# ರೀಲ್ಸ್‌ಗಾಗಿ ವಿಧಾನಸೌಧ ಸ್ಫೋಟಿಸಿದಂತೆ ಎ.ಐ. ವಿಡಿಯೋ, ವ್ಯಕ್ತಿಯ ಬಂಧನ

- Link: https://hosakannada.com/news/ai-video-of-vidhana-soudha-exploding-for-reels-person-arrested/
- Published: 2026-10-22T08:41:13+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು: ವಿಧಾನಸೌಧಕ್ಕೆ ಬಾಂಬ್‌ ಇಟ್ಟು ಸ್ಪೋಟಿಸಿದ್ದೇನೆ ಎನ್ನುವ ರೀತಿಯಲ್ಲಿ ಎಐ ವಿಡಿಯೋ ಮಾಡಿ
ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಂನಲ್ಲಿ ಅಪ್‌ಲೋಡ್‌ ಮಾಡಿದ್ದ ವ್ಯಕ್ತಿಯನ್ನು ವಿಧಾನಸೌಧ ಠಾಣೆ ಪೊಲೀಸರು
ಬಂಧನ ಮಾಡಿದ್ದಾರೆ.

Sponsored

ಬಿಹಾರದ ಹಜರತ್‌ ಅಲಿ (25) ಬಂಧಿತ ಆರೋಪಿ.

Advertisement

Advertisement

ಈತ ಖಾಸಗಿ ಸಂಸ್ಥೆಯಲ್ಲಿ ಕೆಲಸ ಮಾಡಿಕೊಂಡಿದ್ದು, ಕೆಲ ದಿನಗಳ ಹಿಂದೆ ವಿಧಾನಸೌಧ ಮುಂಭಾಗ ಬಂದಾಗ ರೀಲ್ಸ್‌
ಮಾಡುವ ಹುಚ್ಚಿಗೆ ವಿಧಾನಸೌಧವನ್ನು ಸ್ಫೋಟಿಸಿದಂತೆ ವಿಡಿಯೋ ಮಾಡಿ ಹರಿಬಿಟ್ಟಿದ್ದಾನೆ ಎಂದು ಪೊಲೀಸರು
ಮಾಹಿತಿ ನೀಡಿದರು.

ಜೆಎನ್‌ಎಕ್ಸ್‌-ಕಿಂಗ್‌-ಎಚ್‌-ಜಿ ಎಂಬ ಹೆಸರಿನ ಖಾತೆ ಹೊಂದಿರುವ ಆರೋಪಿ ವಿಧಾನಸೌಧ ಮುಂಭಾಗ ಬಂದು 
ವಿಧಾನಸೌಧ ಸ್ಫೋಟಿಸುವ ರೀತಿಯಲ್ಲಿ ಎಡಿಟ್‌ ವಿಡಿಯೋವನ್ನು ಅಪ್‌ಲೋಡ್‌ ಮಾಡಿ ಅದಕ್ಕೆ ವಿಧಾನಸೌಧ ʼಉಡಾ
ದಿಯಾ ಬಾಂಬ್‌ ಸೆʼ ಎನ್ನುವ ಶೀರ್ಷಿಕೆ ಹಾಕಿ ವಿಡಿಯೋ ಪೋಸ್ಟ್‌ ಮಾಡಿದ್ದ.

ಈ ಕುರಿತು ಪ್ರಕರಣ ದಾಖಲಿಸಿ ಆರೋಪಿಯನ್ನು ಪತ್ತೆ ಹಚ್ಚಿ ಪೊಲೀಸರು ಬಂಧನ ಮಾಡಿದ್ದಾರೆ. ವಿಧಾನಸೌಧ
ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.

Advertisement
