# ಧರ್ಮಸ್ಥಳ: ಬಿ.ವೈ. ವಿಜಯೇಂದ್ರರಿಂದ ಶ್ರೀ ಕ್ಷೇತ್ರಕ್ಕೆ ಭೇಟಿ!

- Link: https://hosakannada.com/news/b-y-vijayendra-visit-dharmasthala/
- Published: 2026-06-26T09:11:53+00:00
- Author: ಹೊಸಕನ್ನಡ ನ್ಯೂಸ್

ಧರ್ಮಸ್ಥಳ: ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಅವರು ಜೂ. 26 (ಇಂದು) ರಂದು ಬೆಳಗ್ಗೆ ಧರ್ಮಸ್ಥಳ
ಶ್ರೀ ಮಂಜುನಾಥ ಸ್ವಾಮಿ ದೇವಸ್ಥಾನಕ್ಕೆ ಭೇಟಿ ನೀಡಿ ದೇವರ ದರ್ಶನ ಪಡೆದರು.

Sponsored

ಕೇಸರಿ ಶಾಲು ಧರಿಸಿದ್ದ ವಿಜಯೇಂದ್ರ ಅವರು ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರೊಂದಿಗೆ ದೇವಸ್ಥಾನದ
ಆವರಣದಲ್ಲಿ ಕಾಣಿಸಿಕೊಂಡರು. ಬಿಳಿ ಪಂಚೆ, ಶಾಲು ಧರಿಸಿದ್ದ ಸ್ಥಳೀಯ ಮುಖಂಡರು, ಬೆಳ್ತಂಗಡಿ ಶಾಸಕ 
ಹರೀಶ್ ಪೂಂಜಾ, ದ. ಕ ಸಂಸದ ಬ್ರಿಜೇಶ್ ಚೌಟ, ದ. ಕ ಬಿಜೆಪಿ ಅಧ್ಯಕ್ಷ ಸತೀಶ್‌ ಕುಂಪಾಲ, ಜಯಂತ್ ಕೋಟ್ಯಾನ್
ಮರೋಡಿ, ಹಾಗೂ ದ. ಕ ಶಾಸಕರು, ಗಣ್ಯರು ಅವರೊಂದಿಗೆ ಉಪಸ್ಥಿತರಿದ್ದರು.

Advertisement

Advertisement

ಬೆಳಗ್ಗೆ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಿದ‌ ವಿಜಯೇಂದ್ರ, ನಂತರ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ
ಹೆಗ್ಗಡೆಯವರನ್ನು ಭೇಟಿ ಮಾಡಿ ಆಶೀರ್ವಾದ ಪಡೆದರು.

ಆವರಣದಲ್ಲಿ ಭಕ್ತರು ಮತ್ತು ಪಕ್ಷದ ಕಾರ್ಯಕರ್ತರೊಂದಿಗೆ ವಿಜಯೇಂದ್ರ ಅವರು ಮಾತುಕತೆ ನಡೆಸಿದರು. ಈ
ಸಂದರ್ಭದಲ್ಲಿ ಭದ್ರತಾ ವ್ಯವಸ್ಥೆಯನ್ನು ಕೈಗೊಳ್ಳಲಾಗಿತ್ತು.

Advertisement