# ಜೂ.14: ಬೆಳ್ತಂಗಡಿ ನೂತನ ನ್ಯಾಯಾಯ ಸಂಕೀರ್ಣ ಶಿಲಾನ್ಯಾಸ – ರಕ್ಷಿತ್ ಶಿವರಾಂ ಪತ್ರಿಕಾಗೋಷ್ಠಿ

- Link: https://hosakannada.com/news/belthangady-new-court-rakshit-shivaram-pressmeet/
- Published: 2026-06-12T18:44:38+00:00
- Author: ಹೊಸಕನ್ನಡ ನ್ಯೂಸ್

ಬೆಳ್ತಂಗಡಿ: ಆರು ದಶಕಗಳ ಕಾಲ ತಾಲೂಕಿನ ಹಳೆಯ ಕೋರ್ಟ್ ಜನರ ಕೆಲಸ ಮಾಡಿದೆ. ನೂತನ ನ್ಯಾಯಾಲಯ ಸಂಕೀರ್ಣವಾಗಲು
ತಾಲೂಕಿನ ಮಾಧ್ಯಮ ಹಾಗು ಪತ್ರಕರ್ತರು ಕಾರಣ. ಹಳೆಯ ಕಟ್ಟಡದಲ್ಲಿ ಮಳೆಗಾಲದಲ್ಲಿ ಸೋರುತ್ತಿದ್ದ ನ್ಯಾಯಾಲಯದ
ವರದಿ ಮಾಡಿದ ಕಾರಣ ಸರ್ಕಾರ ನೂತನ ಕಟ್ಟಡ ನಿರ್ಮಾಣಕ್ಕೆ ಅನುದಾನ ಬಿಡುಗಡೆಯಾಗಿದೆ.

Sponsored

26 ಕೋಟಿಯ ಯೋಜನೆಯಲ್ಲಿ ಮೊದಲ ಹಂತವಾಗಿ 9 ಕೋಟಿಯಲ್ಲಿ ನ್ಯಾಯಾಲಯ ಸಂಕೀರ್ಣ ನಿರ್ಮಾಣವಾಗುತ್ತದೆ. 
ನಮ್ಮ ಸರ್ಕಾರದ ಅವಧಿಯಲ್ಲಿ ತಾಲೂಕಿನ ನ್ಯಾಯಾಲಯ ನಿರ್ಮಾಣವಾಗುತ್ತಿರುವುದು ಖುಷಿ ಕೊಟ್ಟಿದೆ. ಇದಕ್ಕೆ
ವಕೀಲರ ಸಂಘದ ಜೊತೆ ಅನೇಕರ ಸಹಕಾರವಿದೆ. ಇದರ ಶಂಕುಸ್ಥಾಪನೆ ಜೂ.14 ರಂದು ನಡೆಯಲಿದೆ ಎಂದು ಕೆ.ಪಿ.
ಸಿ.ಸಿ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಶಿವರಾಂ ಹೇಳಿದರು.

Advertisement

Advertisement

ಬೆಳ್ತಂಗಡಿ ಬ್ಲಾಕ್ ಕಾಂಗ್ರೆಸ್ ಸಮಿತಿ ನಗರ ಮತ್ತು ಗ್ರಾಮೀಣ ಘಟಕ ಕಚೇರಿಯಲ್ಲಿ ಪತ್ರಿಕಾಗೋಷ್ಟಿ 
ನಡೆಸಿದ ಅವರು ಮಾತನಾಡಿದರು. ಪತ್ರಿಕಾ ಗೋಷ್ಠಿಯಲ್ಲಿ ಉಪಸ್ಥಿತರಿದ್ದ ಸಹಕಾರ ರತ್ನ ಪುರಸ್ಕೃತ ಬ್ಲಾಕ್
ಕಾಂಗ್ರೆಸ್ ನಗರ ಘಟಕದ ಅಧ್ಯಕ್ಷ ಸತೀಶ್‌ ಕೆ. ಕಾಶಿಪಟ್ಟ ಮಾತನಾಡಿ, ಬೆಂಗಳೂರಿನ ಪ್ಯಾಲೇಸ್ ಮೈದಾನದಲ್ಲಿ
ಜೂ.21 ರಂದು ಕೆ.ಪಿ.ಸಿ.ಸಿ ಅಧ್ಯಕ್ಷರಾಗಿ ಆಯ್ಕೆಯಾದ ಬಿ.ಕೆ ಹರಿಪ್ರಸಾದ್‌ರವರ ಪದಗ್ರಹಣ ಕಾರ್ಯಕ್ರಮ
ನಡೆಯಲಿದ್ದು ಪ್ರತಿಯೊಬ್ಬರೂ ಭಾಗವಹಿಸಬೇಕಾಗಿ ಕೇಳಿಕೊಂಡರು.

ದ.ಕ ಜಿಲ್ಲಾ ಕೆ.ಡಿ.ಪಿ ಸದಸ್ಯ ಸಂತೋಷ್ ಕುಮಾರ್, ಮಾಜಿ ಪ.ಪಂ ಸದಸ್ಯ ಡಿ.ಜಗದೀಶ್, ರಾಜ್ಯ ಕೆ.ಪಿ.
ಸಿ.ಸಿ ಅಲ್ಪ ಸಂಖ್ಯಾತ ಘಟಕದ ಪ್ರದಾನ ಕಾರ್ಯದರ್ಶಿ ಪ್ರವೀಣ್ ಹಳ್ಳಿಮನೆ,, ಎಸ್ಸಿ ಘಟಕದ ಅಧ್ಯಕ್ಷ 
ನೇಮಿರಾಜ್, ನಗರ ಬ್ಲಾಕ್ ಕಾಂಗ್ರೆಸ್ ಪ್ರದಾನ ಕಾರ್ಯದರ್ಶಿ ಶಾಫಿ, ಗುರಿಪಳ್ಳ ಗುರುರಾಜ್ ಮೊದಲಾದವರು
ಉಪಸ್ಥಿತರಿದ್ದರು. ಬ್ಲಾಕ್ ಕಾಂಗ್ರೆಸ್ ಗ್ರಾಮೀಣ ಘಟಕದ ಅಧ್ಯಕ್ಷ ನಾಗೇಶ್ ಕುಮಾರ್ ಗೌಡ ಸ್ವಾಗತಿಸಿದರು.
ಜಿಲ್ಲಾ ಗ್ಯಾರಂಟಿ ಅನುಷ್ಟಾನ ಸಮಿತಿಯ ಉಪಾಧ್ಯಕ್ಷ ಶೇಖರ್ ಕುಕ್ಕೇಡಿ, ಪಂಚ ಗ್ಯಾರಂಟಿ ಅನುಷ್ಟಾನ 
ಸಮಿತಿ ಅಧ್ಯಕ್ಷ ಪದ್ಮನಾಭ ಸಾಲ್ಯಾನ್ ಧನ್ಯವಾದ ಸಲ್ಲಿಸಿದರು.

Advertisement
