# ಬೆಂಗಳೂರು: ತನ್ನ ತಾಯಿಯ ಬೆತ್ತಲೆ ಫೋಟೋಗಳನ್ನು ಪ್ರಿಯಕರನಿಗೆ ಕಳುಹಿಸಿದ ಮಗಳು

- Link: https://hosakannada.com/news/bengaluru-daughter-sends-nude-photos-of-her-mother-to-boyfriend/
- Published: 2026-02-09T14:08:56+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು: ಮಹಿಳೆಯೊಬ್ಬರು ತಮ್ಮ ಮಗಳು ಹಾಗೂ ಆಕೆಯ ಪ್ರಿಯಕರನ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದು,
ತಮ್ಮ ಖಾಸಗಿ ಫೋಟೋಗಳನ್ನು ಹಂಚಿಕೊಂಡಿರುವ ಕುರಿತು ಆರೋಪಿಸಿದ್ದಾರೆ.

Sponsored

ದೂರಿನನ್ವಯ ಮಗಳು ತನ್ನ ಓದಿಗೆ ಮೊಬೈಲ್‌ ಫೋನ್‌ ಬೇಕೆಂದು ಪೋಷಕರಿಗೆ ಫೋನ್‌ ಪಡೆದಿದ್ದು, ಆದರೆ ಒಂದು
ತಿಂಗಳ ಹಿಂದೆ ಆಕೆ ಅಪರಿಚಿತ ವ್ಯಕ್ತಿ ಜೊತೆ ಮಾತನಾಡುವುದನ್ನು ತಾವು ನೋಡಿದ್ದೇವೆ ಎಂದು ಹೇಳಿದ್ದಾರೆ.

Advertisement

Advertisement

ತನ್ನ ಮಗಳ ಫೋನ್‌ ಪರಿಶೀಲಿಸಿದಾಗ ತನ್ನ ಮತ್ತು ಇನ್ನೊಬ್ಬ ಮಹಿಳಾ ಸಂಬಂಧಿಯ ಖಾಸಗಿ ಛಾಯಾಚಿತ್ರಗಳು
ದೊರಕಿದೆ. ಇವುಗಳನ್ನೆಲ್ಲ ತಮಗೆ ಗೊತ್ತಿಲ್ಲದಂತೆ ತೆಗೆದುಕೊಳ್ಳಲಾಗಿದೆ ಎಂದು ಹೇಳಿದ್ದಾರೆ. ಮಗಳು
ಈ ಚಿತ್ರಗಳನ್ನು ತೆಗೆದಿದ್ದಲ್ಲದೆ, ತನ್ನ ಪ್ರಿಯಕರನ ಜೊತೆ ಹಂಚಿಕೊಂಡಿದ್ದಾಳೆ ಎಂದು ದೂರಿನಲ್ಲಿ 
ತಿಳಿಸಲಾಗಿದೆ. ಕೆಲವು ವಾರಗಳ ಹಿಂದೆ ಅದೇ ವ್ಯಕ್ತಿಯನ್ನು ಮದುವೆಯಾಗಿದ್ದಾಗಿ ಮಗಳು ಹೇಳಿದ್ದಾಳೆ 
ಎಂದು ದೂರಿನಲ್ಲಿ ತಿಳಿಸಲಾಗಿದೆ.

ದೂರಿನ ನಂತರ, ಪೊಲೀಸರು ಪ್ರಕರಣ ದಾಖಲು ಮಾಡಿದ್ದು, ತನಿಖೆ ಆರಂಭಿಸಿದ್ದಾರೆ. ಮಗಳು ಮತ್ತು ಆಕೆಯ 
ಪ್ರಿಯಕರನ ಇಬ್ಬರ ಫೋನ್‌ಗಳನ್ನು ವಶಪಡಿಸಿಕೊಂಡು ವಿಧಿವಿಜ್ಞಾನ ವಿಶ್ಲೇಷಣೆಗೆ ಕಳುಹಿಸಲಾಗಿದೆ.

ವಿಧಿವಿಜ್ಞಾನ ವರದಿಗಳು ಬಂದ ನಂತರ ಸತ್ಯ ಹೊರಬರಲಿದೆ ಎಂದು ಹಿರಿಯ ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ.

Advertisement
