# Love​ Marriage: ವಿಚಿತ್ರ ಲವ್ ಸ್ಟೋರಿ! ಮದುವೆ ಮಾಡಲು ಒಪ್ಪಲಿಲ್ಲವೆಂದು ಎರಡು ಕುಟುಂಬಗಳ ಸೈಲೆಂಟ್ ಕೊಲೆ!

- Link: https://hosakannada.com/news/a-strange-love-story-silent-murder-of-two-families-for-not-agreeing-to-marry/
- Published: 2024-10-07T10:35:32+00:00
- Author: ಕಾವ್ಯ ವಾಣಿ

Love​ Marriage: ಪ್ರೀತಿ ಅನ್ನೋದೇ ಮಾಯೆ. ಹಾಗಿರುವಾಗ ಪ್ರೀತಿ ಯಾವಾಗ ಹೇಗೆ ಒಬ್ಬರನ್ನು ಬದಲಿಸುತ್ತೆ
ಅನ್ನೋದು ಊಹಿಸಲು ಕೂಡಾ ಸಾಧ್ಯವಿಲ್ಲ. ಅಂತೆಯೇ ಇಲ್ಲೊಬ್ಬಳು ಪ್ರೀತಿಗಾಗಿ (Love) ಕುಟುಂಬದವರ ಪ್ರಾಣವನ್ನೇ
ತೆಗೆದಿದ್ದಾಳೆ.

Sponsored

ಹೌದು, ಪಾಕಿಸ್ತಾನದ ಸಿಂಧ್​ ಪ್ರಾಂತ್ಯದ ಖೈರ್​ಪುರ್​ ಜಿಲ್ಲೆಯಲ್ಲಿ ಒಂದೇ ಕುಟುಂಬದ 13 ಮಂದಿ ಸಾವಿಗೀಡಾಗಿದ್ದು,
ಈ ಘಟನೆ ತನಿಖೆ ಕೈಗೊಂಡ ಪೊಲೀಸರಿಗೆ ಆಘಾತಕಾರಿ ವಿಷಯ ಬೆಳಕಿಗೆ ಬಂದಿದೆ.

Advertisement

Advertisement

ಅಘಾತಕಾತಿ ಸಂಗತಿ ಏನೆಂದರೆ, ಮೃತ ಕುಟುಂಬದ ಸದಸ್ಯರಲ್ಲಿ ಒಬ್ಬಳು. ಲವ್​ ಮ್ಯಾರೇಜ್ ( Love Marriage)​
ಮಾಡಿಕೊಳ್ಳಲು ಒಪ್ಪದಿದ್ದಕ್ಕೆ ಇಡೀ ಕುಟುಂಬಕ್ಕೆ ವಿಷವುಣಿಸಿ ಕೊಲೆ ಮಾಡಿದ್ದು, ಈ ಕೃತ್ಯಕ್ಕೆ ಸಾಥ್​
ನೀಡಿದ ಆಕೆಯ ಪ್ರಿಯಕರ ಅಮಿರ್​ ಬಕ್ಷ್ ಬ್ರೋಹಿ ಎಂಬಾತನನ್ನು ಕೂಡಾ ಪೊಲೀಸರು ಬಂಧಿಸಿದ್ದಾರೆ.

ಇದೀಗ ಪ್ರೇಮಿಗಳಾದ ಶಾಯಿಸ್ತಾ ಮತ್ತು ಅಮಿರ್​ ಬಕ್ಷ್ ಬ್ರೋಹಿ ಸೇರಿ ಆಹಾರದಲ್ಲಿ ವಿಷ ಬೆರೆಸಿ ಕೊಲೆ
ಮಾಡಿರುವುದಾಗಿ ಬಂಧಿತ ಆರೋಪಿಗಳಿಬ್ಬರು ಒಪ್ಪಿಕೊಂಡಿದ್ದಾರೆ. ನಮ್ಮಿಬ್ಬರ ಪ್ರೀತಿಗೆ ಎರಡೂ ಕುಟುಂಬದಿಂದ
ವಿರೋಧವಿತ್ತು. ಹೀಗಾಗಿ ಈ ಕೃತ್ಯ ಎಸಗಿದೆವು ಎಂದು ಪೊಲೀಸರ ವಿಚಾರಣೆ ವೇಳೆ ತಿಳಿಸಿದ್ದಾರೆ.

ಈ ಭೀಕರ ಕೃತ್ಯ ಆಗಸ್ಟ್ 17 ರಂದು ಖೈರ್​ಪುರ್​ ಜಿಲ್ಲೆಯ ಪಿರ್​ಜೋ ಗೋಥ್ ಪ್ರದೇಶದಲ್ಲಿ ನಡೆದಿದ್ದು,
ಮೃತರು ವಿಷ ಸೇವಿಸಿರುವುದು ಮರಣೋತ್ತರ ಪರೀಕ್ಷಾ ವರದಿಯಲ್ಲೂ ದೃಢಪಟ್ಟಿದೆ. ಇದೀಗ ಶಾಯಿಸ್ತಾ ಮತ್ತು
ಅಮೀರ್ ಭಕ್ಷ್ ವಿರುದ್ಧ ಪ್ರಕರಣ ದಾಖಲಾಗಿದ್ದು, ಹೆಚ್ಚಿನ ತನಿಖೆ ಮುಂದುವರಿದಿದೆ.

Advertisement