# ಗಂಡನನ್ನ ಕೊಂದು, ಹಾವು ಇಟ್ಟ ಪತ್ನಿ, ಪ್ರಿಯಕರಿಗೆ ಗಲ್ಲು ಶಿಕ್ಷೆ

- Link: https://hosakannada.com/news/a-wife-who-killed-her-husband-and-introduced-a-snake-gets-the-death-penalty-for-her-lover/
- Published: 2026-10-16T17:39:27+00:00
- Author: ಹೊಸಕನ್ನಡ ನ್ಯೂಸ್

ಉತ್ತರಪ್ರದೇಶ: ಮೀರತ್‌ನಲ್ಲಿ ಗಂಡನನ್ನು ಹತ್ಯೆಗೈದು, ಹಾವು ಕಚ್ಚಿ ಸಾವಾಗಿದೆ ಎಂದು ಬಿಂಬಿಸಲು ಯತ್ನ
ಮಾಡಿದ ಪ್ರಕರಣಕ್ಕೆ ಕುರಿತಂತೆ ಪತ್ನಿ ರವಿತಾ ಹಾಗೂ ಆಕೆಯ ಪ್ರಿಯಕರ ಅಮರ್‌ದೀಪ್‌ಗೆ ಹೆಚ್ಚುವರಿ ಜಿಲ್ಲಾ
ನ್ಯಾಯಾಲಯವು ಮರಣದಂಡನೆ ಶಿಕ್ಷೆ ವಿಧಿಸಿ ಮಹತ್ವದ ತೀರ್ಪನ್ನು ನೀಡಿದೆ.

Sponsored

ಅಮಿತ್‌ ಕಶ್ಯಪ್‌ ಎನ್ನುವಾತ 2025, ಎಪ್ರಿಲ್‌ 12 ರಂದು ಮನೆಯಲ್ಲಿ ಶವವಾಗಿ ಪತ್ತೆಯಾಗಿದ್ದು, ಅಮಿತ್‌
ದೇಹದ ಅಡಿಯಲ್ಲಿ ಹಾವು ಸಿಕ್ಕಿದ್ದು, ಹಾವು ಕಚ್ಚಿದ್ದರಿಂದಲೇ ಮೃತಪಟ್ಟಿದ್ದಾಗಿ ಕುಟುಂಬದವರು ಆರಂಭದಲ್ಲಿ
ಶಂಕೆ ವ್ಯಕ್ತಪಡಿಸಿದ್ದರು. ಆದರೆ ಕತ್ತಿನ ಭಾಗದಲ್ಲಿ ಗಾಯಗಳು ಕಂಡು ಬಂದಿದ್ದರಿಂದ ಅನುಮಾನಗೊಂಡ ಪೊಲೀಸರು
ಮರಣೋತ್ತರ ಪರೀಕ್ಷೆ ಮಾಡಿದಾಗ ಅಮಿತ್‌ ನನ್ನು ಉಸಿರುಗಟ್ಟಿಸಿ ಕೊಲೆ ಮಾಡಿರುವುದು ತಿಳಿದು ಬಂದಿತ್ತು.

Advertisement

Advertisement

ನಂತರ ಪೊಲೀಸರ ತನಿಖೆ ಸಂದರ್ಭ ಅಮಿತ್‌ ಪತ್ನಿ ರವಿತಾ ಮತ್ತು ಅಮಿರ್‌ದೀಪ್‌ ನಡುವೆ ಅನೈತಿಕ ಸಂಬಂಧವಿರುವುದು
ಬೆಳಕಿಗೆ ಬಂದಿದೆ. ಇಬ್ಬರೂ ಸೇರಿ ಅಮಿತ್‌ನನ್ನು ಕೊಲೆ ಮಾಡಿ, ಅಪರಾಧ ಮುಚ್ಚಲು ಹಾವನ್ನು ತಂದು ಹಾಕಿರುವುದು
ತಿಳಿದು ಬಂದಿದೆ. ಸುಮಾರು 500 ಕ್ಕೂ ಹೆಚ್ಚು ಪುಟಗಳ ಚಾರ್ಜ್‌ಶೀಟ್‌ ಸಲ್ಲಿಸಿದ್ದು, 12ಕ್ಕೂ ಹೆಚ್ಚು
ಸಾಕ್ಷಿಗಳನ್ನು ವಿಚಾರಣೆಗೆ ಒಳಪಡಿಸಲಾಗಿತ್ತು.

ಜೈಲಿನಿಂದ ವಿಡಿಯೋ ಕಾನ್ಫರೆನ್ಸ್‌ ಮೂಲಕ ನ್ಯಾಯಾಲಯಕ್ಕೆ ಹಾಜರಾದ ಆರೋಪಿಗಳು, ನ್ಯಾಯಾಲಯ ನೀಡುವ ಯಾವುದೇ
ಶಿಕ್ಷೆಯನ್ನು ನಾವು ಸ್ವೀಕರಿಸುತ್ತೇವೆ ಎಂದು ಹೇಳಿಕೆ ನೀಡಿದ್ದರು. ಎರಡೂ ಕಡೆಯ ವಾದ ಪ್ರತಿವಾದ ಆಲಿಸಿದ
ನ್ಯಾಯಾಲಯವು ಅಪರಾಧದ ಸ್ವರೂಪವನ್ನು ಪರಿಗಣಿಸಿ ಇಬ್ಬರಿಗೂ ಮರಣದಂಡನೆ ಶಿಕ್ಷೆ ವಿಧಿಸಿ ತೀರ್ಪನ್ನು
ನೀಡಿದೆ.

Advertisement