# ಮ್ಯಾಟ್ರಿಮೋನಿಯಲ್ಲಿ ಮಹಿಳೆ ಪರಿಚಯ- ಬೆಳ್ತಂಗಡಿ ಉದ್ಯಮಿಗೆ 87.22 ಲಕ್ಷ ವಂಚನೆ!!

- Link: https://hosakannada.com/news/belthangady-businessman-cheated-of-rs-87-22-lakhs-by-introducing-a-woman-in-matrimony-app/
- Published: 2026-07-21T16:45:24+00:00
- Author: ಹೊಸಕನ್ನಡ ನ್ಯೂಸ್

ಮ್ಯಾಟ್ರಿಮೋನಿಯಲ್ಲಿ ಪರಿಚಯ ಆದ ಮಹಿಳೆಯೊಬ್ಬರು ಬೆಳ್ತಂಗಡಿಯ ಉದ್ಯಮಿಗೆ ಬರೋಬ್ಬರಿ 87.22 ಲಕ್ಷ 
ಪಂಗನಾಮ ಹಾಕಿರುವ ಅಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ.

Sponsored

ಹೌದು, ಅನಿಷಾ ಪಾಲನ್ನ (35)  ಎಂಬಾ ಮಹಿಳೆಯೊಬ್ಬಳು ಮ್ಯಾಟ್ರಿಮೋನಿ ಆಯಪ್ ಮೂಲಕ ಬೆಳ್ತಂಗಡಿ ಮೂಲದ
ಉದ್ಯಮಿಯೊಬ್ಬರ ಜೊತೆ ಸಲುಗೆ ಬೆಳೆಸಿಕೊಂಡು, ನಾನಾ ನೆಪಗಳನ್ನು ಹೇಳಿ ಹಂತ ಹಂತವಾಗಿ ಬರೋಬ್ಬರಿ ₹87.22
ಲಕ್ಷಕ್ಕೂ ಅಧಿಕ ಹಣವನ್ನು ವರ್ಗಾಯಿಸಿಕೊಂಡು ವಂಚಿಸಿರುವ ಘಟನೆ ಬೆಳಕಿಗೆ ಬಂದಿದೆ. ಬೆಳ್ತಂಗಡಿ ಪೊಲೀಸ್
ಠಾಣಾ ವ್ಯಾಪ್ತಿಯಲ್ಲಿ ವರದಿಯಾಗಿದೆ.

Advertisement

Advertisement

ಬೆಳ್ತಂಗಡಿ ನಿವಾಸಿಯಾಗಿರುವ ಉದ್ಯಮಿಯೊಬ್ಬರಿಗೆ 2024 ರ ಮೇ ತಿಂಗಳಿನಲ್ಲಿ ಮ್ಯಾಟ್ರಿಮೋನಿ ಆಯಪ್ 
ಮೂಲಕ ಅನಿಷಾ ಪಾಲನ್ನ (35) ಎಂಬಾಕೆ ಪರಿಚಯವಾಗಿದ್ದಳು. ಇಬ್ಬರೂ ಮೊಬೈಲ್ ಕರೆಗಳ ಮೂಲಕ ನಿರಂತರ ಸಂಪರ್ಕದಲ್ಲಿದ್ದರು.
ಬಳಿಕ 3-4 ತಿಂಗಳಿನಲ್ಲಿ ಆರೋಪಿ ಅನಿಷಾ ಪಾಲನ್ನ, ಉದ್ಯಮಿಗೆ ಕರೆ ಮಾಡಿ ವಿವಿದ ತುರ್ತು ನೆಪ ಹಾಗೂ
ವೈಯಕ್ತಿಕ ಕಾರಣಗಳನ್ನು ನೀಡಿದ್ದಳು. ಇದನ್ನು ನಿಜವೆಂದು ನಂಬಿದ ಉದ್ಯಮಿ, ಆಕೆಯ ವಿವಿಧ ಬ್ಯಾಂಕ್ 
ಖಾತೆಗಳಿಗೆ ಹಂತ ಹಂತವಾಗಿ ಒಟ್ಟು 87,22,710 ಹಣವನ್ನು ಆನ್‌ಲೈನ್ ಮೂಲಕ ವರ್ಗಾವಣೆ ಮಾಡಿದ್ದಾರೆ.

ಹಣ ಪಡೆದ ಬಳಿಕ ಆರೋಪಿತೆ ಅನಿಷಾ ಹಣವನ್ನೂ ವಾಪಸ್ ನೀಡದೆ, ಮೊಬೈಲ್ ಸಂಪರ್ಕಕ್ಕೂ ಸಿಗದೆ ತಲೆಮರೆಸಿಕೊಂಡಿದ್ದಾಳೆ.
ತಾನು ಮೋಸ ಹೋಗಿರುವುದು ಅರಿವಿಗೆ ಬರುತ್ತಿದ್ದಂತೆ ಸಂತ್ರಸ್ತ ಉದ್ಯಮಿ ಪೊಲೀಸರ ಮೊರೆ ಹೋಗಿದ್ದಾರೆ.
ದೂರಿನನ್ವಯ ಬೆಳ್ತಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Advertisement
