# C M Siddaramaiah: ನಿರ್ಬಂಧ ಕೇವಲ RSSಗೆ ಮಾತ್ರವಲ್ಲ, ಸಿಎಂ ಸಿದ್ದರಾಮಯ್ಯ ಹೇಳಿದ್ದೇನು?

- Link: https://hosakannada.com/news/c-m-siddaramaiah-the-ban-is-not-just-for-rss-what-did-cm-siddaramaiah-say/
- Published: 2025-10-17T13:51:00+00:00
- Author: ಹೊಸಕನ್ನಡ ನ್ಯೂಸ್

C M Siddaramaiah: ಸರಕಾರಿ ಜಾಗ ಹಾಗೂ ಸಾರ್ವಜನಿಕ ಸ್ಥಳಗಳಲ್ಲಿ ಯಾವುದೇ ಸಂಘ-ಸಂಸ್ಥೆಗಳು ಕಾರ್ಯಕ್ರಮ,
ಚಟುವಟಿಕೆಗಳನ್ನು ನಡೆಸಲು ಪೂರ್ವಾನುಮತಿ ಪಡೆಯುವುದು ಕಡ್ಡಾಯ ಎಂದು ರಾಜ್ಯ ಸಚಿವ ಸಂಪುಟ ಸಭೆಯಲ್ಲಿ
ನಿರ್ಧಾರ ಮಾಡಲಾಗಿದೆ.

Sponsored

ಇದಕ್ಕೆ ಬಿಜೆಪಿ ನಾಯಕರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದು, ಈ ಬೆಳವಣಿಗೆ ಬಗ್ಗೆ ಪ್ರತಿಕ್ರಿಯೆ 
ನೀಡಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಆರ್‌.ಎಸ್‌.ಎಸ್‌ಗೆ ಮಾತ್ರ ನಿರ್ಬಂಧ ಅಲ್ಲ, ಯಾವುದೇ ಸಂಘ 
ಸಂಸ್ಥೆಗಳು ಸರಕಾರಿ ಜಾಗ, ಸಾರ್ವಜನಿಕ ಸ್ಥಳ, ಉದ್ಯಾನಗಳಲ್ಲಿ ಕಾರ್ಯಕ್ರಮ ನಡೆಸುವಂತೆ ಇಲ್ಲ ಎಂದು
ಸ್ಪಷ್ಟಪಡಿಸಿದ್ದಾರೆ.

Advertisement

Advertisement

ಈ ಕುರಿತು ಮೈಸೂರಿನಲ್ಲಿ ಸುದ್ದಿಗಾರರ ಜೊತೆ ಮಾತನಾಡುತ್ತಾ, ಸಿಎಂ ಸಿದ್ದರಾಮಯ್ಯ ನಿರ್ಬಂಧ ಕೇವಲ 
ಆರ್‌.ಎಸ್‌.ಎಸ್‌ಗೆ ಮಾತ್ರ ಅನ್ವಯ ಅಲ್ಲ, ಎಲ್ಲಾ ಸಂಘ-ಸಂಸ್ಥೆಗಳಿಗೂ ನಿರ್ಬಂಧ ಅನ್ವಯವಾಗುತ್ತದೆ 
ಎಂದು ಹೇಳಿದರು.

ಆರ್‌.ಎಸ್‌.ಎಸ್‌ ಮಾತ್ರಲವಲ್ಲ, ಯಾವುದೇ ಸಂಘ-ಸಂಸ್ಥೆಗಳು ಸರಕಾರಿ ಶಾಲೆಗಳು, ಅನುದಾನಿತ ಶಾಲೆಗಳು,
ಸಾರ್ವಜನಿಕ ಸ್ಥಳಗಳು, ಉದ್ಯಾನವನ, ಸರಕಾರಿ ಕಟ್ಟಡ ಜಾಗಗಳಲ್ಲಿ ಯಾವುದೇ ಚಟುವಟಿಕೆಗಳನ್ನು ನಡೆಸುವಂತಿಲ್ಲ.
ಈ ಕುರಿತು ಜಗದೀಶ್‌ ಶೆಟ್ಟರ್‌ ಅವರು 2013 ರಲ್ಲಿ ಆದೇಶ ಹೊರಡಿಸಲಾಗಿತ್ತು. ಬಿಜೆಪಿ ಸರಕಾರ ಆದೇಶವನ್ನೇ
ಈಗ ನಾವು ಎತ್ತಿ ಹಿಡಿದಿದ್ದೇವೆ. ಬಿಜೆಪಿ ಮಾಡಿರುವ ಆದೇಶವನ್ನು ಅವರು ವಿರೋಧ ಮಾಡಿದರೆ ಹೇಗೆ? ಎಂದು
ಪ್ರಶ್ನೆ ಮಾಡಿದರು.

Advertisement