# ಮಂಗಳೂರು:ಕುಡುಕನಿಗೆ ಸಿಕ್ಕಿದ 10 ಲಕ್ಷ ನೋಟಿನ ಕಂತೆ!!ಠಾಣೆ ಮೆಟ್ಟಿಲೇರಿದ ಬಳಿಕ ಮುಚ್ಚಿಹೋಯಿತೇ!? ಮಂಗಳೂರು ನಗರ ಪೊಲೀಸರ ನಡೆಯಲ್ಲಿ ಹಲವು ಅನುಮಾನ!?

- Link: https://hosakannada.com/news/10-lakhs-note-found-by-adrunkard-did-it-close-after-entering-thestation/
- Published: 2022-12-06T16:43:40+00:00
- Author: ಕೆ. ಎಸ್. ರೂಪಾ

ಮಂಗಳೂರು:ಕುಡುಕನಿಗೆ ಸಿಕ್ಕಿದ 10 ಲಕ್ಷ ನೋಟಿನ ಕಂತೆ!!ಠಾಣೆ ಮೆಟ್ಟಿಲೇರಿದ ಬಳಿಕ ಮುಚ್ಚಿಹೋಯಿತೇ!?
ಮಂಗಳೂರು ನಗರ ಪೊಲೀಸರ ನಡೆಯಲ್ಲಿ ಹಲವು ಅನುಮಾನ!?

Sponsored

ಮಂಗಳೂರು: ನಗರದ ಪಂಪ್ ವೆಲ್ ನ ಬಳಿಯ ಬಾರ್ ಒಂದರ ಬಳಿ ನವೆಂಬರ್​ 27ರಂದು 2,000, 500 ರೂಂ ಮುಖಬೆಲೆಯ
ಗರಿ ಗರಿನೋಟಿನ ಹಣದ ಬಾಕ್ಸ್ ಕುಡುಕರೊಬ್ಬರಿಗೆ ಸಿಕ್ಕಿದ್ದು,ಬಳಿಕ ಕುಡುಕನ ಸಹಿತ ಹಣವನ್ನು ಪೊಲೀಸರು
ವಶಕ್ಕೆ ಪಡೆದಿದ್ದು,ದಿನಗಳು ಹಲವು ಕಳೆದರೂ ಈ ವರೆಗೆ ಯಾವುದೇ ಪ್ರಕರಣ ದಾಖಲಾಗದೆ ತೆರೆಮರೆಯಲ್ಲೇ 
ಮುಚ್ಚಿಹೋಗಿರುವ ವಿಚಾರವೊಂದು ಕುಡುಕನಿಂದಲೇ ವೈರಲ್ ಆಗಿದ್ದು, ನಗರ ಪೊಲೀಸರ ನಡೆ ಹಲವು ಅನುಮಾನಗಳಿಗೆ
ಎಡೆಮಾಡಿಕೊಟ್ಟಿದೆ.

Advertisement

Advertisement

![](https://hosakannada.com/wp-content/uploads/2022/12/IMG-20221206-WA0011-1.jpg)

ಮದ್ಯ ವ್ಯಸನಿಯಾಗಿದ್ದ ಹಣ ಶಿವರಾಜ್​​ ಎಂಬಾತನಿಗೆ ಬಾರ್ ಬಳಿಯಲ್ಲಿ ಬ್ಯಾಗ್ ಒಂದು ಕಂಡಿದ್ದು, ಅಲ್ಲೇ
ಇದ್ದ ಕಾರ್ಮಿಕನೊಂದಿಗೆ ಸೇರಿ ಅದನ್ನು ಪರಿಶೀಲಿಸಿದಾಗ ಸಾವಿರ ಮುಖಬೆಲೆಯ ಗರಿಗರಿ ನೋಟುಗಳು ಕಂಡುಬಂದಿತ್ತು.
ಆ ಹಣದಲ್ಲಿ ಕಾರ್ಮಿಕನಿಗೆ ಒಂದೆರಡು ಕಂತೆ ನೀಡಿದ ಬಳಿಕ, ಇಬ್ಬರೂ ಸೇರಿ ಮದ್ಯ ಸೇವಿಸಿದ್ದಾರ.

ಮಾರನೇ ದಿನ ಈ ವಿಚಾರ ಕಂಕನಾಡಿ ಪೊಲೀಸರಿಗೆ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಬಂದು ಹಣದ ಬಾಕ್ಸ್​ ಸಮೇತ
ಶಿವರಾಜ್​ನನ್ನ ವಶಕ್ಕೆ ಪಡೆದಿದ್ದಾರೆ.ಹಣದ ಮೂಲ ಪತ್ತೆ ಮಾಡುವ ಉದ್ದೇಶದಿಂದ ಮೂರು ದಿನಗಳ ಕಾಲ ಠಾಣೆಯಲ್ಲಿ
ಇಟ್ಟುಕೊಂಡು ನಂತರ ಶಿವರಾಜ್ ನನ್ನು ಬಿಟ್ಟು ಕಳಿಸಿದ್ದಾರೆ. ಈ ವಿಚಾರವನ್ನು ಶಿವರಾಜ್ ಬಹಿರಂಗಗೊಳಿಸಿದ್ದು,
ಶಿವರಾಜ್​​ ಬಾಕ್ಸ್​ನಲ್ಲಿ 5ರಿಂದ 10 ಲಕ್ಷ ಇತ್ತು ಎಂದು ಹೇಳಿಕೆ ನೀಡಿದ್ದ ವಿಡಿಯೋ ಒಂದು ಮಾಧ್ಯಮಗಳಿಗೆ
ಸಿಕ್ಕಿತ್ತು.

ಈ ಬಗ್ಗೆ ಈ ವರೆಗೆ ಪೊಲೀಸರು ಯಾವುದೇ ಕೇಸ್ ದಾಖಲಿಸದೇ ಇರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದ್ದು,
ನೋಟಿನ ಕಂತೆಯ ವಾರೀಸುದಾರರ ಪತ್ತೆಗಾಗಲಿ, ಅಥವಾ ಹಣದ ಮೂಲದ ಪತ್ತೆಗೆ ಪೊಲೀಸರು ಮನಸ್ಸು ಮಾಡದೆ ಇರುವುದು
ಸಾರ್ವಜನಿಕರಿಗೆ ಅನುಮಾನ ಹೆಚ್ಚಿಸಿದೆ. ಈ ಹಿಂದೆ ಸೀಜ್ ಮಾಡಿದ್ದ ವಾಹನಗಳನ್ನು ಸೇಲ್ ಮಾಡಿದ್ದ ನಗರ
ಪೊಲೀಸರ ಮುಡಿಗೆ ಕುಡುಕನ ಹಣದ ವಿಚಾರ ಕಿರೀಟವಾದಂತಿದೆ ಎನ್ನುತ್ತಿದ್ದಾರೆ ಪ್ರಜ್ಞಾವಂತ ನಾಗರಿಕರು.

Advertisement