# ಈ ದಿನ ಉಗುರು ಕತ್ತರಿಸಿದರೆ ಆರ್ಥಿಕ ಸಂಕಷ್ಟದಿಂದ ಮುಕ್ತಿ

- Link: https://hosakannada.com/lifestyle/when-to-cut-nails-in-nail-astrology/
- Published: 2022-12-20T15:40:18+00:00
- Author: ಕೆ. ಎಸ್. ರೂಪಾ

ನಮ್ಮ ದಿನನಿತ್ಯದ ಕಾರ್ಯ ಚಟುವಟಿಕೆ, ನಾವು ಇರುವ ರೀತಿ ಮತ್ತು ವ್ಯವಸ್ಥೆ ಆಧಾರದಿಂದ ಶುಭ ಅಶುಭ ಗಳನ್ನು
ಗುರುತಿಸಿಕೊಳ್ಳಬಹುದಾಗಿದೆ. ಹೌದು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಕೂದಲು ಮತ್ತು ಉಗುರುಗಳ ಸಂಬಂಧ
ಶನಿ ಗ್ರಹದೊಂದಿಗೆ ನಿಕಟತೆ ಯಲ್ಲಿದ್ದು ಉಗುರುಗಳು ಮತ್ತು ಕೂದಲನ್ನು ಸ್ವಚ್ಛವಾಗಿಟ್ಟುಕೊಳ್ಳದಿದ್ದರೆ
ಶನಿದೇವನು ಕೋಪಗೊಳ್ಳುತ್ತಾನೆ ಎಂಬುದು ನಂಬಿಕೆ ಆಗಿದೆ.

Sponsored

ವೈದ್ಯಕೀಯ ವಿಜ್ಞಾನದ ಪ್ರಕಾರ ಉಗುರುಗಳು ಸತ್ತ ಜೀವಕೋಶಗಳಿಂದ ಮಾಡಲ್ಪಟ್ಟಿದೆ. ಆದರೆ, ಉಗುರುಗಳು 
ನಮ್ಮ ಕೈ ಮತ್ತು ಕಾಲುಗಳ ಸೌಂದರ್ಯವನ್ನು ಹೆಚ್ಚಿಸುತ್ತವೆ. ಅದಕ್ಕಾಗಿಯೇ ನೇಲ್ ಕೇರ್ ನಿಂದ ಹಿಡಿದು
ನೇಲ್ ಆರ್ಟ್ ವರೆಗೆ ಸಾಕಷ್ಟು ಕೆಲಸಗಳನ್ನು ಮಾಡಲಾಗುತ್ತದೆ.

Advertisement

Advertisement

ಆದರೆ ಧಾರ್ಮಿಕ ಗ್ರಂಥಗಳಲ್ಲಿ ಉಗುರುಗಳು ಮತ್ತು ಕೂದಲಿನ ಬಗ್ಗೆ ಅನೇಕ ಪ್ರಮುಖ ವಿಷಯಗಳನ್ನು ಹೇಳಲಾಗಿದೆ.
ಉಗುರು ಕತ್ತರಿಸಲು ಇರುವ ನಿಯಮಗಳ ಬಗ್ಗೆಯೂ ಹೇಳಲಾಗಿದೆ. ಜ್ಯೋತಿಷ್ಯ ಮತ್ತು ವಾಸ್ತು ಶಾಸ್ತ್ರದಲ್ಲಿ
ಉಗುರು ಕತ್ತರಿಸುವ ನಿಯಮಗಳ ಬಗ್ಗೆ ಹೇಳಲಾಗಿದೆ. ಇದರಲ್ಲಿ ಉಗುರು ಕತ್ತರಿಸುವ ಸರಿಯಾದ ದಿನ, ದಿನಾಂಕ
ಮತ್ತು ಸಮಯವನ್ನು ಹೇಳಲಾಗಿದೆ.

ಉಗುರುಗಳು ಮತ್ತು ಕೂದಲನ್ನು ಸ್ವಚ್ಛವಾಗಿಟ್ಟುಕೊಳ್ಳದಿದ್ದರೆ ಶನಿದೇವನು ಕೋಪಗೊಳ್ಳುತ್ತಾನೆ. ಶನಿ
ದೇವ ಕೋಪಗೊಂಡರೆ ಅಶುಭ ಫಲವನ್ನೇ ನೀಡುತ್ತಾನೆ. ಇದರಿಂದಾಗಿ ಜೀವನದಲ್ಲಿ ಹಲವಾರು ರೀತಿಯ ಸಮಸ್ಯೆಗಳು
ಹುಟ್ಟಿಕೊಳ್ಳುತ್ತವೆ. ಈ ಕಾರಣಕ್ಕಾಗಿಯೇ ಉಗುರುಗಳ ಸ್ವಚ್ಛತೆ ಮತ್ತು ಉಗುರುಗಳನ್ನು ಕತ್ತರಿಸುವ ದಿನ
ಮತ್ತು ಸಮಯದ ಬಗ್ಗೆ ಎಚ್ಚರಿಕೆ ವಹಿಸುವುದು ಬಹಳ ಮುಖ್ಯ ಎನ್ನಲಾಗುತ್ತದೆ.

ಉಗುರುಗಳನ್ನು ಕತ್ತರಿಸಬಾರದ ದಿನಗಳು :

 * ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಮಂಗಳವಾರ, ಗುರುವಾರ ಮತ್ತು ಶನಿವಾರದಂದು ಉಗುರುಗಳನ್ನು ಕತ್ತರಿಸಬಾರದು
   ಎಂದು ಹೇಳಲಾಗಿದೆ. ವಾರದ ಈ ಮೂರು ದಿನಗಳಲ್ಲಿ ಉಗುರು ಕತ್ತರಿಸಿದರೆ ಮಂಗಳ, ಗುರು ಮತ್ತು ಶನಿ 
   ಗ್ರಹಗಳು ಅಶುಭ ಫಲ ನೀಡಲಾರಂಭಿಸುತ್ತವೆ ಎನ್ನಲಾಗಿದೆ.
 * ಮಂಗಳ ದುರ್ಬಲನಾಗಿದ್ದರೆ, ಮದುವೆಯಲ್ಲಿ ವಿಳಂಬ, ಸಂಪತ್ತು ಮತ್ತು ಧೈರ್ಯದ ಕೊರತೆಯಂತಹ ಸಮಸ್ಯೆಗಳನ್ನು
   ಉಂಟುಮಾಡುತ್ತದೆ.
 * ಗುರುವಾರ ಉಗುರುಗಳನ್ನು ಕತ್ತರಿಸುವುದು ಎಂದರೆ ದುರಾದೃಷ್ಟವನ್ನು ಆಹ್ವಾನಿಸಿದಂತೆ.
 * ಶನಿವಾರದಂದು ಉಗುರುಗಳನ್ನು ಕತ್ತರಿಸುವುದರಿಂದ ಶನಿಯು ಕೋಪಗೊಳ್ಳುತ್ತಾನೆ. ಇದು ಆರ್ಥಿಕ ನಷ್ಟ
   ಮತ್ತು ಬಡತನಕ್ಕೆ ಕಾರಣವಾಗುತ್ತದೆ.
 * ಇದಲ್ಲದೆ ಚತುರ್ದಶಿ ಮತ್ತು ಅಮವಾಸ್ಯೆ ತಿಥಿಯಂದು ಕೂಡಾ ಉಗುರುಗಳನ್ನು ಕತ್ತರಿಸಬಾರದು. ಚತುರ್ದಶಿ
   ಮತ್ತು ಅಮವಾಸ್ಯೆಯ ದಿನದಂದು ಉಗುರು ಅಥವಾ ಕೂದಲನ್ನು ಕತ್ತರಿಸುವುದರಿಂದ ಅನೇಕ ಸಮಸ್ಯೆಗಳನ್ನು
   ಎದುರಿಸಬೇಕಾಗುತ್ತದೆ.
 * ಇನ್ನು ಸೂರ್ಯಾಸ್ತದ ನಂತರ ಉಗುರುಗಳನ್ನು ಕತ್ತರಿಸಿದರೆ ವ್ಯಕ್ತಿ ಬಡತನವನ್ನು ಅನುಭವಿಸಬೇಕಾಗುತ್ತದೆ.
   ಉಗುರುಗಳನ್ನು ಕತ್ತರಿಸಬೇಕಾದ ದಿನಗಳು :
 * ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಸೋಮವಾರ, ಬುಧವಾರ, ಶುಕ್ರವಾರ ಮತ್ತು ಭಾನುವಾರ ಉಗುರು ಕತ್ತರಿಸಲು
   ಸೂಕ್ತ ದಿನಗಳು. ಈ ದಿನಗಳಲ್ಲಿ ಉಗುರುಗಳನ್ನು ಕತ್ತರಿಸುವುದರಲ್ಲಿ ಯಾವುದೇ ಸಮಸ್ಯೆ ಇಲ್ಲ.
 * ಉಗುರುಗಳನ್ನು ಕತ್ತರಿಸಲು ಅತ್ಯಂತ ಮಂಗಳಕರ ದಿನ ಎಂದರೆ ಅದು ಭಾನುವಾರ. ಈ ದಿನ ಉಗುರುಗಳನ್ನು 
   ಕತ್ತರಿಸುವುದರಿಂದ ಬಡತನ ದೂರವಾಗುತ್ತದೆ. ವ್ಯಕ್ತಿಗೆ ಯಾವತ್ತೂ ಹಣದ ಕೊರತೆ ಎದುರಾಗುವುದಿಲ್ಲ.
   ಹಾಗೆಯೇ ಜೀವನದಲ್ಲಿ ಸದಾ ಸಕಾರಾತ್ಮಕತೆ ಇರುತ್ತದೆ.

ಮುಖ್ಯವಾಗಿ ಉಗುರನ್ನು ಯಾವಾಗಲೂ ಹಗಲು ಹೊತ್ತು ಮಾತ್ರ ಕತ್ತರಿಸಬೇಕು. ರಾತ್ರಿ ಹೊತ್ತು ಕೂದಲು ಮತ್ತು
ಉಗುರುಗಳನ್ನು ಕತ್ತರಿಸಬಾರದು ಎಂದು ಧಾರ್ಮಿಕ ಗ್ರಂಥಗಳಲ್ಲಿ ತಿಳಿಸಿರುವುದನ್ನು ಇಲ್ಲಿ ತಿಳಿಸಲಾಗಿದೆ.

Advertisement