# ‘ಎಲ್ಲೇ ಹೋದರೂ ಅಲ್ಲೆಲ್ಲಾ ನೀವೇ ಇದ್ದೀರಿ, ವಾಪಸ್‌ ಭಾರತಕ್ಕೆ ಹಿಂತಿರುಗಿ’ ಎಂದು ಭಾರತೀಯರನ್ನು ನಿಂದಿಸಿದ ಅಮೆರಿಕನ್‌ ಮಹಿಳೆ ಅರೆಸ್ಟ್!

- Link: https://hosakannada.com/news/american-women-arrested/
- Published: 2022-08-26T14:51:59+00:00
- Author: ಕೆ. ಎಸ್. ರೂಪಾ

ಅಮೆರಿಕದ ಟೆಕ್ಸಾಸ್ ರಾಜ್ಯದಲ್ಲಿ ನಾಲ್ವರು ಭಾರತೀಯ-ಅಮೆರಿಕನ್ ಮಹಿಳೆಯರನ್ನು ಜನಾಂಗೀಯ ನಿಂದನೆ ಮತ್ತು
ಥಳಿಸಿರುವ ಮೆಕ್ಸಿಕನ್-ಅಮೆರಿಕನ್ ಮಹಿಳೆ ಯನ್ನು ಅರೆಸ್ಟ್‌ ಮಾಡಲಾಗಿದೆ. ಈಕೆ ‘ನೀವು ಅಮೆರಿಕವನ್ನು
ಹಾಳು ಮಾಡುತ್ತಿದ್ದೀರಿ, ವಾಪಸ್‌ ಭಾರತಕ್ಕೆ ಹಿಂತಿರುಗಿʼ ಎಂದು ಜನಾಂಗೀಯ ನಿಂದನೆ ಮಾಡಿದ್ದಾರೆ ಎನ್ನಲಾಗಿದೆ.

Sponsored

ಟೆಕ್ಸಾಸ್‌ನ ಡಲ್ಲಾಸ್‌ನಲ್ಲಿರುವ ಪಾರ್ಕಿಂಗ್ ಸ್ಥಳದಲ್ಲಿ ಬುಧವಾರ ರಾತ್ರಿ ಈ ಘಟನೆ ನಡೆದಿದೆ. ಇದೀಗ
ಬಂಧನಕ್ಕೊಳಗಾಗಿರುವ ಮಹಿಳೆ ಭಾರತೀಯ ಮೂಲದವರನ್ನು ನಿಂದಿಸಿದ್ದಾರೆ. ಇದರ ವಿಡಿಯೋ ಕೂಡ ವೈರಲ್‌ ಆಗಿದ್ದು,
ಭಾರತೀಯರ ಆಕ್ರೋಶಕ್ಕೆ ಕಾರಣವಾಗಿದೆ.

Advertisement

Advertisement

“ನಾನು ನಿಮ್ಮನ್ನು ಭಾರತೀಯರನ್ನು ದ್ವೇಷಿಸುತ್ತೇನೆ. ಈ ಎಲ್ಲಾ ಭಾರತೀಯರು ಉತ್ತಮ ಜೀವನವನ್ನು ಬಯಸಿ
ಅಮೆರಿಕಕ್ಕೆ ಬರುತ್ತಾರೆ. ನಾನು ಎಲ್ಲಿಗೇ ಹೋದರೂ ಅಲ್ಲೆಲ್ಲಾ ಭಾರತೀಯರೇ ಇದ್ದೀರಿ. ನೀವು ಈ ದೇಶವನ್ನು
ಹಾಳು ಮಾಡುತ್ತಿದ್ದೀರಿ. ವಾಪಸ್‌ ಭಾರತಕ್ಕೆ ಹಿಂತಿರುಗಿ” ಎಂದು ನಿಂದಿಸುತ್ತಿರುವುದನ್ನು ವಿಡಿಯೋದಲ್ಲಿ
ನೋಡಬಹುದು.

ಈ ವೀಡಿಯೋ ಇದೀಗ ವೈರಲ್ ಆಗಿದ್ದು, ಅಮೆರಿಕದಾದ್ಯಂತ ಭಾರತೀಯ-ಅಮೆರಿಕನ್‌ರ ಆಕ್ರೋಶಕ್ಕೆ ಕಾರಣವಾಗಿದೆ.
ಈ ವೀಡಿಯೊವನ್ನು ಪೋಸ್ಟ್ ಮಾಡಿದ ವ್ಯಕ್ತಿ, “ನನ್ನ ತಾಯಿ ಮತ್ತು ಅವರ ಮೂವರು ಸ್ನೇಹಿತರು ಊಟಕ್ಕೆ 
ಹೋದಾಗ ಈ ಘಟನೆಯು ಟೆಕ್ಸಾಸ್‌ನ ಡಲ್ಲಾಸ್‌ನಲ್ಲಿ ಸಂಭವಿಸಿದೆ” ಎಂದು ಬರೆದುಕೊಂಡಿದ್ದಾರೆ.

> This is so scary. She actually had a gun and wanted to shoot because these Indian
> American women had accents while speaking English. 
> Disgusting. This awful woman
> needs to be prosecuted for a hate crime. [pic.twitter.com/SNewEXRt3z](https://t.co/SNewEXRt3z)
> — Reema Rasool (@reemarasool) [August 25, 2022](https://x.com/reemarasool/status/1562924126746075136?ref_src=twsrc%5Etfw)

ಇನ್ನೂ, ಪ್ಲಾನೋ ಪೋಲೀಸ್ ಡಿಟೆಕ್ಟಿವ್ಸ್ ಗುರುವಾರ ಮಧ್ಯಾಹ್ನ ನಿಂದಿಸಿ ಹಲ್ಲೆ ನಡೆಸಿದ ಮಹಿಳೆಯನ್ನು
ಬಂಧಿಸಿದ್ದಾರೆ.

Advertisement