# ಬೆಳ್ತಂಗಡಿ ಮೂಲದ ದಂಪತಿ ದುರಂತ ಅಂತ್ಯ ಪ್ರಕರಣ – ಕೊಲೆ, ಆತ್ಮಹತ್ಯೆ ಕಾರಣ ರಿವಿಲ್

- Link: https://hosakannada.com/news/beltangadi-based-couple-tragic-end-case-murder-suicide-cause-reveale/
- Published: 2026-08-16T08:31:12+00:00
- Author: ಹೊಸಕನ್ನಡ ನ್ಯೂಸ್

ಇತ್ತೀಚೆಗೆ ಬೆಂಗಳೂರು ರಾಜಗೋಪಾಲ ನಗರ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಪತ್ನಿಯನ್ನು ಕೊಂದು ಪತಿ 
ಆತ್ಮಹತ್ಯೆ ಮಾಡಿಕೊಂಡಿದ್ದ ಘಟನೆ ನಡೆದಿತ್ತು. ಈ ಪ್ರಕರಣದ ಹಿಂದಿನ ಕಾರಣ ರಿವೀಲ್ ಆಗಿದೆ. ಇಬ್ಬರಿಗೂ
ಅತಿಯಾದ ಕೋಪವೇ ಈ ದುರಂತಕ್ಕೆ ಕಾರಣ ಎಂಬುದು ತಿಳಿದು ಬಂದಿದೆ.

Sponsored

ಎರಡು ದಿನಗಳ ಹಿಂದೆ ಬೆಳ್ತಂಗಡಿ ಮೂಲದ ಟೆಕ್ಕಿ ಸುಮಂತ್ ಜೈನ್ ತನ್ನ ಪತ್ನಿ ಪದ್ಮಾವತಿಯ ಕತ್ತುಹಿಸುಕಿ
ಕೊಲೆ ಮಾಡಿ ತಾನು ಕೂಡ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದ. ಟೆಕ್ಕಿ ದಂಪತಿ ಸಾವಿಗೆ 
ನಿಖರ ಕಾರಣ ತಿಳಿದಿರಲಿಲ್ಲ. ಘಟನೆ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿದ್ದ ರಾಜಗೋಪಾಲ ನಗರ ಪೊಲೀಸರು ಘಟನೆ
ಹಿಂದೆ ಕಾರಣದ ಬಗ್ಗೆ ತನಿಖೆ ನಡೆಸಿದಾಗ, ಇಬ್ಬರ ಅತಿಯಾದ ಕೋಪವೇ ಇದಕ್ಕೆ ಕಾರಣ ಎಂದು ತಿಳಿದುಬಂದಿದೆ.

Advertisement

Advertisement

ಪೊಲೀಸ್ ಮಾಹಿತಿ ಪ್ರಕಾರ ಸುಮಂತ್ ಜೈನ್ ಚಿಕ್ಕಮಗಳೂರಿನಲ್ಲಿ ಕೆಲಸ ಮಾಡಿಸುತ್ತಿದ್ದರಂತೆ. ದಿನ ಬಿಟ್ಟು
ದಿನ ಮನೆಗೆ ಬರುತ್ತಿದ್ದರು. ಉದ್ಯೋಗದ ಒತ್ತಡಕ್ಕೆ ಇಬ್ಬರ ನಡುವೆ ಮನಸ್ಥಾಪವಾಗಿತ್ತು. ಪತಿ ಮನೆಗೆ
ಸರಿಯಾಗಿ ಬರುತ್ತಿಲ್ಲ ಎನ್ನುವ ಕಾರಣಕ್ಕೆ ಇಬ್ಬರ ನಡುವೆ ಜಗಳವಾಗಿದೆ. ಜಗಳ ವಿಕೋಪಕ್ಕೆ ಹೋದಾಗ ಕೊಲೆ
ಆಗಿರಬಹುದು. ವೃತ್ತಿಯಲ್ಲಿ ಇಬ್ಬರು ಇಂಜಿನಿಯರ್‌ ಆಗಿದ್ದರು, ಕೈತುಂಬ ಸಂಬಳ ಕೂಡ ಬರುತ್ತಿತ್ತು. 
ಇಬ್ಬರಿಗೂ ಇದ್ದ ಅತಿಯಾದ ಕೋಪ ದಂಪತಿಯ ದುರಂತ ಅಂತ್ಯಕ್ಕೆ ಕಾರಣವಾಗಿದೆ ಎಂದು ಪೊಲೀಸರ ಪ್ರಾಥಮಿಕ 
ತನಿಖೆಯಿಂದ ತಿಳಿದು ಬಂದಿದೆ.

Advertisement