# ಪೊಲೀಸರ ಕಣ್ತಪ್ಪಿಸಿ ಕಾಡಲ್ಲಿ ಮೋಜು, ಮಸ್ತಿ – ಡ್ರೋನ್ ಕ್ಯಾಮರಾದಲ್ಲಿ ಸೆರೆ ಸಿಕ್ಕ 19 ಮಂದಿ ಪೊಲೀಸ್ ವಶಕ್ಕೆ

- Link: https://hosakannada.com/news/19-people-caught-on-drone-camera-having-fun-in-the-forest-while-eluding-the-police-police-take-them-into-custody/
- Published: 2026-04-29T10:07:58+00:00
- Author: ಹೊಸಕನ್ನಡ ನ್ಯೂಸ್

ತಾವಿರುವ ಜಾಗಗಳಲ್ಲಿಯೇ ಮೋಜು, ಮಸ್ತಿ ಮಾಡುವುದು ಸಾಲದೆಂದು ಇದೀಗ ಜನರ ಗುಂಪೊಂದು ಪೊಲೀಸರ ಕಣ್ಣುತಪ್ಪಿಸಿ
ಕಾಡಲ್ಲಿ ಮಜಾ ಮಾಡಲು ತೆರಳಿ, ಡ್ರೋನ್ ಕ್ಯಾಮರಾಗೆ ಸೆರೆ ಸಿಕ್ಕ ಘಟನೆ ಶಿವಮೊಗ್ಗ ಜಿಲ್ಲೆಯ ಭದ್ರಾವತಿಯಲ್ಲಿ
ನಡೆದಿದೆ. ಇದೀಗ ಈ ಗ್ಯಾಂಗ್ ನಲ್ಲಿದ್ದ 19 ಮಂದಿಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

Sponsored

ಹೌದು, ಭದ್ರಾವತಿ ತಾಲೂಕಿನ ಅರಣ್ಯ ಪ್ರದೇಶಗಳಲ್ಲಿ ನಡೆಯುತ್ತಿದ್ದ ಇಸ್ಪೀಟು, ಒಸಿ ಸೇರಿ ವಿವಿಧ ಅಕ್ರಮ
ಚಟುವಟಿಕೆಗಳು ನಡೆಯುತ್ತಿರುವ ಬಗ್ಗೆ ದೂರುಗಳು ಕೇಳಿಬಂದಿದ್ದವು. ಹೀಗಾಗಿ ಈ ದಂಧೆಗೆ ಬ್ರೇಕ್ ಹಾಕಲು
ಜಿಲ್ಲಾ ಪೊಲೀಸ್ ಇಲಾಖೆ ವಿನೂತನ ಕಾರ್ಯಾಚರಣೆ ನಡೆಸಿ, ಡ್ರೋನ್‌ ಬಳಸಿ ಆರೋಪಿಗಳ ಮಾಹಿತಿ ಕಲೆ ಹಾಕಿ
19 ಮಂದಿಯನ್ನು ವಶಕ್ಕೆ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

Advertisement

Advertisement

ಅರಣ್ಯ ಮಧ್ಯಭಾಗದಲ್ಲಿ ಈ ರೀತಿಯಾದಂದೆಗಳು ಯಥೇಚ್ಛವಾಗಿ ನಡೆಯುತ್ತಿದ್ದವು. ದೂರುಗಳು ಬಂದಾಗ ಪೊಲೀಸರು
ಸ್ಥಳಗಳಿಗೆ ಎಂಟ್ರಿ ಕೊಡುವ ಮೊದಲೇ ವಿಚಾರ ತಿಳಿದು ಕದೀಮರು ಅಲ್ಲಿಂದ ಕಾಲು ಕೀಳುತ್ತಿದ್ದರು. ಆದರೆ
ಹೊಸ ಪ್ಲಾನ್ ಮಾಡಿದ ಪೊಲೀಸರು ಡ್ರೋನ್‌ ಬಳಸಿ, ಆರೋಪಿಗಳ ಚಲನವಲನವನ್ನು ಪರಿಶೀಲಿಸಿದ್ದರು. ಈ ಮಾಹಿತಿ
ಆಧಾರದ ಮೇಲೆ ಭದ್ರಾವತಿ ಗ್ರಾಮೀಣ ಠಾಣೆ ಪೋಲೀಸರು ತಕ್ಷಣ ದಾಳಿ ನಡೆಸಿ 19 ಮಂದಿಯನ್ನು ವಶಕ್ಕೆ ಪಡೆದಿದ್ದಾರೆ.

Advertisement