# ಆಗುಂಬೆ ಘಾಟಿ, ಹೆಬ್ರಿ ರಸ್ತೆ ಅಭಿವೃದ್ಧಿಗೆ ₹42.75 ಕೋಟಿ ಬಿಡುಗಡೆ!!

- Link: https://hosakannada.com/news/42-75-crore-released-for-the-development-of-agumbe-ghat-and-hebri-roads/
- Published: 2026-09-14T06:57:31+00:00
- Author: ಹೊಸಕನ್ನಡ ನ್ಯೂಸ್

ಉಡುಪಿ ಜಿಲ್ಲೆಯ ಪ್ರಮುಖ ಸಂಪರ್ಕ ಕೊಂಡಿಯಾಗಿರುವ ರಾಷ್ಟ್ರೀಯ ಹೆದ್ದಾರಿ 169 A (NH 169A) ಅಭಿವೃದ್ಧಿಗೆ
ಕೇಂದ್ರ ಸರ್ಕಾರದಿಂದ ಭಾರೀ ದೊಡ್ಡ ಕೊಡುಗೆ ಸಿಕ್ಕಿದೆ.

Sponsored

ಹೌದು, ಆಗುಂಬೆ ಘಾಟಿಯಿಂದ ಕರಾವಳಿ ಜಂಕ್ಷನ್‌ವರೆಗಿನ ವಿವಿಧ ರಸ್ತೆ ಅಭಿವೃದ್ಧಿ ಕಾಮಗಾರಿಗಳಿಗಾಗಿ
ಕೇಂದ್ರ ರಾಷ್ಟ್ರೀಯ ಹೆದ್ದಾರಿ ಇಲಾಖೆಯು ಒಟ್ಟು ₹42.75 ಕೋಟಿ ಅನುದಾನವನ್ನು ಬಿಡುಗಡೆಗೊಳಿಸಿದೆ.
ಒಟ್ಟಿನಲ್ಲಿ ಈ ಯೋಜನೆಯು ಕರಾವಳಿ ಹಾಗೂ ಮಲೆನಾಡು ಭಾಗದ ವಾಹನ ಸವಾರರ ದೀರ್ಘಕಾಲದ ಸಂಚಾರ ಸಮಸ್ಯೆಗೆ
ಮುಕ್ತಿ ನೀಡುತ್ತದೆ.

Advertisement

Advertisement

ಎಲ್ಲೆಲ್ಲಾ ಅಭಿವೃದ್ಧಿ?

ಬಿಡುಗಡೆಯಾಗಿರುವ ಅನುದಾನದಲ್ಲಿ ರಾಷ್ಟ್ರೀಯ ಹೆದ್ದಾರಿ 169 A ವ್ಯಾಪ್ತಿಯ ಆಗುಂಬೆ ಘಾಟಿಯ ಆಯ್ದ 
ಅಪಾಯಕಾರಿ ಭಾಗಗಳಲ್ಲಿ ತಡೆಗೋಡೆ ಹಾಗೂ ಕಾಂಕ್ರೀಟ್ ರಸ್ತೆ ನಿರ್ಮಾಣ ಕೈಗೆತ್ತಿಕೊಳ್ಳಲಾಗುತ್ತದೆ. 
ಜೊತೆಗೆ, ಆಗುಂಬೆಯಿಂದ ಹೆಬ್ರಿ ಪೇಟೆಯವರೆಗಿನ ರಸ್ತೆಯ ಸಮಗ್ರ ಅಭಿವೃದ್ಧಿ ಕಾಮಗಾರಿಗಳು ಈ ಯೋಜನೆಯಡಿಯಲ್ಲಿ
ನೆರವೇರಲಿವೆ. 

ಅಲ್ಲದೆ ಉಡುಪಿ ನಗರದ ಸಾಗಾಣಿಕೆಗೆ ಪ್ರಮುಖವಾಗಿರುವ ಪರ್ಕಳದಿಂದ ಕರಾವಳಿ ಜಂಕ್ಷನ್‌ವರೆಗಿನ ಆಯ್ದ 
ಸಂಚಾರ ದಟ್ಟಣೆ ಪ್ರದೇಶಗಳಲ್ಲಿ ರಸ್ತೆ ಅಭಿವೃದ್ಧಿ ಮತ್ತು ಡಾಂಬರೀಕರಣ/ಕಾಂಕ್ರೀಟಿಕರಣ ಕಾಮಗಾರಿಗಳನ್ನು
ನಡೆಸಲಾಗುತ್ತದೆ. ಘಾಟಿ ಪ್ರದೇಶದಲ್ಲಿ ಸುಗಮ ಹಾಗೂ ಸುರಕ್ಷಿತ ಸಂಚಾರಕ್ಕೆ ಕಾಂಕ್ರೀಟ್ ತಡೆಗೋಡೆಗಳು
ಅತ್ಯಗತ್ಯವಾಗಿದ್ದವು. ಈ ಅನುದಾನ ಬಿಡುಗಡೆಯಿಂದಾಗಿ ಮಳೆಗಾಲದಲ್ಲಿ ಕುಸಿಯುವ ಭೀತಿಯಲ್ಲಿದ್ದ ರಸ್ತೆಗಳಿಗೆ
ಶಾಶ್ವತ ಪರಿಹಾರ ಸಿಗಲಿದ್ದು, ಶೀಘ್ರದಲ್ಲೇ ಕಾಮಗಾರಿ ಆರಂಭಗೊಳ್ಳಲಿದೆ ಎಂದು ಹೆದ್ದಾರಿ ಪ್ರಾಧಿಕಾರದ
ಮೂಲಗಳು ತಿಳಿಸಿವೆ.

Advertisement