# Jammu Kashmir: ಜಮ್ಮು ಮತ್ತು ಕಾಶ್ಮೀರದಲ್ಲಿ ಆರ್ಮಿ ಟ್ರಕ್ ಕಂದಕಕ್ಕೆ ಬಿದ್ದು 2 ಸೈನಿಕರ ಸಾವು, ಹಲವರು ಗಾಯ

- Link: https://hosakannada.com/news/2-soldiers-killed-many-injured-as-army-truck-falls-into-ditch-in-jammu-and-kashmir/
- Published: 2025-01-04T16:10:16+00:00
- Author: ಹೊಸಕನ್ನಡ ನ್ಯೂಸ್

Jammu Kashmir: ಜಮ್ಮು ಮತ್ತು ಕಾಶ್ಮೀರದಲ್ಲಿ ಆರ್ಮಿ ಟ್ರಕ್ ಕಂದಕಕ್ಕೆ ಬಿದ್ದು 2 ಸೈನಿಕರ ಸಾವು,
ಹಲವರು ಗಾಯ

Sponsored

ಉತ್ತರ ಕಾಶ್ಮೀರದ ಬಂಡಿಪೋರಾ ಪ್ರದೇಶದಲ್ಲಿ ಶನಿವಾರ (ಇಂದು) ಭಾರತೀಯ ಸೇನೆಯ ವಾಹನವೊಂದು ಕಂದಕಕ್ಕೆ
ಉರುಳಿಬಿದ್ದಿದ್ದು, ಈ ಅವಘಡದಲ್ಲಿ ಇಬ್ಬರು ಸೈನಿಕರು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ. ಅಪಘಾತದಲ್ಲಿ
ಮೂವರು ಯೋಧರು ಗಾಯಗೊಂಡಿದ್ದು, ಚಿಂತಾಜನಕ ಸ್ಥಿತಿಯಲ್ಲಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಜಮ್ಮು ಮತ್ತು ಕಾಶ್ಮೀರ ಪೊಲೀಸ್ ಮತ್ತು ಸುನಾ ಹಲವು ಯೋಧರು ಸ್ಥಳದಲ್ಲಿ ರಕ್ಷಣಾ ಕಾರ್ಯದಲ್ಲಿ ತೊಡಗಿದ್ದಾರೆ.

Advertisement

Advertisement

ಉತ್ತರ ಕಾಶ್ಮೀರ ಜಿಲ್ಲೆಯ ಎಸ್‌ಕೆ ಪಯಾನ್ ಬಳಿ ಸೇನಾ ವಾಹನವೊಂದು ರಸ್ತೆಯಿಂದ ಜಾರಿ ಕಂದಕಕ್ಕೆ ಬಿದ್ದಿದೆ
ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸದ್ಯ ಪೊಲೀಸರು ಮತ್ತು ಸೇನಾ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ
ನಡೆಸುತ್ತಿದ್ದಾರೆ.

ಇದಕ್ಕೂ ಮೊದಲು, ಜಮ್ಮು ಮತ್ತು ಕಾಶ್ಮೀರದ ಪೂಂಚ್ ಜಿಲ್ಲೆಯ ಬಲ್ನೋಯ್ ಸೆಕ್ಟರ್‌ನಲ್ಲಿ ಡಿಸೆಂಬರ್ 
24, 2024 ರಂದು ದುರಂತವೊಂದು ಸಂಭವಿಸಿತ್ತು. ಈ ಅಪಘಾತದಲ್ಲಿ ಸೇನಾ ವಾಹನವೊಂದು 300 ಅಡಿ ಆಳದ ಕಮರಿಗೆ
ಬಿದ್ದು, ಐವರು ಯೋಧರು ಹುತಾತ್ಮರಾಗಿದ್ದರು. ಪೂಂಚ್ ಸೆಕ್ಟರ್‌ನಲ್ಲಿ ಕಾರ್ಯಾಚರಣೆಯ ಸಮಯದಲ್ಲಿ ಈ 
ಅಪಘಾತ ಸಂಭವಿಸಿತ್ತು. ಡಿಸೆಂಬರ್ 31, 2024 ರಂದು, ಪೂಂಚ್ ಜಿಲ್ಲೆಯ ಮೆಂಧರ್‌ನ ಎಲ್‌ಒಸಿ ಬಳಿಯ ಬಲ್ನೋಯಿ
ಪ್ರದೇಶದಲ್ಲಿ ಕೂಡಾ ಸೇನಾ ವಾಹನವೊಂದು ಅಪಘಾತಕ್ಕೀಡಾಗಿತ್ತು. ಸೇನಾ ವಾಹನ ಸುಮಾರು 100 ಅಡಿ ಆಳದ 
ಕಂದಕಕ್ಕೆ ಬಿದ್ದಿದ್ದು, ಈ ಅಪಘಾತದಲ್ಲೂ ಐವರು ಯೋಧರು ಹುತಾತ್ಮರಾಗಿದ್ದು, ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

 

Advertisement
