# Rocket Stove:  LPG ಸಮಸ್ಯೆ ನಡುವೆ ಹೆಚ್ಚು ಸೇಲ್ ಆಗಿ ಜನ ಮನ ಗೆದ್ದ ‘ರಾಕೆಟ್ ಸ್ಟವ್’ !! ಹೊಗೆನೂ ಇಲ್ಲ, ಖರ್ಚೂ ಇಲ್ಲ

- Link: https://hosakannada.com/latest/rocket-stove-wins-hearts-with-best-selling-product-amid-lpg-crisis-no-smoke-no-cost/
- Published: 2026-03-18T06:59:50+00:00
- Author: ಹೊಸಕನ್ನಡ ನ್ಯೂಸ್

Rocket Stove : ಕೊಲ್ಲಿ ರಾಷ್ಟ್ರಗಳಲ್ಲಿ ಉಂಟಾಗಿರುವ ಯುದ್ಧದ ಆತಂಕದ ಕಾರಣದಿಂದಾಗಿ ಭಾರತದಲ್ಲಿ
ಅಡುಗೆ ಅನಿಲದ ಅಭಾವ ಎದುರಾಗಿದೆ. ಹಲವಡೆ ಎಲ್ಪಿಜಿ ಸಿಲಿಂಡರ್ ಸಪ್ಲೈ ಇಲ್ಲದಂತಾಗಿ ಗ್ರಾಹಕರು ಪರದಾಡುವಂತಹ
ಸ್ಥಿತಿ ತಲುಪಿದೆ. ಹೀಗಾಗಿ ಜನ ಪರ್ಯಾಯ ವ್ಯವಸ್ಥೆಯನ್ನು ಮಾಡಿಕೊಳ್ಳುತ್ತಿದ್ದಾರೆ. ಈ ಸಮಯದಲ್ಲಿ,
ಬೆಂಗಳೂರಿನ ಯುವಕನೊಬ್ಬನ ಹೊಸ ಆವಿಷ್ಕಾರವಾದ ‘ರಾಕೆಟ್ ಸ್ಟವ್’ ಎಲ್ಲರ ಗಮನ ಸೆಳೆಯುತ್ತಿದೆ.

Sponsored

ಹೌದು, ಬೆಂಗಳೂರಿನ ಸಂಶೋಧಕರೊಬ್ಬರು ತಯಾರಿಸಿರುವ ‘ರಾಕೆಟ್ ಸ್ಟವ್’ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ
ವೈರಲ್ ಆಗಿದೆ. ಬೆಂಗಳೂರಿನಲ್ಲಿ ವಾಸಿಸುವ ಮಧ್ಯಮ ವರ್ಗದ ಯುವಕ ತನ್ನ ಮನೆಯಲ್ಲಿ ಎದುರಾದ ಗ್ಯಾಸ್ 
ಕೊರತೆಗೆ ಪರಿಹಾರವಾಗಿ, ಹಳೆಯ ಕಾಲದ ಒಲೆ ಮತ್ತು ಆಧುನಿಕ ತಂತ್ರಜ್ಞಾನವನ್ನು ಬಳಸಿ ಈ ‘ರಾಕೆಟ್ ಸ್ಟವ್’
ವಿನ್ಯಾಸಗೊಳಿಸಿದ್ದಾನೆ. ಇದು ಸಣ್ಣ ಸೌದೆ ತುಂಡುಗಳಿಂದಲೇ ಹೆಚ್ಚು ಶಾಖ ಉತ್ಪಾದಿಸುತ್ತದೆ.

Advertisement

Advertisement

ಇದರ ಹೆಸರು ಸೂಚಿಸುವಂತೆ, ಇದು ‘ರಾಕೆಟ್’ ವೇಗದಲ್ಲಿ ಬೆಂಕಿಯನ್ನು ಉರಿಸುತ್ತದೆ. ಇದರಲ್ಲಿ ಗಾಳಿಯ
ಚಲನೆಗೆ (Airflow) ವಿಶೇಷ ವ್ಯವಸ್ಥೆ ಇದೆ. ‘L’ ಆಕಾರದ ಪೈಪ್ ಮೂಲಕ ಒಳಗೆ ಬರುವ ಗಾಳಿಯು, ಸೌದೆಯನ್ನು
ಸಂಪೂರ್ಣವಾಗಿ ದಹಿಸಿ, ಹೊಗೆರಹಿತ ಜ್ವಾಲೆಯನ್ನು ಸೃಷ್ಟಿಸುತ್ತದೆ. ಬೆಂಗಳೂರಿನಂತಹ ನಗರಗಳಲ್ಲೂ ಜನ
ತಮ್ಮ ಬಾಲ್ಕನಿ ಅಥವಾ ಟೆರೇಸ್‌ ಮೇಲೆ ಇದನ್ನು ಬಳಸಿ ಅಡುಗೆ ಖರ್ಚನ್ನು 50% ರಷ್ಟು ಕಡಿಮೆ ಮಾಡಿಕೊಂಡಿದ್ದಾರೆ.
ಇದು ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಆಹಾರದ ರುಚಿಯೂ ಚೆನ್ನಾಗಿರುತ್ತದೆ ಎಂದು
ಬಳಕೆದಾರರು ಹೇಳುತ್ತಾರೆ.

**ರಾಕೆಟ್ ಸ್ಟವ್ ನ ಪ್ರಯೋಜನಗಳು :**

* ಇತರ ಸೌದೆ ಒಲೆಗಳಂತೆ ಇದರಿಂದ ಹೊಗೆ ಬರುವುದಿಲ್ಲ. 

* ಸಾಮಾನ್ಯ ಒಲೆಗಿಂತ 70% ಕಡಿಮೆ ಸೌದೆ ಸಾಕು. ಒಣಗಿದ ಎಲೆ, ಕಡ್ಡಿ, ತೆಂಗಿನ ಚಿಪ್ಪನ್ನೂ ಬಳಸಬಹುದು.

* ಬೆಂಕಿ ನೇರವಾಗಿ ಪಾತ್ರೆಯ ತಳಕ್ಕೆ ತಾಗುವುದರಿಂದ, ಅಡುಗೆ ಬೇಗನೆ ಆಗುತ್ತದೆ.

* ಇದನ್ನು ಎಲ್ಲಿಗೆ ಬೇಕಾದರೂ ಸುಲಭವಾಗಿ ಕೊಂಡೊಯ್ಯಬಹುದು

Advertisement