನೊಂದಕ್ಕೆ ಸಂಪರ್ಕಿಸಬಹುದು.****

**ಮುಖ್ಯವಾಗಿ ಸರ್ಕಾರಿ ಟೆಲಿಕಾಂ ಕಂಪನಿ ನಡೆಸಿದ ಈ ಪ್ರಯೋಗದಲ್ಲಿ 36 ಸಾವಿರ ಕಿಲೋಮೀಟರ್ ದೂರದಿಂದ
ಉಪಗ್ರಹ ನೆಟ್ ವರ್ಕ್ ಬಳಸಿ ಫೋನ್ ಕರೆಗಳನ್ನು ಮಾಡಲಾಗಿತ್ತು. ಕಂಪನಿಯು ತನ್ನ ಅಧಿಕೃತ ಪ್ರಕಟಣೆಯಲ್ಲಿ
ಈ ಮಾಹಿತಿಯನ್ನು ಹಂಚಿಕೊಂಡಿದೆ. ಒಟ್ಟಾರೆ ಈ ಮಹತ್ವದ ಕಾರ್ಯ ಜನರಿಗೆ ತುಂಬಾ ಉಪಯುಕ್ತವಾಗಿದೆ.****

Advertisement