# Viral Video : ಮದುವೆಯಾಗುವಂತೆ ಮನೆಯವರಿಂದ ಒತ್ತಡ – ತಲೆಬೋಳಿಸಿಕೊಂಡು ಪಾರಾದ ಯುವತಿ!!

- Link: https://hosakannada.com/life-style/pressure-from-family-to-get-married-young-woman-escapes-by-shaving-her-head/
- Published: 2026-03-09T10:04:20+00:00
- Author: ಹೊಸಕನ್ನಡ ನ್ಯೂಸ್

Viral Video : ಹೆಣ್ಣು ಮಕ್ಕಳು ಎಷ್ಟೇ ಓದಿ ಇಂತಹ ಒಳ್ಳೆಯ ಉದ್ಯೋಗವನ್ನು ಪಡೆದರು ಕೂಡ ಮನೆಯವರು
ಮದುವೆ ಮಾಡಿಕೋ ಎಂದು ಒತ್ತಡ ಹೇರುವುದು ತಪ್ಪುವುದಿಲ್ಲ. ಅವರ ಮನದಿಚ್ಚೆ ಏನಿದೆ ಎಂಬುದನ್ನು ತಿಳಿಯದೆ
ಮನೆಯವರು ಹೆಣ್ಣು ಮಕ್ಕಳ ಮೇಲೆ ಮದುವೆಯ ಒತ್ತಡ ಹೇರುವುದು ನಿಜಕ್ಕೂ ವಿಷಾದದ ಸಂಗತಿ. ಇದೀಗ ಇಲ್ಲೊಬ್ಬಳು
ಯುವತಿಗೆ ಮದುವೆಯಾಗುವಂತೆ ಮನೆಯವರು ಒತ್ತಡ ಹೇರುತ್ತಿದ್ದು ಇದನ್ನು ತಡೆಯಲಾರದೆ ಆಕೆ ತಲೆಯನ್ನು ಬೋಳಿಸಿಕೊಂಡು
ಮದುವೆಯಿಂದ ಪಾರಾಗಿದ್ದಾಳೆ.

Sponsored

ಹೌದು, ಇಲ್ಲೊಬ್ಬಳು ಯುವತಿ ಮದುವೆಯಿಂದ ಪಾರಾಗುವುದಕ್ಕೆ ತನ್ನ ತಲೆ ಕೂದಲನ್ನೇ ಬೋಳಿಸಿಕೊಂಡಿದ್ದಾಗಿ
ಹೇಳಿಕೊಂಡಿದ್ದು, ಆಕೆಯ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವೈರಲ್ ಆದ ವೀಡಿಯೋದಲ್ಲಿ
ಯುವತಿಯೊಬ್ಬಳು ತನ್ನ ಶೇವ್ ಮಾಡಿದ ತಲೆಯನ್ನು ತೋರಿಸುತ್ತಾ ಸಮಾಜ ಹಾಗೂ ಕುಟುಂಬದ ವಿರುದ್ಧ ತೀವ್ರ
ಆಕ್ರೋಶ ಹೊರಹಾಕಿದ್ದಾಳೆ. ನಾನು ಸತ್ಯ ಹೇಳಲು ಬಯಸುತ್ತೇನೆ ನಾನು ನನ್ನ ಕೂದಲಿಗೆ ಹೀಗೆ ಮಾಡಿದೆ ಎಂದು
ಆಕೆ ಕೂದಲಿಲ್ಲದ ಬೋಳು ತಲೆಯಿಂದ ಟೋಫಿ ತೆಗೆದು ತೋರಿಸಿದ್ದಾಳೆ.

Advertisement

Advertisement

ನನಗೆ ನನ್ನ ಕೂದಲೆಂದರೆ ತುಂಬಾ ಪ್ರೀತಿ ಇತ್ತು. ಆದರೆ ನನಗೆ ಬೇರೆ ದಾರಿ ಇರಲಿಲ್ಲ. ಕೂದಲನ್ನು ಕತ್ತರಿಸುವುದು
ನಿಜವಾಗಿಯೂ ನಾನು ಬಯಸಿದ ವಿಚಾರವಾಗಿರಲಿಲ್ಲ, ಇತರ ಅನೇಕ ಮಹಿಳೆಯರಂತೆ ತಾನು ತನ್ನ ಕೂದಲನ್ನು ತುಂಬಾ
ಪ್ರೀತಿಸುತ್ತಿದ್ದೆ, ಆದರೆ ಮದುವೆಯಾಗಲು ತನ್ನ ಕುಟುಂಬದಿಂದ ನಿರಂತರ ಒತ್ತಡ ಬರುತ್ತಿದ್ದರಿಂದ ಈ 
ಹೆಜ್ಜೆ ಇಡಬೇಕಾಯಿತು ನಾನೇನು ಮಾಡಲಿ ಎಂದು ಅವಳು ಹೇಳಿದ್ದಾಳೆ. 

@kajals_move_ ಎಂಬುವವರು ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಈ ಕ್ಲಿಪ್ ಅನ್ನು ಈಗಾಗಲೇ ಸುಮಾರು
3.7 ಲಕ್ಷ ಮಂದಿ ವೀಕ್ಷಿಸಿದ್ದಾರೆ. ಅನೇಕ ನೆಟ್ಟಿಗರು ಅವರ ಜೀವನದ ಮೇಲೆ ಹಿಡಿತ ಸಾಧಿಸುವ ನಿರ್ಧಾರವನ್ನು
ಶ್ಲಾಘಿಸಿದ್ದಾರೆ. ನಿಮ್ಮ ಬಗ್ಗೆ ನಮಗೆ ಹೆಮ್ಮೆ ಎನಿಸುತ್ತಿದೆ ನಿಮ್ಮ ಬಗ್ಗೆ ನಾವು ಸಿಂಪತಿ ತೋರಿಸುತ್ತಿಲ್ಲ
ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ನೀವು ಸರಿಯಾಗಿ ಮಾಡಿದ್ದೀರಿ ನಿಮ್ಮ ಬಗ್ಗೆ ನಮಗೆ ಹೆಮ್ಮೆ
ಎನಿಸುತ್ತದೆ ಎಂದು ಮತ್ತಿಬ್ಬರು ಪ್ರತಿಕ್ರಿಯಿಸಿದ್ದಾರೆ.

Advertisement