# ಬೆಳ್ಳಾರೆ: ಅಪ್ರಾಪ್ತ ಪತ್ನಿಯ ಗರ್ಭಿಣಿ ಮಾಡಿದ ಪತಿಯ ಬಂಧನ

- Link: https://hosakannada.com/news/bellare-husband-arrested-for-impregnating-minor-wife/
- Published: 2026-02-19T17:30:07+00:00
- Author: ಹೊಸಕನ್ನಡ ನ್ಯೂಸ್

ಬೆಳ್ಳಾರೆ: ಅಪ್ರಾಪ್ತ ಯುವತಿಯನ್ನು ಮದುವೆಯಾಗಿ ಗರ್ಭಿಣಿ ಮಾಡಿದ ಆರೋಪದಲ್ಲಿ ಜಾರ್ಖಂಡ್‌ ಮೂಲದ ವ್ಯಕ್ತಿಯೊಬ್ಬನನ್ನು
ಬೆಳ್ಳಾರೆ ಪೊಲೀಸರು ಪೋಕ್ಸೋ ಕಾಯ್ದೆಯಡಿ ಬಂಧನ ಮಾಡಿರುವ ಘಟನೆ ನಡೆದಿದೆ.

Sponsored

ಜಾರ್ಖಂಡ್‌ ಮೂಲದ ಈ ದಂಪತಿ ಉದ್ಯೋಗಕ್ಕೆಂದು ದಕ್ಷಿಣಕನ್ನಡ ಜಿಲ್ಲೆಗೆ ಬಂದಿದ್ದು, ಬೆಳ್ಳಾರೆ ಪೊಲೀಸ್‌
ಠಾಣಾ ವ್ಯಾಪ್ತಿಯ ಗ್ರಾಮವೊಂದರ ತೋಟದಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದರು. ಇತ್ತೀಚೆಗೆ ಯುವತಿ ವೈದ್ಯಕೀಯ
ತಪಾಸಣೆ ಮಾಡಿದ ಸಂದರ್ಭದಲ್ಲಿ ಆಕೆಯ ವಯಸ್ಸು ಇನ್ನೂ 18 ವರ್ಷ ತುಂಬಿಲ್ಲ ಎನ್ನುವುದು ವೈದ್ಯಕೀಯ ದಾಖಲೆಗಳ
ಮೂಲಕ ತಿಳಿದು ಬಂದಿದೆ.

Advertisement

Advertisement

18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಬಾಲಕಿ ಜೊತೆ ದೈಹಿಕ ಸಂಬಂಧ ಹೊಂದುವುದು ಗಂಭೀರ ಅಪರಾಧವಗಿದ್ದು,
ಪೋಕ್ಸೋ ಕಾಯ್ದೆಯಡಿ 2012 ರ ಅಡಿಯಲ್ಲಿ ಅಪ್ರಾಪ್ತರು ಒಪ್ಪಿಗೆ ನೀಡಿದರೂ ಇದು ಮಾನ್ಯವಾಗುವುದಿಲ್ಲ.
ಈ ಹಿನ್ನೆಲೆಯಲ್ಲಿ ಯುವತಿ ಪತ್ನಿಯೇ ಆಗಿದ್ದರೂ ಕೂಡಾ ಆಕೆ ಅಪ್ರಾಪ್ತೆಯಾಗಿರುವ ಕಾರಣ ಆರೋಪಿಯ ವಿರುದ್ಧ
ಪೋಕ್ಸೋ ಕಾಯ್ದೆಯ ಅಡಿಯಲ್ಲಿ ವಿವಿಧ ಕಲಂಗಳಡಿ ಪ್ರಕರಣ ದಾಖಲು ಮಾಡಿರುವುದಾಗಿ ವರದಿಯಾಗಿದೆ.

ಬಂಧಿತನನ್ನು ಪೊಲೀಸರು ಸುಳ್ಯ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ಆತನಿಗೆ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.
ಬೆಳ್ಳಾರೆ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

Advertisement