# ಅಪ್ರಾಪ್ತರು ಇನ್ಸ್ಟಾಗ್ರಾಮ್ ಬಳಸದಂತೆ ಮೆಟಾ ಕಂಪನಿಯ ಹೊಸ ಪ್ಲಾನ್!, ಏನದು?

- Link: https://hosakannada.com/latest/meta-new-technology-for-instagrm-use-of-children/
- Published: 2022-07-02T11:09:42+00:00
- Author: ಹೊಸಕನ್ನಡ ನ್ಯೂಸ್

ಸೋಶಿಯಲ್ ಮೀಡಿಯಾ ಬಳಕೆದಾರರಲ್ಲಿ ವಯಸ್ಕರಿಗಿಂತ ಹೆಚ್ಚು ಮಕ್ಕಳೇ ಕಾಣಸಿಗುತ್ತಾರೆ. ಹೀಗಾಗಿ ಅಪ್ರಾಪ್ತರು
ಇನ್ಸ್ಟಾಗ್ರಾಮ್ ಬಳಕೆಯನ್ನು ಮಾಡದೇ ಇರಲು ಹಾಗೂ ವಯಸ್ಕ ಅಪರಿಚಿತರು ಸಂಪರ್ಕಿಸದಂತೆ ಮೆಟಾ ಕಂಪನಿ 
ಒಂದು ಹೊಸ ಫೀಚರ್ ನ್ನು ಜಾರಿಗೊಳಿಸಿದೆ.

Sponsored

ಹೌದು. ಇನ್​ಸ್ಟಾಗ್ರಾಂ, ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್​ ಆಧಾರಿತ ವಯಸ್ಸು ಪರಿಶೀಲನಾ ಸಾಫ್ಟ್‌ವೇರ್
ಸಾಧನವೊಂದನ್ನು ತಯಾರಿಸಿದೆ. ವಯಸ್ಸಿಗೆ ಸಂಬಂಧಿಸಿದ ಮಾಹಿತಿಯು ಇತರ ಬಳಕೆದಾರರಿಗೆ ಕಾಣುವುದಿಲ್ಲ.
ಆದರೆ, ಬಳಕೆದಾರನ ವಯಸ್ಸನ್ನು ಆಧರಿಸಿ ಸೂಕ್ತ ಬಳಕೆದಾರ ಅನುಭವ ನೀಡಲು ಮತ್ತು ಸುರಕ್ಷತೆಯನ್ನು ಖಾತರಿಪಡಿಸಲು
ಮಾತ್ರ ಈ ಸಾಧನ ಬಳಸಲಾಗುವುದು ಎಂದು ಇನ್​ಸ್ಟಾಗ್ರಾಂ ಹೇಳಿದೆ.

Advertisement

Advertisement

ಆದರೆ ಸದ್ಯಕ್ಕೆ ಈ ಸಾಧನವನ್ನು ಇನ್​ಸ್ಟಾಗ್ರಾಂ ಸಂಪೂರ್ಣ ಬಳಕೆಗೆ ತರುತ್ತಿಲ್ಲ. ಈಗ ಬಳಕೆದಾರನೊಬ್ಬನಿಗೆ
18 ವರ್ಷ ವಯಸ್ಸು ತುಂಬಿದೆಯಾ ಅಥವಾ ಇಲ್ಲವಾ ಎಂಬುದನ್ನು ಪರಿಶೀಲಿಸಲು ಮಾತ್ರ ಈ ಸಾಧನ ಬಳಸಲಾಗುವುದು.
ಬಹುತೇಕ ಬಳಕೆದಾರರು ಅಸಲಿ ವಯಸ್ಸಿನ ಮಾಹಿತಿ ನೀಡುತ್ತಾರೆ. ಆದರೆ, ಚಿಕ್ಕ ಮಕ್ಕಳು ತಮ್ಮ ವಯಸ್ಸಿನ
ಬಗ್ಗೆ ತಪ್ಪು ಮಾಹಿತಿ ನೀಡುವ ಸಾಧ್ಯತೆಯಿರುತ್ತದೆ. ಆನ್ಲೈನ್ ಮೂಲಕ ಒಬ್ಬರ ವಯಸ್ಸನ್ನು ಗುರುತಿಸುವುದು
ಅತ್ಯಂತ ಸಂಕೀರ್ಣ ಪ್ರಕ್ರಿಯೆಯಾಗಿದೆ. ಈ ಸಮಸ್ಯೆಯ ಪರಿಹಾರಕ್ಕಾಗಿ ಮೆಟಾ ಕಂಪನಿಯು ಆರ್ಟಿಫಿಶಿಯಲ್
ಇಂಟೆಲಿಜೆನ್ಸ್​ ಮತ್ತು ಮಶೀನ್ ಲರ್ನಿಂಗ್ ಟೆಕ್ನಾಲಜಿಯನ್ನು ಅಭಿವೃದ್ಧಿಪಡಿಸಿದೆ.

ಅಪ್ರಾಪ್ತ ವಯಸ್ಕರ ವಯಸ್ಸು ಕಂಡುಹಿಡಿಯಲು ಅವರ ಫೇಸ್ ಸ್ಕ್ಯಾನಿಂಗ್ ಮಾಡುವಿಕೆಗೆ ಸಾಕಷ್ಟು ವಿರೋಧ
ವ್ಯಕ್ತವಾಗಿದ್ದು, ಫೇಸ್ ಸ್ಕ್ಯಾನಿಂಗ್ ಆಯ್ಕೆ ಬಳಸಬೇಕಾದರೆ ಬಳಕೆದಾರನೊಬ್ಬ ಸೆಲ್ಫಿ ವಿಡಿಯೋ ಅಪ್ಲೋಡ್
ಮಾಡಬೇಕಾಗುತ್ತದೆ. ಈ ವಿಡಿಯೋ ನಂತರ ಯೋಟಿ ಎಂಬ ಕಂಪನಿಗೆ ರವಾನೆಯಾಗುತ್ತದೆ. ಅಲ್ಲಿ ಬಳಕೆದಾರನ ವಯಸ್ಸನ್ನು
ಅಂದಾಜಿಸಲಾಗುತ್ತದೆ. ಮಕ್ಕಳು ಆಪ್ ಮೇಲೆ ಎಷ್ಟು ಸಮಯ ಕಳೆಯುತ್ತಿದ್ದಾರೆ ಎಂಬುದನ್ನು ಸಹ ಈ ಟೆಕ್ನಾಲಜಿ
ಮೂಲಕ ಪಾಲಕರು ನಿಗಾ ಇಡಬಹುದಾಗಿದೆ.

Advertisement
