# ಗಲಾಟೆ ವೇಳೆ ಮಚ್ಚಿನಿಂದ ದಾಳಿ – ತಲೆಗೆ ಚುಚ್ಚಿದ ತಲವಾರ್ ಜೊತೆಗೇ ಆಸ್ಪತ್ರೆಗೆ ಬಂದ ಯುವಕ!!

- Link: https://hosakannada.com/news/attacked-with-a-machete-during-a-riot-a-young-man-came-to-the-hospital-with-a-sword-stuck-in-his-head/
- Published: 2026-05-05T17:16:03+00:00
- Author: ಹೊಸಕನ್ನಡ ನ್ಯೂಸ್

ಕ್ಷುಲ್ಲಕ ಕಾರಣಕ್ಕಾಗಿ ನಡೆದ ಜಗಳವೊಂದು ವಿಕೋಪಕ್ಕೆ ಹೋಗಿ,  ಯುವಕನೊಬ್ಬನ ತಲೆಗೆ ಬಲವಾಗಿ ಮಚ್ಚಿನಿಂದ
ಹೊಡೆಯಲಾಗಿದೆ. ಆ ಮಚ್ಚು ಬಲವಾಗಿ ಆತನ ತಲೆಗೆ ಹೊಕ್ಕಿದ್ದರೂ, ಆತ ಅದೇ ಸ್ಥಿತಿಯಲ್ಲಿ ನಡೆದುಕೊಂಡೇ
ಆಸ್ಪತ್ರೆಗೆ ಬಂದಿರುವ ಘಟನೆ ನಡೆದಿದೆ.

Sponsored

ಮುಂಬೈನ ಮಂಖುರ್ದ್ ನಿವಾಸಿ, 27 ವರ್ಷದ ರೋಹಿತ್ ಪವಾರ್ ತಲೆಗೆ ಮಚ್ಚು ಹೊಕ್ಕಿದ್ದರೂ ತಾನಾಗಿಯೇ ಆಸ್ಪತ್ರೆಗೆ
ನಡೆದುಕೊಂಡು ಬಂದ ಯುವಕ. ಕಳೆದ ಶುಕ್ರವಾರ ತಡರಾತ್ರಿ ಸ್ನೇಹಿತರ ನಡುವೆ ನಡೆದ ವಾಗ್ವಾದ ವೇಳೆ ಆತನ
ಮೇಲೆ ಮೂವರು ದಾಳಿ ಮಾಡಿದ್ದಲ್ಲದೆ, ಭೀಕರವಾಗಿ ಮಚ್ಚಿನಿಂದ ತಲೆಗೆ ಹೊಡೆದಿದ್ದರು. ಮಚ್ಚು ಎಷ್ಟು 
ಆಳವಾಗಿ ಇಳಿದಿತ್ತೆಂದರೆ ಅದು ತಲೆಬುರುಡೆಯ ಎಡಭಾಗದಲ್ಲಿ ಭದ್ರವಾಗಿ ಸಿಲುಕಿಕೊಂಡಿತ್ತು.

Advertisement

Advertisement

ಇಂತಹ ಪರಿಸ್ಥಿತಿಯಲ್ಲಿ ಯಾರು ಕೂಡ ಪ್ರಜ್ಞೆ ತಪ್ಪಿ ಬೀಳುವುದು ಸಹಜ. ಆದರೆ ರೋಹಿತ್ ಮಾತ್ರ ಅಸಾಧಾರಣ
ಧೈರ್ಯ ತೋರಿದ್ದಾನೆ. ತಲೆಗೆ ಮಚ್ಚು ಹೊಕ್ಕಿದ್ದರೂ ಗಾಬರಿಯಾಗದ ಆತ, ತನ್ನ ಸ್ನೇಹಿತರ ಜೊತೆ ಮೋಟಾರ್
ಸೈಕಲ್ ಏರಿ ಸಿಯೋನ ಆಸ್ಪತ್ರೆಗೆ ತಲುಪಿದ್ದಾನೆ. ಆಸ್ಪತ್ರೆಯ ಆವರಣದಲ್ಲಿ ಆತ ಮಚ್ಚು ತಲೆಯಲ್ಲಿರುವಾಗಲೇ
ನಡೆದಾಡುತ್ತಾ, ಸ್ನೇಹಿತರೊಡನೆ ಮಾತನಾಡುತ್ತಿದ್ದುದನ್ನು ಕಂಡು ಅಲ್ಲಿನ ವೈದ್ಯರು ಮತ್ತು ಸಿಬ್ಬಂದಿ
ದಂಗಾಗಿದ್ದಾರೆ. ತಕ್ಷಣವೇ ಕಾರ್ಯಪ್ರವೃತ್ತರಾದ ವೈದ್ಯರು ರೋಹಿತ್‌ನನ್ನು ಶಸ್ತ್ರಚಿಕಿತ್ಸೆಗೆ ಒಳಪಡಿಸಿದ್ದಾರೆ.

ಈ ದಾಳಿಗೆ ಸಂಬಂಧಿಸಿದಂತೆ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದು, ದಾಳಿ ನಡೆಸಿದ ಮೂವರು ಅಪ್ರಾಪ್ತ
ಹುಡುಗರನ್ನು ವಶಕ್ಕೆ ಪಡೆದಿದ್ದಾರೆ. ಅವರನ್ನು ಡೊಂಗ್ರಿಯಲ್ಲಿರುವ ಬಾಲಾಪರಾಧಿಗಳ ಕೇಂದ್ರಕ್ಕೆ ರವಾನಿಸಲಾಗಿದೆ.

[https://x.com/i/status/2051564474931585094](https://x.com/i/status/2051564474931585094)

Advertisement