# ಎಲ್‌ಪಿಜಿ ಗ್ರಾಹಕರಿಗೆ ಬಿಗ್‌ ನ್ಯೂಸ್‌: ಈ 5 ನಿಯಮಗಳನ್ನು ಪಾಲಿಸದಿದ್ದರೆ ಗ್ಯಾಸ್‌ ಸಂಪರ್ಕ ರದ್ದು ಸಾಧ್ಯತೆ

- Link: https://hosakannada.com/news/big-news-for-lpg-consumers-gas-connection-could-be-cancelled-if-these-5-rules-are-not-followed/
- Published: 2026-07-14T08:09:36+00:00
- Author: ಹೊಸಕನ್ನಡ ನ್ಯೂಸ್

ಎಲ್‌ಪಿಜಿ ಗ್ರಾಹಕರಿಗಾಗಿ ಕೆಲವು ಪ್ರಮುಖ ನಿಯಮಗಳು ಜಾರಿಗೆ ಬಂದಿದೆ. ವಿಶೇಷವಾಗಿ ಮನೆ ಅಥವಾ ನಗರ
ಬದಲಾಯಿಸುವವರು ಹಾಗೂ ಪೈಪ್‌ ಮೂಲಕ ಸರಬರಾಜಾಗುವ ನೈಸರ್ಗಿಕ ಅನಿಲ ಸಂಪರ್ಕ ಪಡೆಯಲು ಬಯಸುವವರು ಈ ಮಾರ್ಗಸೂಚಿಗಳನ್ನು
ಕಡ್ಡಾಯವಾಗಿ ಪಾಲನೆ ಮಾಡಬೇಕು. ಇಲ್ಲವಾದರೆ ಸಂಪರ್ಕ ವರ್ಗಾವಣೆಯಲ್ಲಿ ವಿಳಂಬವಾಗುವುದು ಮಾತ್ರವಲ್ಲ
ಗ್ಯಾಸ್‌ ಸಂಪರ್ಕ ಕೂಡಾ ರದ್ದಾಗುವ ಸಾಧ್ಯತೆ ಕೂಡಾ ಇದೆ.

Sponsored

ಮನೆ ಬದಲಾಯಿಸುವ ಮೊದಲು ಏನು ಮಾಡಬೇಕು? ಮೊದಲಿಗೆ ನಿಮ್ಮ ಎಲ್‌ಪಿಜಿ ವಿತರಕರಿಗೆ ಮಾಹಿತಿ ನೀಡಬೇಕು.
ಸಂಪರ್ಕ ವರ್ಗಾವಣೆಗೆ ಅರ್ಜಿ ಸಲ್ಲಿಸಿ, ಗುರುತಿನ ಚೀಟಿ, ಹೊಸ ವಿಳಾಸದ ದಾಖಲೆ, ಗ್ಯಾಸ್‌ ಬುಕ್ಕಿಂಗ್‌
ವಿವರಗಳು ಹಾಗೂ ಸಂಪರ್ಕ ವೌಚರ್‌ ಸೇರಿ ಅಗತ್ಯ ದಾಖಲೆಗಳನ್ನು ಸಲ್ಲಿಸಬೇಕಾಗುತ್ತದೆ.

Advertisement

Advertisement

ನೀವು ಅದೇ ಗ್ಯಾಸ್‌ ಏಜೆನ್ಸಿಯ ಸೇವಾ ವ್ಯಾಪ್ತಿಯಲ್ಲಿಯೇ ಹೊಸ ಮನೆಗೆ ಸ್ಥಳಾಂತರಗೊಂಡರೆ, ಹೊಸ ಸಂಪರ್ಕ
ಪಡೆಯುವ ಅಗತ್ಯವಿಲ್ಲ. ಕೇವಲ ನಿಮ್ಮ ವಿಳಾಸವನ್ನು ನವೀಕರಣ ಮಾಡಿದರೆ ಸಾಕು.

ಹೊಸ ಮನೆ ಬೇರೆ ಗ್ಯಾಸ್‌ ಏಜೆನ್ಸಿಯ ಸೇವಾ ವ್ಯಾಪ್ತಿಯಲ್ಲಿದ್ದರೆ, ನಿಮ್ಮ ಹಳೆಯ ಏಜೆನ್ಸಿಯಿಂದ ಟ್ರಾನ್ಸ್‌ಫರ್‌
ಟರ್ಮಿನೇಶನ್‌ ವೌಚರ್‌ ಪಡೆಯಬೇಕು. ಈ ದಾಖಲೆಯ ಆಧಾರದ ಮೇಲೆ ಹೊಸ ಏಜೆನ್ಸಿಯಲ್ಲಿ ಎಲ್‌ಪಿಜಿ ಸಂಪರ್ಕ
ವರ್ಗಾಯಿಸಿಕೊಳ್ಳಬಹುದು. ಇದಕ್ಕಾಗಿ ಅಗತ್ಯ ದಾಖಲೆ ಸಲ್ಲಿಸಬೇಕು.

ನೀವು ಬೇರೆ ನಗರದಕ್ಕೆ ಸ್ಥಳಾಂತರವಾಗುತ್ತಿದ್ದರೆ, ಮೊದಲು ನಿಮ್ಮ ಹಳೆಯ ಗ್ಯಾಸ್‌ ಏಜೆನ್ಸಿಗೆ ಎಲ್‌ಪಿಜಿ
ಸಿಲಿಂಡರ್‌ ಮತ್ತು ರೆಗ್ಯುಲೇಟರ್‌ ಹಿಂತಿರುಗಿಸಬೇಕು. ನಂತರ ಏಜೆನ್ಸಿ ಟರ್ಮಿನೇಶನ್‌ ವೌಚರ್‌ ನೀಡಿ
ನೀವು ಪಾವತಿಸಿದ್ದ ಭದ್ರತಾ ಠೇವಣಿಯನ್ನು ಮರುಪಾವತಿ ಮಾಡಲಾಗುತ್ತದೆ. ನಂತರ ಹೊಸ ನಗರದ ಏಜೆನ್ಸಿಯಲ್ಲಿ
ದಾಖಲೆಗಳನ್ನು ಸಲ್ಲಿಸಿ ಹೊಸ ಸಂಪರ್ಕ ಪಡೆಯಬಹುದು.

ಪಿಎನ್‌ಜಿ ಸಂಪರ್ಕ ಪಡೆಯಬೇಕೆಂದರೆ ಎಲ್‌ಪಿಜಿ ಮತ್ತು ಪಿಎನ್‌ಜಿ ಎರಡೂ ಸಂಪರ್ಕಗಳನ್ನು ಒಂದೇ ಸಮಯದಲ್ಲಿ
ಮುಂದುವರಿಸಲು ಅವಕಾಶವಿಲ್ಲ. ಆದ್ದರಿಂದ ಪಿಎನ್‌ಜಿ ಸಂಪರ್ಕ ಪಡೆಯಲು ಬಯಸುವವರು ತಮ್ಮ ಎಲ್‌ಪಿಜಿ ಸಂಪರ್ಕವನ್ನು
ಸ್ವಯಂಪ್ರೇರಿತವಾಗಿ ರದ್ದುಮಾಡಬೇಕಾಗುತ್ತದೆ.

Advertisement