# IPL-2026 : 2ನೇ ಬಾರಿ ಮಹಿಳಾ ತಂಡ ಚಾಂಪಿಯನ್ – ಹ್ಯಾಟ್ರಿಕ್ ಟ್ರೋಫಿ ಗೆದ್ದ RCB!!

- Link: https://hosakannada.com/latest/rcb-wins-womens-team-championship-for-the-2nd-time-hat-trick-trophy/
- Published: 2026-02-06T06:03:55+00:00
- Author: ಹೊಸಕನ್ನಡ ನ್ಯೂಸ್

IPL-2026 : ಐಪಿಎಲ್ ಮಹಿಳಾ ಟೂರ್ನಿಯ ಎರಡನೇ ಆವೃತ್ತಿಯಲ್ಲಿಯೇ ಟ್ರೋಫಿಯನ್ನು ಮುಡಿಗೇರಿಸಿಕೊಂಡಿದ್ದ
RCB ಮಹಿಳಾ ತಂಡವು ಇದೀಗ ಮತ್ತೆ ಡೆಲ್ಲಿ ಕ್ಯಾಪಿಟಲ್ಸ್‌ ಒಡ್ಡಿದ ದಾಖಲೆ ಮೊತ್ತದ ಸವಾಲನ್ನು ಮೀರಿ
ಎರಡನೇ ಬಾರಿಗೆ ಟ್ರೋಫಿಯನ್ನು ತನ್ನದಾಗಿಸಿಕೊಂಡಿದೆ.

Sponsored

ಹೌದು, ಇದೀಗ 2ನೇ ಬಾರಿಗೆ ಟ್ರೋಫಿ ಮುಡಿಗೇರಿಸಿಕೊಂಡಿರುವ ಬೆಂಗಳೂರು ಮಹಿಳಾ ತಂಡ ಹೆಣ್ಮಕ್ಕಳೇ ಸ್ಟ್ರಾಂಗು
ಗುರು ಅನ್ನೋ ಮಾತನ್ನ ಮತ್ತೊಮ್ಮೆ ಸಾಬೀತು ಮಾಡಿದೆ. ಈ ಮೂಲಕ ಆರ್‌ಸಿಬಿ ಫ್ರಾಂಚೈಸಿ ಸತತ ಮೂರು ವರ್ಷ
ಟ್ರೋಫಿ ಗೆದ್ದು ಹ್ಯಾಟ್ರಿಕ್‌ ಸಾಧನೆ ಮಾಡಿದೆ.

Advertisement

Advertisement

ವಡೋದರಾ (Vadodara) ಕೊಟಂಬಿ ಕ್ರಿಕೆಟ್‌ ಸ್ಟೇಡಿಯಂನಲ್ಲಿಂದು ನಡೆದ ಪಂದ್ಯದಲ್ಲಿ ಟಾಸ್‌ ಸೋತ ಡೆಲ್ಲಿ
ಕ್ಯಾಪಿಟಲ್ಸ್‌ 20 ಓವರ್‌ಗಳಲ್ಲಿ 4 ವಿಕೆಟ್‌ ನಷ್ಟಕ್ಕೆ 203 ರನ್‌ ಬಾರಿಸಿತ್ತು. ಬೃಹತ್‌ ಮೊತ್ತದ
ಗುರಿ ಬೆನ್ನಟ್ಟಿದ ಆರ್‌ಸಿಬಿ 19.4 ಓವರ್‌ಗಳಲ್ಲೇ 45 ವಿಕೆಟ್‌ ನಷ್ಟಕ್ಕೆ 204 ರನ್‌ ಬಾರಿಸಿ ಗೆಲುವು
ಸಾಧಿಸಿತು. ಈ ಮೂಲಕ ಮಹಿಳಾ ಪ್ರೀಮಿಯರ್‌ ಲೀಗ್‌ನಲ್ಲಿ 2ನೇ ಬಾರಿಗೆ ಚಾಂಪಿಯನ್‌ ಪಟ್ಟ ಅಲಂಕರಿಸಿದ
ಮುಂಬೈ ಇಂಡಿಯನ್ಸ್‌ ತಂಡದ ಸಾಧನೆಯನ್ನು ಸರಿಗಟ್ಟಿತು.

 **ಸ್ಮೃತಿ ಮಂದಾನ ಹೊಸ ದಾಖಲೆ:**

9 ರನ್‌ಗಳಿಗೆ ಗ್ರೇಸ್‌ ಹ್ಯಾರಿಸ್‌ ಅವರ ಮೊದಲ ವಿಕೆಟ್‌ ಕಳೆದುಕೊಂಡ ಆರ್‌ಸಿಬಿ ಆತಂಕಕ್ಕೆ ಒಳಗಾಯಿತು.
ಆ ಬಳಿಕ ಕ್ರೀಸ್‌ನಲ್ಲಿ ಭದ್ರವಾಗಿ ನೆಲೆಯೂರಿದ ಮಂಧಾನ, ಜಾರ್ಜಿಯಾ ವೋಲ್‌ ಉತ್ತಮ ಇನ್ನಿಂಗ್ಸ್‌ ಕಟ್ಟಿದರು.
ಒಂದು ಕಡೆ ಜಾರ್ಜಿಯಾ ನಿಧಾನವಾಗಿ ರನ್‌ ಕಲೆಹಾಕುತ್ತಿದ್ದರೆ, ಮತ್ತೊಂದೆಡೆ ಸ್ಮೃತಿ ಮಂಧಾನ ಸಿಕ್ಸರ್‌,
ಬೌಂಡರಿ ಚಚ್ಚುತ್ತಾ ಹೋದರು. ಸ್ಮೃತಿ ಮಂಧಾನ ನಾಯಕತ್ವದ ಇನ್ನಿಂಗ್ಸ್ ಆಡುವ ಮೂಲಕ ಕೇವಲ 23 ಎಸೆತಗಳಲ್ಲಿ
ಅರ್ಧಶತಕ ಪೂರೈಸಿದರು. ಇದರೊಂದಿಗೆ ಮಹಿಳಾ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲಿ ಅತಿ ವೇಗದ ಅರ್ಧಶತಕ ಬಾರಿಸಿದ
ದಾಖಲೆಯನ್ನು ಸ್ಮೃತಿ ನಿರ್ಮಿಸಿದರು.

ಅಂದಹಾಗೆ 2024ರಲ್ಲಿ ಮಂಧಾನ ನೇತೃತ್ವದಲ್ಲಿ ಮಹಿಳಾ ತಂಡ ಆರ್​ಸಿಬಿಗೆ ಮೊದಲ ಟ್ರೋಫಿಯ ಕನಸನ್ನ ನನಸು
ಮಾಡಿದರು. ಈ ಸಲ ಕಪ್ ನಮ್ದೆ ಎನ್ನುತ್ತಿದ್ದ ಅಭಿಮಾನಿಗಳ ಬಾಯಲ್ಲಿ ಈ ಸಲ ಕಪ್ ನಮ್ದು ಎಂದು ಹೇಳುವಂತೆ
ಮಹಿಳಾ ತಂಡ ಮಾಡಿತ್ತು. ಮಹಿಳಾ ತಂಡ ಚಾಂಪಿಯನ್ ಆಗಿದ್ದೇ ಆಗಿದ್ದು, ಆರ್​ಸಿಬಿ ಅದೃಷ್ಟವೇ ಬದಲಾಯಿತು.
ಏಕೆಂದರೆ 18 ವರ್ಷ ಪ್ರಶಸ್ತಿ ಬರ ಎದುರಿಸಿದ್ದ ಪುರುಷರ ತಂಡ 2025ರಲ್ಲಿ ಚೊಚ್ಚಲ ಟ್ರೋಫಿ ಎತ್ತಿ 
ಹಿಡಿದಿತ್ತು. ಇದೀಗ ಮತ್ತೆ ಹ್ಯಾಟ್ರಿಕ್ ಎಂಬಂತೆ ಮಹಿಳಾ ತಂಡವು ಎರಡನೇ ಬಾರಿ ಚಾಂಪಿಯನ್ ಪಟ್ಟ ಏರಿ
ಟ್ರೋಫಿಯನ್ನು ಮೂಡಿಗೆರೆಸಿಕೊಂಡಿದೆ.

Advertisement