# Nithish Kumar : ಸಿಎಂ ಸ್ಥಾನಕ್ಕೆ ರಾಜೀನಾಮೆ ಫಿಕ್ಸ್ – ಭಾವುಕ ಪೋಸ್ಟ್ ಹಂಚಿಕೊಂಡ ನಿತೀಶ್ ಕುಮಾರ್!!

- Link: https://hosakannada.com/latest/resigning-as-cm-is-a-fix-nitish-kumar-shares-emotional-post/
- Published: 2026-03-05T14:40:44+00:00
- Author: ಹೊಸಕನ್ನಡ ನ್ಯೂಸ್

Nithish Kumar : ಬಿಹಾರ ರಾಜಕೀಯದಲ್ಲಿ ಮಹತ್ವದ ಬದಲಾವಣೆ ನಡೆಯಲಿದ್ದು ಸುಮಾರು 10 ಬಾರಿ ಮುಖ್ಯಮಂತ್ರಿ
ಆಗಿ ಅಧಿಕಾರ ಸ್ವೀಕರಿಸಿದ ನಿತೀಶ್ ಕುಮಾರ್ ಅವರು ಇದೀಗ ರಾಜ್ಯ ರಾಜಕೀಯಕ್ಕೆ ವಿದಾಯ ಹೇಳಿ ರಾಷ್ಟ್ರ
ರಾಜಕಾರಣದತ್ತ ಮುಖ ಮಾಡಲಿದ್ದಾರೆ. ಇದುವರೆಗೂ ಈ ವಿಚಾರ ನಿಜವೋ, ಸುಳ್ಳೋ ಎಂದು ಗೊಂದಲಮಯವಾಗಿತ್ತು.
ಆದರೆ ಇದೀಗ ಸ್ವತಹ ನಿತೀಶ್ ಕುಮಾರ್ ಅವರು ಭಾವುಕವಾಗಿ ಪೋಸ್ಟ್  ಶೇರ್ ಮಾಡಿ ರಾಜೀನಾಮೆ ವಿಚಾರವನ್ನು
ಖಚಿತಪಡಿಸಿದ್ದಾರೆ.

Sponsored

ಹೌದು, ತಾನು ಶೀಘ್ರದಲ್ಲೇ ರಾಜ್ಯಸಭೆಗೆ (Rajya Sabha) ಹೋಗುತ್ತಿರುವುದಾಗಿ ಖುದ್ದಾಗಿ ಅವರೇ ಸೋಷಿಯಲ್
ಮೀಡಿಯಾದಲ್ಲಿ ಘೋಷಣೆ ಮಾಡಿದ್ದಾರೆ. ಈ ನಿರ್ಧಾರ ಬಿಹಾರದಲ್ಲಿ ಅಕ್ಷರಶಃ ಕೋಲಾಹಲ ಸೃಷ್ಟಿಸಿದ್ದು, 
ನಿತೀಶ್ ಅವರು ಇನ್ನೇನು ಕೆಲವೇ ದಿನಗಳಲ್ಲಿ ತಮ್ಮ ಸಿಎಂ ಹುದ್ದೆಗೆ ಅಧಿಕೃತವಾಗಿ ರಾಜೀನಾಮೆ (Resignation)
ನೀಡುವ ಸಾಧ್ಯತೆ ದಟ್ಟವಾಗಿದೆ.

Advertisement

Advertisement

‘ಎಕ್ಸ್’ ಖಾತೆಯಲ್ಲಿ ಭಾವುಕ ಪೋಸ್ಟ್!

ನಿತೀಶ್ ಕುಮಾರ್ ಅವರು ‘X’ (ಟ್ವಿಟರ್) ಖಾತೆಯಲ್ಲಿ ಭಾವುಕ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದು, “
ಕಳೆದ ಎರಡು ದಶಕಗಳಿಂದ ನೀವು ನನ್ನ ಮೇಲಿಟ್ಟ ನಂಬಿಕೆ ಮತ್ತು ಬೆಂಬಲದಿಂದಾಗಿ ಬಿಹಾರಕ್ಕೆ ಸಂಪೂರ್ಣ
ನಿಷ್ಠೆಯಿಂದ ಸೇವೆ ಸಲ್ಲಿಸಿದ್ದೇನೆ. ನಿಮ್ಮಿಂದಲೇ ಬಿಹಾರ ಇಂದು ಅಭಿವೃದ್ಧಿ ಮತ್ತು ಗೌರವದ ಹೊಸ ಆಯಾಮ
ಕಂಡಿದೆ, ಇದಕ್ಕಾಗಿ ನಿಮಗೆಲ್ಲರಿಗೂ ಅನಂತ ಧನ್ಯವಾದಗಳು” ಅಂತ ಬರೆದುಕೊಂಡಿದ್ದಾರೆ.

ಅಲ್ಲದೆ ನಿಮ್ಮೊಂದಿಗೆ ನನ್ನ ಸಂಬಂಧ ಮುಂದೆಯೂ ಮುಂದುವರಿಯುತ್ತದೆ. ಅಭಿವೃದ್ಧಿ ಬಿಹಾರ ನಿರ್ಮಾಣಕ್ಕೆ
ನಿಮ್ಮೊಂದಿಗಿನ ನಮ್ಮ ಪ್ರಯತ್ನ ಅಚಲವಾಗಿರುತ್ತದೆ. ಹೊಸದಾಗಿ ರೂಪುಗೊಳ್ಳುವ ಸರ್ಕಾರಕ್ಕೆ ನನ್ನ ಸಂಪೂರ್ಣ
ಸಹಕಾರ ಮತ್ತು ಮಾರ್ಗದರ್ಶನ ಇರುತ್ತದೆ ಎಂದು ತಿಳಿಸಿದ್ದಾರೆ.

Advertisement