# ಉಡುಪಿಗೆ ಹೊಸ ಎಫ್‌ಎಂ ರೇಡಿಯೋ ಕೇಂದ್ರ: ಕೇಂದ್ರ ಸಚಿವ ಅಶ್ವಿನಿ ವೈಷ್ಣವ್ ಅವರಿಂದ ಉದ್ಘಾಟನೆ

- Link: https://hosakannada.com/latest/new-fm-radio-center-in-udupi-inaugurated-by-union-minister-ashwini-vaishnaw/
- Published: 2026-11-12T04:48:24+00:00
- Author: ಹೊಸಕನ್ನಡ ನ್ಯೂಸ್

​ಉಡುಪಿ: ಕರಾವಳಿಯ ಪ್ರಮುಖ ಶೈಕ್ಷಣಿಕ ಹಾಗೂ ಧಾರ್ಮಿಕ ನಗರಿಯಾದ ಉಡುಪಿ ಜಿಲ್ಲೆಗೆ ಮತ್ತೊಂದು ಮೈಲಿಗಲ್ಲು
ಸೇರ್ಪಡೆಯಾಗಿದ್ದು, ಬಹುಕಾಲದ ಬೇಡಿಕೆಯಾಗಿದ್ದ ಹೊಸ ಎಫ್‌ಎಂ ರೇಡಿಯೋ ಕೇಂದ್ರ ಉದ್ಘಾಟನೆಗೆ ಸಜ್ಜಾಗಿದೆ.
ದೇಶದ ಕೇಂದ್ರ ರೈಲ್ವೆ, ಮಾಹಿತಿ ಮತ್ತು ಪ್ರಸಾರ ಹಾಗೂ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ
ಸಚಿವರಾದ ಅಶ್ವಿನಿ ವೈಷ್ಣವ್ ಅವರು ಈ ನೂತನ ಎಫ್‌ಎಂ ರೇಡಿಯೋ ಕೇಂದ್ರವನ್ನು ಲೋಕಾರ್ಪಣೆಗೊಳಿಸಲಿದ್ದಾರೆ.
​
ಈ ಹೊಸ ಕೇಂದ್ರದ ಸ್ಥಾಪನೆಯಿಂದ ಉಡುಪಿ ಮತ್ತು ಸುತ್ತಮುತ್ತಲಿನ ಗ್ರಾಮೀಣ ಹಾಗೂ ನಗರ ಪ್ರದೇಶಗಳ ಜನರಿಗೆ
ಉನ್ನತ ಗುಣಮಟ್ಟದ ಆಕಾಶವಾಣಿ (All India Radio) ಎಫ್‌ಎಂ ಪ್ರಸಾರ ಸಿಗಲಿದೆ. ಸ್ಥಳೀಯ ಸಂಸ್ಕೃತಿ,
ಕಲೆ, ಶಿಕ್ಷಣ, ಕೃಷಿ ಮತ್ತು ಮನರಂಜನಾ ಕಾರ್ಯಕ್ರಮಗಳಿಗೆ ಇದು ಹೆಚ್ಚಿನ ವೇದಿಕೆ ಕಲ್ಪಿಸಲಿದೆ. ಕೇಂದ್ರ
ಸರ್ಕಾರದ ಮಹತ್ವಾಕಾಂಕ್ಷಿ ಯೋಜನೆಗಳು ಮತ್ತು ಜನಪರ ಸೌಲಭ್ಯಗಳ ಕುರಿತು ಸ್ಥಳೀಯ ಜನರಿಗೆ ನಿಖರವಾದ 
ಹಾಗೂ ತ್ವರಿತ ಮಾಹಿತಿ ತಲುಪಿಸಲು ಈ ರೇಡಿಯೋ ಕೇಂದ್ರ ಪ್ರಮುಖ ಮಾಧ್ಯಮವಾಗಿ ಕಾರ್ಯನಿರ್ವಹಿಸಲಿದೆ.

Sponsored

​ಉಡುಪಿ ಹಾಗೂ ಕರಾವಳಿ ಭಾಗಕ್ಕೆ ಆಗಮಿಸುತ್ತಿರುವ ಸಚಿವ ಅಶ್ವಿನಿ ವೈಷ್ಣವ್ ಅವರು ರೇಡಿಯೋ ಕೇಂದ್ರದ
ಉದ್ಘಾಟನೆ ಮಾತ್ರವಲ್ಲದೆ, ಸ್ಥಳೀಯ ರೈಲ್ವೆ ನಿಲ್ದಾಣದ ಅಭಿವೃದ್ಧಿ ಕಾರ್ಯಗಳು ಹಾಗೂ ವಿವಿಧ ಮೂಲಸೌಕರ್ಯ
ಯೋಜನೆಗಳ ಪರಿಶೀಲನೆಯನ್ನೂ ನಡೆಸಲಿದ್ದಾರೆ. ​ಕರಾವಳಿ ಭಾಗದ ಜನರಿಗೆ ತುರ್ತು ಮತ್ತು ಗುಣಮಟ್ಟದ ವಾರ್ತೆ
ಹಾಗೂ ಮನರಂಜನೆಯನ್ನು ಒದಗಿಸುವ ನಿಟ್ಟಿನಲ್ಲಿ ಆಕಾಶವಾಣಿಯ ಈ ನೂತನ ಹೆಜ್ಜೆಗೆ ಸಾರ್ವಜನಿಕರಿಂದ ವ್ಯಾಪಕ
ಮೆಚ್ಚುಗೆ ವ್ಯಕ್ತವಾಗಿದೆ.

Advertisement

Advertisement

ಕೇಂದ್ರ ಸಚಿವ ಅಶ್ವಿನಿ ವೈಷ್ಣವ್ ಅವರು ನಾಳೆ (ನವೆಂಬರ್ 13, ಶುಕ್ರವಾರ) ಉಡುಪಿ ಹಾಗೂ ಮಂಗಳೂರಿಗೆ
ಆಗಮಿಸಲಿದ್ದಾರೆ. ನಾಳೆ ಬೆಳಿಗ್ಗೆ 8:45ಕ್ಕೆ ಉಡುಪಿ ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿ, ಶ್ರೀ ಕೃಷ್ಣಮಠಕ್ಕೆ
ಭೇಟಿ ನೀಡಿ ದೇವರ ದರ್ಶನ ಪಡೆಯಲಿದ್ದಾರೆ. ಬೆಳಿಗ್ಗೆ 10:00 ಗಂಟೆಗೆ ಉಡುಪಿಯ ಅಜ್ಜರಕಾಡಿನಲ್ಲಿ ನೂತನ
ಎಫ್‌ಎಂ ರೇಡಿಯೋ ಸ್ಟೇಷನ್ ಅನ್ನು ಉದ್ಘಾಟಿಸಲಿದ್ದಾರೆ. ಉಡುಪಿಯ ಕಾರ್ಯಕ್ರಮಗಳ ಬಳಿಕ ಮಂಗಳೂರಿಗೆ 
ತೆರಳಿ, ಮಂಗಳೂರು ಜಂಕ್ಷನ್‌ನಲ್ಲಿ ನಡೆಯಲಿರುವ ವಂದೇ ಭಾರತ್ ರೈಲು ಸಂಚಾರದ ಉದ್ಘಾಟನಾ ಸಮಾರಂಭ ಪ್ರಮುಖ
ಕಾರ್ಯಕ್ರಮಗಳಲ್ಲಿ ಭಾಗವಹಿಸಲಿದ್ದಾರೆ.

ಉಡುಪಿಯ ಅಜ್ಜರಕಾಡಿನಲ್ಲಿ ಸ್ಥಾಪಿಸಲಾಗಿರುವ ನೂತನ ಆಕಾಶವಾಣಿ ಎಫ್‌ಎಂ ಪ್ರಸಾರ ಕೇಂದ್ರವು 1 ಕಿಲೋ
ವ್ಯಾಟ್ ಸಾಮರ್ಥ್ಯದ (101.9 ಮಗಾಹಾಟ್‌) ಎಫ್‌ಎಂ ಟ್ರಾನ್ಸ್‌ಮಿಷನ್‌ ಕೇಂದ್ರವನ್ನು ನಿರ್ಮಿಸಲಾಗಿದೆ.
ಸುಮಾರು 285 ಲಕ್ಷ ರೂ.ಗಳಲ್ಲಿ ಈ ಕೇಂದ್ರ ತಲೆ ಎತ್ತಿದೆ. ಸುಮಾರು 30ಕಿ.ಮೀ. ಏರಿಯಲ್‌ ವ್ಯಾಪ್ತಿಯಲ್ಲಿ
ಇದರ ತರಂಗಾಂತರ ಹೊಂದಿರಲಿದೆ.

Advertisement