# ‘JIO’ಗೆ ಸಡ್ಡು ಹೊಡೆಯಲು ಮುಂದಾದ ‘AIRTEL’ | ಅತ್ಯಾಕರ್ಷಕ ಆಫರ್ ನೊಂದಿಗೆ ಹೊಸ ಪ್ರೀಪೇಡ್ ಆಫರ್ಸ್ ಲಾಂಚ್ !!!!

- Link: https://hosakannada.com/news/airtel-launches-two-new-prepaid-plans/
- Published: 2022-08-17T15:53:14+00:00
- Author: Mallika

ಭಾರತದ ಟೆಲಿಕಾಂ ದಿಗ್ಗಜರಾದ ಜಿಯೋ ಹಾಗೂ ಏರ್‌ಟೆಲ್ ನಡುವಿನ ಬೆಲೆಗಳ ಪೈಪೋಟಿ ಹೆಚ್ಚುತ್ತಿದೆ. ಇದರ
ಪರಿಣಾಮವಾಗಿ ಜಿಯೋಗೆ ವಿರುದ್ಧವಾಗಿ ಏರ್‌ಟೆಲ್ ಇದೀಗ ಎರಡು ಭರ್ಜರಿ ಪ್ರೀಪೇಡ್ ಆಫರ್ ಗಳನ್ನು ಬಿಡುಗಡೆ
ಮಾಡಿದೆ. ದೇಶದಲ್ಲಿ ಅತಿ ಹೆಚ್ಚು ಜನರು ರೀಚಾರ್ಜ್ ಮಾಡಿಸುವ 1.5GB ದೈನಂದಿನ ಹೈ-ಸ್ಪೀಡ್ ಡೇಟಾ ಪ್ರೀಪೇಡ್
ಯೋಜನೆಗಳ ಮೇಲೆ ಇದೀಗ ಏರ್‌ಟೆಲ್ ಗಮನಹರಿಸಿದ್ದು, ಜಿಯೋಗೆ ಟಾಂಗ್ ನೀಡಲು 519 ರೂ. ಮತ್ತು 779 ರೂ.
ಗಳ ಹೊಸ ಎರಡು ಯೋಜನೆಗಳನ್ನು ತನ್ನ ಗ್ರಾಹಕರಿಗೆ ಪರಿಚಯಿಸಿದೆ.

Sponsored

ಏರ್‌ಟೆಲ್ ಬಿಡುಗಡೆ ಮಾಡಿರುವ ಈ ಎರಡೂ ಪ್ರಿಪೇಯ್ಡ್ ಯೋಜನೆಗಳು ಬಳಕೆದಾರರಿಗೆ ಅನಿಯಮಿತ ಧ್ವನಿ ಕರೆಗಳು,
ದಿನಕ್ಕೆ 1.5GB ದೈನಂದಿನ ಡೇಟಾ, ದಿನಕ್ಕೆ 100 SMS ಮತ್ತು ಹೆಚ್ಚಿನ ಹೆಚ್ಚುವರಿ ಪ್ರಯೋಜನಗಳನ್ನು
ಪಡೆಯಲು ಅವಕಾಶವನ್ನು ಒದಗಿಸಿದ್ದು, ಈಗಾಗಲೇ ಕಂಪನಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ ಹಾಗೂ ಏರ್‌ಟೆಲ್
ಥ್ಯಾಂಕ್ಸ್ ಅಪ್ಲಿಕೇಶನ್‌ನಲ್ಲಿ ಈ ಎರಡೂ ಹೊಸ ಏರ್‌ಟೆಲ್ ಯೋಜನೆಗಳನ್ನು ಪಟ್ಟಿ ಮಾಡಲಾಗಿದೆ. ಹಾಗಾದರೆ,
ಈ ಹೊಸ ಏರ್‌ಟೆಲ್ ಪ್ರೀಪೇಡ್ ಯೋಜನೆಗಲೂ ಹೇಗಿವೆ ನೋಡೋಣ ಬನ್ನಿ.

Advertisement

Advertisement

779 ರೂ. ಪ್ರೀಪೇಯ್ಡ್ ಯೋಜನೆಯಲ್ಲಿ ಏನಿದೆ? ಈ ಯೋಜನೆಯ ವ್ಯಾಲಿಡಿಟಿಯು 90 ದಿನಗಳಾಗಿದ್ದು, ಏರ್‌ಟೆಲ್
ಗ್ರಾಹಕರಿಗೆ ಒಟ್ಟು 135 GB ಡೇಟಾವನ್ನು ನೀಡಲಾಗಿದೆ. ಏರ್‌ಟೆಲ್ ಬಿಡುಗಡೆ ಮಾಡಿರುವ 779 ರೂ. ದೈನಂದಿಕ
ಪ್ರೀಪೇಯ್ಡ್ ಯೋಜನೆ ಅನಿಯಮಿತ ಉಚಿತ ಕರೆಗಳು, ಜೊತೆಗೆ ಪ್ರತಿದಿನ 100 ಉಚಿತ ಎಸ್ಎಮ್‌ಎಸ್ ಹಾಗೂ ಪ್ರತಿದಿನ
1.5 GB ಡೇಟಾವನ್ನು ನೀಡುತ್ತದೆ. ಈ ಯೋಜನೆಯಲ್ಲಿ 3 ತಿಂಗಳವರೆಗೆ ಅಪೊಲೊ 24/7 ಚಂದಾದಾರಿಕೆ, 1 ವರ್ಷದವರೆಗೆ
ಶಾ ಅಕಾಡೆಮಿಯೊಂದಿಗೆ ಅಪ್‌ಸ್ಕಿಲ್‌ನಿಂದ ಉಚಿತ ಆನ್‌ಲೈನ್ ಕೋರ್ಸ್‌ಗಳು, ಉಚಿತ ಹಲ್ಯೂಟ್ಯೂನ್, ಉಚಿತ
Wynk ಮ್ಯೂಸಿಕ್ ಮತ್ತು FASTag ನಲ್ಲಿ ರೂ.100 ಕ್ಯಾಶ್‌ಬ್ಯಾಕ್ ನಂತಹ ಪ್ರಯೋಜನಗಳು ಏರ್‌ಟೆಲ್ ಗ್ರಾಹಕರಿಗೆ
ದೊರೆಯುತ್ತದೆ.

ಏರ್‌ಟೆಲ್‌ನಿಂದ ಹೊಸ 519 ರೂ. ಪ್ರೀಪೇಯ್ಡ್
ಯೋಜನೆ : ಏರ್‌ಟೆಲ್ ಬಿಡುಗಡೆ ಮಾಡಿರುವ 519 ರೂ.ಗಳ 
ಹೊಸ ದೈನಂದಿನ ಪ್ರೀಪೇಯ್ಡ್ ಯೋಜನೆಯು ಅನಿಯಮಿತ ಉಚಿತ ಕರೆಗಳು, ಪ್ರತಿದಿನ 100 ಉಚಿತ ಎಸ್ಎಮ್‌ಎಸ್
ಹಾಗೂ ಪ್ರತಿದಿನ 1.5 GB ಡೇಟಾವನ್ನು ಒದಗಿಸಲಿದೆ. ಆದರೆ ಈ ಯೋಜನೆಯ ವ್ಯಾಲಿಡಿಟಿಯು 60 ದಿನಗಳಾಗಿದ್ದು,
ಏರ್‌ಟೆಲ್ ಗ್ರಾಹಕರಿಗೆ ಒಟ್ಟು 90 GB ಡೇಟಾವನ್ನು ನೀಡಲಾಗಿದೆ. ಇವುಗಳ ಜೊತೆಗೆ 3 ತಿಂಗಳವರೆಗೆ ಅಪೊಲೊ
24/7 ಚಂದಾದಾರಿಕೆ, 1 ವರ್ಷದವರೆಗೆ ಶಾ ಅಕಾಡಮಿಯೊಂದಿಗೆ ಅಪ್‌ಸ್ಕಿಲ್‌ನಿಂದ ಉಚಿತ ಆನ್‌ಲೈನ್ ಕೋರ್ಸ್‌ಗಳು,
ಉಚಿತ ಹಲ್ಯೂಟ್ಯೂನ್, ಉಚಿತ Wynk ಮ್ಯೂಸಿಕ್ ಮತ್ತು FASTag ನಲ್ಲಿ ರೂ.100 ಕ್ಯಾಶ್‌ಬ್ಯಾಕ್ ನಂತಹ
ಪ್ರಯೋಜನಗಳು ಏರ್‌ಟೆಲ್ ಗ್ರಾಹಕರಿಗೆ ದೊರೆಯಲಿವೆ.

Advertisement