# ಭಾರತೀಯ ಜನತಾ ಪಾರ್ಟಿ ಬೆಳ್ತಂಗಡಿ ಮಂಡಲ: ಜನಜಾಗೃತಿ ಕಾಲ್ನಡಿಗೆ, ಸಭಾ ಕಾರ್ಯಕ್ರಮ

- Link: https://hosakannada.com/news/bharatiya-janata-party-belthangady-mandal-public-awareness-walk-assembly-program/
- Published: 2026-02-17T17:32:46+00:00
- Author: ಹೊಸಕನ್ನಡ ನ್ಯೂಸ್

ಭಾರತೀಯ ಜನತಾ ಪಾರ್ಟಿ ಬೆಳ್ತಂಗಡಿ ಮಂಡಲ ವತಿಯಿಂದ ವಿಕಸಿತ ಭಾರತ- ಉದ್ಯೋಗ ಮತ್ತು ಜೀವನೋಪಾಯ ಮಿಷನ್
ಗ್ಯಾರಂಟಿ ( VBG-RAMG) ಕಾಯ್ದೆಯ ಬಗ್ಗೆ ಜನಜಾಗೃತಿ ಕಾಲ್ನಡಿಗೆ ಜಾಥಾ ಮತ್ತು ಸಭಾ ಕಾರ್ಯಕ್ರಮ ಪೆಬ್ರವರಿ
16 ರಂದು ನಡೆಯಿತು. ಶಾಸಕರ ಕಚೇರಿ ಶ್ರಮಿಕ ಬಳಿಯಿಂದ ಸಂತೆಕಟ್ಟೆ ಸಮಾಜಮಂದಿರವರೆಗೆ ಕಾಲ್ನಡಿಗೆ ಜಾಥಾ
ನಡೆದು ಸಭಾ ಕಾರ್ಯಕ್ರಮ ನಡೆಯಿತು. ಬೆಳ್ತಂಗಡಿ ಮಂಡಲ ಅಧ್ಯಕ್ಷ ಶ್ರೀನಿವಾಸ್ ರಾವ್ ಅಧ್ಯಕ್ಷತೆ ವಹಿಸಿದ್ದರು.

Sponsored

![](https://hosakannada.com/wp-content/uploads/2026/02/IMG-20260217-WA0035-1024x768.
jpg)

Advertisement

Advertisement

ವಿಧಾನಪರಿಷತ್ ಸದಸ್ಯ ಪ್ರತಾಪಸಿಂಹ ನಾಯಕ್ ಮಾತನಾಡಿ, ಕಾಂಗ್ರೇಸ್ ಪಕ್ಷಕ್ಕೆ ಕೇಂದ್ರ ಸರ್ಕಾರ ಜಾರಿಗೆ
ತಂದಿರುವ ಈ ಕಾಯ್ದೆಯಲ್ಲಿ ರಾಮ ಎಂಬ ಹೆಸರು ಸಮಸ್ಯೆಯಾಗಿದೆ. ಕಾಯ್ದೆ ಜಾರಿಗೆ ತಂದಿರುವುದು ಕೇಂದ್ರ
ಸರ್ಕಾರ. ಸಂಸತ್ ಅಧಿವೇಶನದಲ್ಲಿ ಈ ಬಗ್ಗೆ ಚರ್ಚೆ ಮಾಡಬೇಕಿತ್ತು. ಆದರೆ ವಿರೋಧ ಪಕ್ಷದ ನಾಯಕ ರಾಹುಲ್
ಗಾಂಧಿ ಈ ಬಗ್ಗೆ ಚರ್ಚೆ ಮಾಡುವುದನ್ನು ಬಿಟ್ಟು ವಿದೇಶಕ್ಕೆ ತೆರಳಿದ್ದರು. ರಾಜ್ಯದಲ್ಲಿ ಕಾಂಗ್ರೆಸ್
ಸರ್ಕಾರ ದಲ್ಲಿ ಗ್ಯಾರಂಟಿ ರೂಪದಲ್ಲಿ ಸರ್ಕಾರದ ಖಜಾನೆ ಕೊಳ್ಳೆಹೊಡೆದು ಖಜಾನೆ ಖಾಲಿಯಾಗಿದೆ ಎಂದರು.

![](https://hosakannada.com/wp-content/uploads/2026/02/IMG-20260217-WA0034-1024x768.
jpg)

ಶಾಸಕ ಹರೀಶ್ ಪೂಂಜ ಮಾತನಾಡಿ, ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಈ ಕಾಯ್ದೆಗೆ ಕೇಂದ್ರ ಸರ್ಕಾರ ಮತ್ತು
ರಾಜ್ಯ ಸರ್ಕಾರ 60-40 ಶೇ ಅನುದಾನ ನೀಡಬೇಕಾಗಿದ್ದು, ರಾಜ್ಯದಲ್ಲಿ ಹಣವನ್ನು ಹೊಂದಿಸುವುದು ಸಮಸ್ಯೆಯಾಗಿರುವುದರಿಂದ
ರಾಜ್ಯ ಸರ್ಕಾರ ವಿರೋಧಿಸುತ್ತಿದೆ. ಕೇಂದ್ರದ ಅನುದಾನದಲ್ಲಿ ಗ್ರಾಮ ಪಂಚಾಯತ್ ನಡೆಯುತ್ತಿದ್ದು, ರಾಜ್ಯ
ಸರ್ಕಾರ‌ ಲೂಟಿ ಮಾಡುವುದಷ್ಟಕ್ಕೆ ಸೀಮಿತವಾಗಿದೆ ಎಂದರು.
 ಈ ಸಂದರ್ಭದಲ್ಲಿ ಮಡಂತ್ಯಾರು ಸಿಎ ಬ್ಯಾಂಕ್
ನಿರ್ದೇಶಕ ಕುಮಾರ ನಾಯ್ಕ ಕಾಂಗ್ರೆಸ್ ಪಕ್ಷವನ್ನು ತ್ಯಜಿಸಿ ಬಿಜೆಪಿಗೆ ಸೇರ್ಪಡೆಯಾದರು.

![](https://hosakannada.com/wp-content/uploads/2026/02/IMG-20260217-WA0037-1024x768.
jpg)

ಜಿಲ್ಲಾ ಉಪಾಧ್ಯಕ್ಷ ಜಯಂತ ಕೋಟ್ಯಾನ್, ಜಿಲ್ಲಾ ಕಾರ್ಯದರ್ಶಿ ವಸಂತಿ ಮಚ್ಚಿನ, ರಾಜ್ಯ ಅಲ್ಪಸಂಖ್ಯಾತ
ಮೋರ್ಚಾ ಉಪಾಧ್ಯಕ್ಷ ಜೋಯೆಲ್ ಮೆಂಡೋನ್ಸಾ, ಮನ್ ಕಿ ಬಾತ್ ಜಿಲ್ಲಾ ಸಂಚಾಲಕ ಸೀತಾರಾಮ ಬಿ
 ಎಸ್., ಮಂಡಲ
ಪ್ರಧಾನ ಕಾರ್ಯದರ್ಶಿಗಳಾ ಜಯಾನಂದ ಗೌಡ, ಪ್ರಶಾಂತ್ ಪಾರೆಂಕಿ ಇದ್ದರು. ಮಂಡಲ ಅಧ್ಯಕ್ಷ ಶ್ರೀನಿವಾಸ
ರಾವ್ ಸ್ವಾಗತಿಸಿದರು. ಪ್ರಧಾನ ಕಾರ್ಯದರ್ಶಿ ಜಯಾನಂದ ಗೌಡ ವಂದಿಸಿದರು. ಲಾಯಿಲ ಮಹಾಶಕ್ತಿ ಕೇಂದ್ರ
ಕಾರ್ಯದರ್ಶಿ ಅರವಿಂದ ಲಾಯಿಲ‌ ಮತ್ತು ರಾಜೇಶ್ ಪೆಂರ್ಬುಡ ಕಾರ್ಯಕ್ರಮ ನಿರೂಪಿಸಿದರು

Advertisement