# Jar: ಡಿಜಿಟಲ್‌ ಗೋಲ್ಡ್‌ ಸೇವಿಂಗ್ಸ್‌ ಅಪ್‌ Jar ಮೇಲೆ ಸಿಐಡಿ ದಾಳಿ!

- Link: https://hosakannada.com/money/investing/cid-attack-on-digital-gold-savings-up-jar/
- Published: 2026-02-25T19:15:40+00:00
- Author: ಹೊಸಕನ್ನಡ ನ್ಯೂಸ್

Jar: ಡಿಜಿಟಲ್ ಚಿನ್ನದ ಹೂಡಿಕೆ ವೇದಿಕೆಯಾದ ‘ಜಾರ್’ (Jar) ಸಂಸ್ಥೆಯ ಮೇಲೆ ಕರ್ನಾಟಕದ ಅಪರಾಧ ತನಿಖಾ
ಇಲಾಖೆಯ (CID) ಅಡಿಯಲ್ಲಿ ಬರುವ ‘ಠೇವಣಿ ವಂಚನೆ ತನಿಖಾ ಘಟಕ’ ದಾಳಿ ನಡೆಸಿದೆ. 

Sponsored

ಜಾರ್ ಆಪ್ ಬಗ್ಗೆ ನೀವೆಲ್ಲರೂ ಕೇಳಿಯೇ ಇರುತ್ತೀರಿ ಪ್ರತಿದಿನವೂ ಕೂಡ ಸೋಶಿಯಲ್ ಮೀಡಿಯಾದಲ್ಲಾಗಲಿ 
ಅಥವಾ ಮಾಧ್ಯಮಗಳಲ್ಲಿ ಇದರ ಕುರಿತಾದ ಅಡ್ವಟೈಸ್ಮೆಂಟ್ಗಳು ಬರುತ್ತಲೇ ಇರುತ್ತವೆ. ಕರ್ನಾಟಕದಲ್ಲಿ ಈ
ಸಂಸ್ಥೆಯು ಅಲ್ಪಾವಧಿಯಲ್ಲಿಯೇ ಅತಿ ಹೆಚ್ಚು ಪ್ರಸಿದ್ಧಿಯನ್ನು ಪಡೆದು ಹೆಚ್ಚಿನ ಗ್ರಾಹಕರನ್ನು ಕೂಡ
ಹೊಂದಿದೆ. ಇದೀಗ ಕಂಪನಿಯು ಕೆಲವು ನಿಯಮಗಳನ್ನು ಉಲ್ಲಂಘಿಸಿರುವ ಸಾಧ್ಯತೆಯ ಹಿನ್ನೆಲೆಯಲ್ಲಿ ಈ ಕ್ರಮ
ಕೈಗೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ. 

Advertisement

Advertisement

ಗ್ರಾಹಕರು ಹೂಡಿಕೆ ಮಾಡುವ ಚಿನ್ನವನ್ನು ಕಂಪನಿಯು ಹೇಗೆ ಸಂಗ್ರಹಿಸಿಡುತ್ತಿದೆ (Gold Storage Practices),
ಗ್ರಾಹಕರ ಹಿತರಕ್ಷಣೆಗೆ ಯಾವ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಮತ್ತು ಕಸ್ಟಡಿಯಲ್ ವ್ಯವಸ್ಥೆಗಳ ಬಗ್ಗೆ
ಸ್ಪಷ್ಟತೆ ಪಡೆಯಲು ಸಿಐಡಿ ಈ ತನಿಖೆ ನಡೆಸುತ್ತಿದೆ.  

ತನ್ನಲ್ಲಿರುವ ಭೌತಿಕ ಚಿನ್ನವನ್ನು ಜಾಗತಿಕ ಭದ್ರತಾ ಸಂಸ್ಥೆಯಾದ ‘ಬ್ರಿಂಕ್ಸ್’ (Brink’s) ನಿರ್ವಹಿಸುವ
ಸುರಕ್ಷಿತ ವಾಲ್ಟ್‌ಗಳಲ್ಲಿ ಇರಿಸಲಾಗಿದೆ ಮತ್ತು ಈ ಚಿನ್ನಕ್ಕೆ ಐಸಿಐಸಿಐ ಲೊಂಬಾರ್ಡ್ (ICICI Lombard)
ವಿಮೆ ಒದಗಿಸಿದೆ ಎಂದು ಕಂಪನಿ ಈ ಹಿಂದೆ ತಿಳಿಸಿತ್ತು. “ನಾವು ಅನಿಯಂತ್ರಿತ ಠೇವಣಿ ಯೋಜನೆಗಳ ನಿಷೇಧ
ಕಾಯ್ದೆ (BUDS), 2019 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದೇವೆ,” ಎಂದು 
ಸಿಐಡಿ ಹಿರಿಯ ಅಧಿಕಾರಿಯೊಬ್ಬರು ಖಚಿತಪಡಿಸಿದ್ದಾರೆ.

Advertisement