# Ullala: ಕೋಟೆಕಾರು ಬ್ಯಾಂಕ್ ದರೋಡೆಕೋರರನ್ನು ಬಂಧಿಸುವುದು ಒಂದೇ ಒಂದು ದಿನ ಲೇಟದ್ರೂ ಈ ಅನಾಹುತವಾಗ್ತಿತ್ತು

- Link: https://hosakannada.com/news/arresting-the-kotekaru-bank-robbers-even-a-day-late-would-have-resulted-in-this-disaster/
- Published: 2025-01-24T17:21:05+00:00
- Author: ಹೊಸಕನ್ನಡ ನ್ಯೂಸ್

Ullala:ರಾಜ್ಯಾದ್ಯಂತ ಸಂಚಲನ ಸೃಷ್ಟಿಸಿದ ದಕ್ಷಿಣ ಕನ್ನಡ ಜಿಲ್ಲೆಯ ಕೋಟೆಕಾರು ಸಹಕಾರಿ ಬ್ಯಾಂಕ್ 
ದರೋಡೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದೀಗ ಪೊಲೀಸರು ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಈ ಮೂಲಕ
ಮಂಗಳೂರು ಪೊಲೀಸರ ಸಕಾಲ ಕಾರ್ಯಾಚರಣೆಯಿಂದ ಹೀಗೆ ಧಾರಾವಿ ತಲುಪಬೇಕಿದ್ದ ಚಿನ್ನಾಭರಣಗಳು ಮಂಗಳೂರಿನ
ಹಾದಿಯನ್ನು ಮರಳಿ ಹಿಡಿದಿವೆ. ಆದರೆ ಈ ಬೆನ್ನಲ್ಲೇ ಅಚ್ಚರಿ ವಿಚಾರವೊಂದು ಬಯಲಾಗಿದೆ.

Sponsored

ಕೋಟೆಕಾರಿನ ಸಹಕಾರಿ ಬ್ಯಾಂಕ್ ನಲ್ಲಿ ನಡೆದಿದ್ದ ಬ್ಯಾಂಕ್ ದರೋಡೆಯ ಆರೋಪಿಗಳನ್ನು ಬಂಧಿಸುವಲ್ಲಿ ಒಂದೇ
ದಿನ ತಡವಾಗಿದ್ದರೂ ಈ ಒಂದು ಅನಾಹುತ ನಡೆಯುತ್ತಿತ್ತು. ಅದೃಷ್ಟವಶಾತ್ ಆರೋಪಿಗಳು ಕದ್ದಿದ್ದ ಎಲ್ಲಾ
ಮಾಲುಗಳೂ ಯಥಾ ಪ್ರಕಾರ ಸಿಕ್ಕಿದೆ. ಎಲ್ಲಾ ಆರೋಪಿಗಳಿಂದಲೂ ಕದ್ದ ಚಿನ್ನಾಭರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಕಣ್ಣನ್ ನಿಂದ 2 ಕೆ.ಜಿಯಷ್ಟು ಚಿನ್ನಾಭರಣ ವಶಪಡಿಸಿಕೊಳ್ಳಲಾಗಿತ್ತು.

Advertisement

Advertisement

ಹೌದು, ನಂಬಲರ್ಹ ಮೂಲಗಳ ಪ್ರಕಾರ, ಮೂವರ ಬಂಧನ ಒಂದು ದಿನ ತಡವಾಗಿದ್ದರೆ ಈ ಚಿನ್ನಾಭರಣಗಳೆಲ್ಲವೂ ಮುಂಬಯಿ
ತಲುಪುತ್ತಿದ್ದವು. ಆರೋಪಿಗಳು ಚಿನ್ನಾಭರಣಗಳ ವಿಲೇವಾರಿಗೆ ಬೇಕಾದ ಎಲ್ಲ ಪ್ರಕ್ರಿಯೆ ಮುಗಿಸಿದ್ದರು.
ಚಿನ್ನಾಭರಣಗಳ ಕಾರ್ಡ್‌ ಗಳನ್ನು ಎಲ್ಲವನ್ನೂ ಕತ್ತರಿಸಿ, ಪೆಟ್ಟಿಗೆಗಳಲ್ಲಿ ಜೋಡಿಸಿಟ್ಟಿದ್ದರು. ಆರೋಪಿಗಳ
ಲೆಕ್ಕಾಚಾರದ ಪ್ರಕಾರ ಗುರುವಾರ ಈ ಎಲ್ಲ ಚಿನ್ನಾಭರಣಗಳು ಮುಂಬಯಿಗೆ ರವಾನೆಯಾಗಬೇಕಿತ್ತು. ಅಷ್ಟರಲ್ಲಿ
ಪೊಲೀಸರ ತಂತ್ರದಿಂದ ವಿಫ‌ಲವಾಗಿದೆ. ಆದರೆ ಗೃಹ ಸಚಿವರೂ ಖಚಿತಪಡಿಸಿರುವಂತೆ, ಪ್ರಕರಣಕ್ಕೆ ಸಂಬಂಧಿಸಿದ
ಎಲ್ಲ ಚಿನ್ನವನ್ನೂ ವಶಪಡಿಸಿಕೊಳ್ಳಲಾಗಿದೆ.

Advertisement