# 18 ವರ್ಷ ಒಂದೇ ರೂಟ್, ಒಂದೇ ಬಸ್ – ನಿವೃತ್ತಿ ದಿನ ಚಾಲಕ ಮಾಡಿದ ಕೆಲಸ ಕಂಡು CM ಭಾವುಕ!!

- Link: https://hosakannada.com/news/18-years-of-same-route-same-bus-cm-gets-emotional-after-seeing-the-work-done-by-the-driver-on-his-retirement-day/
- Published: 2026-09-04T14:35:29+00:00
- Author: ಹೊಸಕನ್ನಡ ನ್ಯೂಸ್

ಪ್ರಯಾಣಿಕರಿಗೆ ಬಸ್ಸು ಎಂಬುದು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ನಮ್ಮನ್ನು ಕರೆದೊಯುವ ಒಂದು
ಸಾಮಾನ್ಯ ವಾಹನವಷ್ಟೇ. ಆದರೆ ದಿನನಿತ್ಯವೂ ಅದರಲ್ಲಿ ಕೂತು ಸಾವಿರಾರು ಜನರನ್ನು ಒಂದೆಡೆಯಿಂದ ಮತ್ತೊಂದೆಡೆಗೆ
ಸುರಕ್ಷಿತವಾಗಿ ಕರೆದುಕೊಂಡು ಹೋಗುವ ಅದರ ಚಾಲಕರಿಗೆ ಅದು ಕೇವಲ ಒಂದು ವಾಹನ ಅಥವಾ ಗಾಡಿಯಾಗಿ ಉಳಿದಿರುವುದಿಲ್ಲ.
ಅವರ ಸಂಸಾರವನ್ನು ಸಾಗ ಹಾಕುವ ಮಹಾಲಕ್ಷ್ಮಿ ಇದ್ದಂತೆ. ಕೆಲವೊಮ್ಮೆ ಬಸ್ ಡ್ರೈವರ್ ಗಳು ನಿವೃತ್ತಿ 
ಹೊಂದಿ ಹೋಗುವ ಸಂದರ್ಭದಲ್ಲಿ ಅವರು ತಾವು ಓಡಿಸುವ ಬಸ್ ಮೇಲೆ ತೋರುವ ಪ್ರೀತಿಯೇ ಇದಕ್ಕೆ ಸಾಕ್ಷಿ. 
ಈಗ ಅಂತದ್ದೇ ಒಂದು ಘಟನೆ ನಡೆದಿದೆ.

Sponsored

ಸಾಮಾನ್ಯವಾಗಿ ಬಸ್ ಡ್ರೈವರ್ ಗಳನ್ನು ಒಂದೇ ಮಾರ್ಗದಲ್ಲಿ ನಿರಂತರವಾಗಿ ಚಲಾವಣೆಗೆ ಬಿಡುವುದಿಲ್ಲ. 
ಅವರನ್ನು ಬೇರೆ ಬೇರೆ ಮಾರ್ಗಗಳಿಗೆ, ಬೇರೆ ಬೇರೆ ಬಸ್ಗಳಿಗೆ ವರ್ಗ ಮಾಡುತ್ತಲೇ ಇರುತ್ತಾರೆ. ಆದರೆ 
ಕೇರಳದ ಸಾರಿಗೆ ಇಲಾಖೆಯಲ್ಲಿ ಒಬ್ಬ ಡ್ರೈವರ್ ಬರೋಬ್ಬರಿ 18 ವರ್ಷಗಳಿಂದ ಒಂದೇ ಬಸ್ ನಲ್ಲಿ, ಒಂದೇ 
ರೂಟ್ ನಲ್ಲಿ ಕರ್ತವ್ಯ ನಿರ್ವಹಿಸಿದ್ದಾರೆ. ಇದೀಗ ಅವರು ನಿವೃತ್ತಿಯನ್ನು ಹೊಂದುವ ಸಮಯ ಬಂದಿದ್ದು 
ಕೊನೆಯ ದಿನದ ಕೆಲಸದಲ್ಲಿ ಅವರು ಮಾಡಿದ ಕಾರ್ಯ ಕಂಡು ಸ್ವತಹ ಮುಖ್ಯಮಂತ್ರಿಗಳೆ ಭಾವಕರಾಗಿದ್ದಾರೆ.

Advertisement

Advertisement

ಹೌದು, ಕೇರಳದ ರಸ್ತೆ ಸಾರಿಗೆ ಸಂಸ್ಥೆಯ ಡ್ರೈವರ್ ಪೌಲ್ ಕುರಿಯನ್ ಅವರು ಬರೋಬ್ಬರಿ 18 ವರ್ಷಗಳ ಕಾಲ
ಚಾಲಕನಾಗಿ ಸೇವೆ ಸಲ್ಲಿಸಿದ್ದಾರೆ. ಇದರಲ್ಲಿ ವಿಶೇಷ ಏನಪ್ಪಾ ಅಂದ್ರೆ, ಕಳೆದ 18 ವರ್ಷಗಳಿಂದ ಅವರು
ಇಡುಕ್ಕಿ-ಕುಮಿಲಿ ರೂಟ್‌ನಲ್ಲಿ ಒಂದೇ ಬಸ್ಸನ್ನು ಪ್ರೀತಿಯಿಂದ ಓಡಿಸಿಕೊಂಡು ಬಂದಿದ್ದಾರೆ. ಅಕ್ಟೋಬರ್
31ಕ್ಕೆ ಪೌಲ್ ಅವರು ಅಧಿಕೃತವಾಗಿ ರಿಟೈರ್ಡ್ ಆಗ್ತಿದ್ದಾರೆ. ಆದ್ರೆ, ಈ ಮಂಗಳವಾರವೇ ಅವರ ಡ್ಯೂಟಿಯ
ಕೊನೆಯ ದಿನವಾಗಿತ್ತು. ಆ ದಿನ ಬಸ್ ಆಫ್ ಮಾಡಿ ಕೆಳಗಿಳಿದ ಪೌಲ್ ಅವರಿಗೆ, 18 ವರ್ಷ ಜೊತೆಗಿದ್ದ ಗಾಡಿಯನ್ನ
ಬಿಟ್ಟು ಹೋಗೋಕೆ ಮನಸ್ಸೇ ಬರಲಿಲ್ಲ. ಬಸ್ ಮುಂಭಾಗಕ್ಕೆ ಹೋಗಿ ನಿಂತ ಅವರು, ಕಣ್ಣು ತುಂಬಿ ಆ ಬಸ್ಸಿಗೆ
ನಮಸ್ಕರಿಸಿ, ಪ್ರೀತಿಯಿಂದ ಒಂದು ಮುತ್ತಿಟ್ಟರು. 18 ವರ್ಷದ ಸೇವೆ, ಲಕ್ಷಾಂತರ ಕಿಲೋಮೀಟರ್ ಪ್ರಯಾಣ,
ಎಣಿಕೆ ಇಲ್ಲದಷ್ಟು ನೆನಪುಗಳು… ಎಲ್ಲವೂ ಆ ಒಂದು ಮುತ್ತಿನಲ್ಲಿ ಅಡಗಿತ್ತು.

ಅಲ್ಲಿಯೇ ಇದ್ದ ಅವರ ಸಹೋದ್ಯೋಗಿಗಳು ಈ ಸುಂದರ ಕ್ಷಣವನ್ನು ವೀಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ 
ಹಾಕಿದ್ದಾರೆ. ನೋಡ ನೋಡುತ್ತಿದ್ದಂತೆಯೇ ಈ ವೀಡಿಯೋ ಫುಲ್ ವೈರಲ್ ಆಗಿಬಿಡ್ತು. “ಇದು ಬರೀ ಕೆಲಸ ಅಲ್ಲ,
ವೃತ್ತಿಯ ಮೇಲಿರೋ ಪವಿತ್ರವಾದ ಪ್ರೀತಿ” ಎಂದು ಜನ ಕಾಮೆಂಟ್ ಮಾಡಿ ಪೌಲ್ ಅವರ ಮನಸ್ಸನ್ನು ಮೆಚ್ಚಿಕೊಂಡಿದ್ದಾರೆ.

ಈ ವೀಡಿಯೋ ಕೇರಳದ ಮುಖ್ಯಮಂತ್ರಿ ವಿ. ಡಿ. ಸತೀಶನ್ ಅವರ ಗಮನಕ್ಕೂ ಬಂದಿದೆ. ಅವರು ಈ ವೀಡಿಯೋ ನೋಡಿ,“
ತಾನು ದಿನವೂ ಓಡಿಸುತ್ತಿದ್ದ ಬಸ್ಸಿಗೆ ಪೌಲ್ ಅವರು ಗೌರವ ಸಲ್ಲಿಸಿದ ರೀತಿ ನನ್ನ ಹೃದಯ ಮುಟ್ಟಿದೆ.
ಇಂತಹ ಸಾವಿರಾರು ಉದ್ಯೋಗಿಗಳ ಶ್ರಮ ಮತ್ತು ಅಭಿಮಾನವೇ ನಮ್ಮ ಸಾರಿಗೆ ವ್ಯವಸ್ಥೆಯ ಬೆನ್ನೆಲುಬು” ಅಂತ
ಬಹಿರಂಗವಾಗಿಯೇ ಹೊಗಳಿದ್ದಾರೆ.

 

Advertisement
