# ಮಂಗಳೂರು: ಬೈಕಂಪಾಡಿಯ ಬೋಲಾಸ್‌ ಘಟಕದಿಂದ 1,240 ಕೆ.ಜಿ. ನಕಲಿ ಅಡುಗೆ ಎಣ್ಣೆ ಜಪ್ತಿ

- Link: https://hosakannada.com/latest/mangalore-1240-kg-of-fake-cooking-oil-seized-from-bykampady-bolas-unit/
- Published: 2026-11-18T03:22:54+00:00
- Author: ಹೊಸಕನ್ನಡ ನ್ಯೂಸ್

ದಕ್ಷಿಣ ಕನ್ನಡ, ನ.17: ಮಿಸ್‌ಬ್ರ್ಯಾಂಡಿಂಗ್‌ ಹಾಗೂ ಲೇಬಲಿಂಗ್‌ ಲೋಪದೋಷಗಳನ್ನು ಎಸಗುತ್ತಿದ್ದ ಹಿನ್ನೆಲೆಯಲ್ಲಿ
ಬೈಕಂಪಾಡಿ ಕೈಗಾರಿಕಾ ಪ್ರದೇಶದಲ್ಲಿರುವ ʼಬೋಲಾಸ್‌ ಆಗ್ರೋ ಪ್ರೈವೇಟ್‌ ಲಿಮಿಟೆಡ್‌ʼ ಆಹಾರೋತ್ಪನ್ನ
ಘಟಕದಿಂದ ಬರೋಬ್ಬರಿ 1,240 ಕೆಜಿ ಅಡುಗೆ ಎಣ್ಣೆಯನ್ನು ಆರೋಗ್ಯ ಇಲಾಖೆಯಿಂದ ವಶಪಡಿಸಿಕೊಳ್ಳಲಾಗಿದೆ.

Sponsored

ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರದ ಸಿಬ್ಬಂದಿ ದಾಳಿ ಮಾಡಿದಾಗ ಗಂಭೀರ ಲೋಪದೋಷಗಳು
ಕಂಡು ಬಂದಿದೆ. ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರೆಯಿಂದ ಕಚ್ಚಾ ಕಡಲೆಕಾಯಿ ಎಣ್ಣೆಯನ್ನು ತರಿಸಿ, ಅದನ್ನು
ʼಕೋಲ್ಡ್‌ ಪ್ರೆಸ್ಟ್‌ ಕಡಲೆಕಾಯಿ ಎಣ್ಣೆʼ ಎಂದು ರೀಪ್ಯಾಕ್‌ ಮಾಡಲಾಗುತ್ತಿತ್ತು ಎಂಬುದು ಬೆಳಕಿಗೆ
ಬಂದಿದೆ.

Advertisement

Advertisement

ಬೋಲಾಸ್‌ ಆಗ್ರೋ ಘಟಕದಿಂದ ಒಟ್ಟು 1,240 ಕೆಜಿ ತೂಕದ ಈ ಕೆಳಗಿನ ಅಡುಗೆ ಎಣ್ಣೆ ದಾಸ್ತಾನನ್ನು ವಶಕ್ಕೆ
ಪಡೆಯಲಾಗಿದೆ.
ಕಡಲೆಕಾಯಿ ಎಣ್ಣೆ (ಬಾಕ್ಸ್‌): ಪ್ರತಿ ಬಾಕ್ಸ್‌ಗೆ 10ಕೆಜಿ ಯಂತೆ ಒಟ್ಟು 11 ಬಾಕ್ಸ್‌ಗಳುಕಡಲೆಕಾಯಿ
ಎಣ್ಣೆ (ಕ್ಯಾನ್‌): ಪ್ರತಿ ಕ್ಯಾನ್‌ಗೆ 35 ಲೀ.ನಂತೆ ಒಟ್ಟು 30 ಕ್ಯಾನ್‌ಗಳುತೆಂಗಿನ ಎಣ್ಣೆ (ಬಾಕ್ಸ್‌):
ಪ್ರತಿ ಬಾಕ್ಸ್‌ಗೆ 20 ಕೆಜಿಯಂತೆ ಒಟ್ಟು 4 ಬಾಕ್ಸ್‌ಗಳು

ಮಿಸ್‌ಬ್ರ್ಯಾಂಡಿಂಗ್‌ ಹಾಗೂ ಲೇಬಲಿಂಗ್‌ ನಿಯಮಗಳ ಉಲ್ಲಂಘನೆಯ ವಿರುದ್ಧ ಕೈಗೊಂಡಿರುವ ಈ ಕಠಿಣ ಕ್ರಮವು,
ಗ್ರಾಹಕರ ಹಿತಾಸಕ್ತಿ ಮತ್ತು ಆಹಾರ ಸುರಕ್ಷತೆಯ ದೃಷ್ಟಿಯಿಂದ ಮಹತ್ವ ಪಡೆದುಕೊಂಡಿದೆ.

Advertisement
