# ಬಿ ಖಾತಾದಿಂದ ಎ ಖಾತಾಗೆ ಪರಿವರ್ತನೆ: ಅರ್ಜಿ ಸಲ್ಲಿಕೆಗೆ ನಾಳೆಯೇ ಕೊನೆಯ ದಿನ, ಅವಧಿ ವಿಸ್ತರಣೆ ಇಲ್ಲ

- Link: https://hosakannada.com/news/b-khata-to-a-khata-conversion-last-date-august-23/
- Published: 2026-08-22T12:58:00+00:00
- Author: ಹೊಸಕನ್ನಡ ನ್ಯೂಸ್

**ಬೆಂಗಳೂರು: ಬಿ ಖಾತಾ ಆಸ್ತಿಗಳನ್ನು ಎ ಖಾತಾಗೆ ಪರಿವರ್ತಿಸಲು ಸರ್ಕಾರ ನೀಡಿರುವ ರಿಯಾಯಿತಿ ಅವಧಿ
ನಾಳೆ (ಆ.23)ಕ್ಕೆ ಅಂತ್ಯವಾಗಲಿದೆ. ಅರ್ಜಿ ಸಲ್ಲಿಕೆಗೆ ಯಾವುದೇ ಹೆಚ್ಚುವರಿ ಕಾಲಾವಕಾಶ ನೀಡುವುದಿಲ್ಲ
ಎಂದು ಐಎಎಸ್ ಅಧಿಕಾರಿ ಮುನೀಶ್ ಮೌದ್ಗಿಲ್ ಸ್ಪಷ್ಟಪಡಿಸಿದ್ದಾರೆ.**

Sponsored

> [ಹಬ್ಬಕ್ಕೂ ಮುನ್ನವೇ ಗ್ರಾಹಕರಿಗೆ ಶಾಕಿಂಗ್‌: ಸಕ್ಕರೆ, ಬೆಲ್ಲದ ದರ ಕೆಜಿಗೆ 75 ರೂ.ಗೆ ಹೆಚ್ಚಳ](https://hosakannada.com/news/sugar-jaggery-price-hike-karnataka-festival-season/)
> Advertisement
> Advertisement

ಎ ಖಾತಾ ಪರಿವರ್ತನೆಗೆ ಈವರೆಗೆ ಸುಮಾರು 70 ಸಾವಿರ ಅರ್ಜಿಗಳು ಸಲ್ಲಿಕೆಯಾಗಿವೆ. ಬೆಂಗಳೂರಿನಲ್ಲಿ 
ಸುಮಾರು 7.5 ಲಕ್ಷ ಬಿ ಖಾತಾ ಆಸ್ತಿಗಳಿದ್ದರೂ, ಅರ್ಜಿ ಸಲ್ಲಿಕೆ ಪ್ರಮಾಣ ನಿರೀಕ್ಷೆಗಿಂತ ಕಡಿಮೆಯಾಗಿದೆ.
ಸಲ್ಲಿಕೆಯಾಗಿರುವ ಅರ್ಜಿಗಳ ಪೈಕಿ ಸುಮಾರು 20 ಸಾವಿರ ಅರ್ಜಿಗಳಿಗೆ ಎ ಖಾತಾ ಮಂಜೂರಾಗಿದೆ ಎಂದು ಅವರು
ಮಾಹಿತಿ ನೀಡಿದ್ದಾರೆ.
 ಸರ್ಕಾರ ನಿಗದಿಪಡಿಸಿರುವ ಮಾರ್ಗಸೂಚಿ ದರದ ಶೇ.2ರಷ್ಟು ಶುಲ್ಕ ಪಾವತಿಸಿ ಬಿ
ಖಾತಾದಿಂದ ಎ ಖಾತಾಗೆ ಪರಿವರ್ತನೆ ಮಾಡಿಕೊಳ್ಳಲು ಅವಕಾಶ ನೀಡಲಾಗಿತ್ತು. ಅರ್ಜಿ ಸಲ್ಲಿಕೆಗೆ ಭಾನುವಾರ(
ಆ.23) ಕೊನೆಯ ಅವಕಾಶವಾಗಿದ್ದು, ಬಳಿಕ ಸರ್ಕಾರದ ರಿಯಾಯಿತಿ ಆಫರ್ ಮುಕ್ತಾಯಗೊಳ್ಳಲಿದೆ.

> [ಹಬ್ಬಕ್ಕೂ ಮುನ್ನವೇ ಗ್ರಾಹಕರಿಗೆ ಶಾಕಿಂಗ್‌: ಸಕ್ಕರೆ, ಬೆಲ್ಲದ ದರ ಕೆಜಿಗೆ 75 ರೂ.ಗೆ ಹೆಚ್ಚಳ](https://hosakannada.com/news/sugar-jaggery-price-hike-karnataka-festival-season/)

 ಈ ಬಾರಿ ಕೂಡ ಬಿ ಖಾತಾದಿಂದ ಎ ಖಾತಾಗೆ ಪರಿವರ್ತನೆ ಮಾಡಿಕೊಳ್ಳಲು ಆಸ್ತಿ ಮಾಲೀಕರಿಂದ ನೀರಸ ಪ್ರತಿಕ್ರಿಯೆ
ವ್ಯಕ್ತವಾಗಿದೆ. ನಿರೀಕ್ಷಿತ ಪ್ರಮಾಣದಲ್ಲಿ ಅರ್ಜಿಗಳು ಸಲ್ಲಿಕೆಯಾಗದಿರುವುದು ಅಧಿಕಾರಿಗಳ ಗಮನಕ್ಕೆ
ಬಂದಿದೆ ಎಂದು ಮುನೀಶ್ ಮೌದ್ಗಿಲ್ ತಿಳಿಸಿದ್ದಾರೆ.

Advertisement