# ಇಂಡಿಯನ್‌ ಯೂನಿಯನ್‌ ಮುಸ್ಲಿಂ ಲೀಗ್‌ ಸಮಾವೇಶ- ಪ್ರಿಯಾಂಕ್‌ ಖರ್ಗೆ ಭಾಗಿ

- Link: https://hosakannada.com/latest/indian-union-muslim-league-meet-priyank-kharge-participated/
- Published: 2026-11-09T14:08:16+00:00
- Author: ಹೊಸಕನ್ನಡ ನ್ಯೂಸ್

**ಕರ್ನಾಟಕ ಸರ್ಕಾರದ ಸಚಿವರಾದ ಪ್ರಿಯಾಂಕ್ ಖರ್ಗೆ ಅವರು ಕೇರಳದ ಕೊಚ್ಚಿಯಲ್ಲಿ ನಡೆದ ಇಂಡಿಯನ್ ಯೂನಿಯನ್
ಮುಸ್ಲಿಂ ಲೀಗ್ ಯೂತ್ ವಿಂಗ್ ಸಮಾವೇಶದಲ್ಲಿ ಭಾಗವಹಿಸಿ ಮಾತನಾಡಿದ್ದಾರೆ.**

Sponsored

ಕಾರ್ಯಕ್ರಮದಲ್ಲಿ ಸಂವಿಧಾನದ ಪೀಠಿಕೆಯನ್ನು ಕೈಯಲ್ಲಿ ಹಿಡಿದು ಪ್ರದರ್ಶಿಸಿದ ಪ್ರತಿಯೊಬ್ಬರೂ ಅದನ್ನು
ಓದಿ ಅರ್ಥಮಾಡಿಕೊಳ್ಳುವಂತೆ ಕರೆ ನೀಡಿದರು. ಇತಿಹಾಸವನ್ನು ತಿರುಚುವವರ ಬಗ್ಗೆ ಎಚ್ಚರವಿರಬೇಕು ಎಂದ
ಅವರು, ಆರ್‌ಎಸ್‌ಎಸ್ ಹಾಗೂ ಬಿಜೆಪಿಯ ಸಿದ್ಧಾಂತಗಳ ವಿರುದ್ಧ ತೀವ್ರವಾಗಿ ವಾಗ್ದಾಳಿ ನಡೆಸಿದರು. ಹಿರಿಯ
ಪತ್ರಕರ್ತೆ ಗೌರಿ ಲಂಕೇಶ್ ಹಾಗೂ ವಿದ್ವಾಂಸ ಎಂ.ಎಂ. ಕಲಬುರ್ಗಿ ಹತ್ಯೆಯ ಕುರಿತು ಪ್ರಸ್ತಾಪಿಸಿ, ಸಂಘ
ಪರಿವಾರದವರೇ ಇವರನ್ನು ಹತ್ಯೆ ಮಾಡಿಸಿದ್ದಾರೆ ಎಂದು ಆರೋಪಿಸಿದರು.

Advertisement

Advertisement

ಆರ್‌ಎಸ್‌ಎಸ್‌ನ ನೈಜ ಸಿದ್ಧಾಂತ ಹಾಗೂ ಸಂಘಟನೆಯ ಹಿನ್ನೆಲೆಯನ್ನು ಅರ್ಥಮಾಡಿಕೊಳ್ಳಲು ಯುವಜನರು ಅದರ
ಇತಿಹಾಸವನ್ನು ಅಧ್ಯಯನ ಮಾಡಬೇಕು ಎಂದು ಕರೆ ನೀಡಿದರು. ಕ್ವಿಟ್‌ ಇಂಡಿಯಾ ಚಳುವಳಿಯಲ್ಲಿ ಆರ್‌ಎಸ್‌ಎಸ್‌
ಭಾಗವಹಿಸದಿರುವುದು, ತ್ರಿವರ್ಣ ಧ್ವಜವನ್ನು ವಿರೋಧಿಸಿದ್ದು ಹಾಗೂ ಸಂವಿಧಾನದ ಬಗ್ಗೆ ಹಿಂದಿನಿಂದಲೂ
ಹೊಂದಿದ್ದ ವಿರೋಧದ ನಿಲುವು ಅದರ ಇತಿಹಾಸವನ್ನು ಬಿಂಬಿಸುತ್ತದೆ. ಈ ವಿಚಾರ ಪ್ರತಿಯೊಬ್ಬ ಭಾರತೀಯನು
ತಿಳಿಯಬೇಕು ಎಂದು ಹೇಳಿದರು.

​ಕೇರಳದ ಕೊಚ್ಚಿಯಲ್ಲಿ ನಡೆದ ಈ ಬೃಹತ್ ಸಮಾವೇಶದಲ್ಲಿ ಕೇರಳದ ಮುಖ್ಯಮಂತ್ರಿ ವಿ.ಡಿ. ಸತೀಶನ್, ಮುಸ್ಲಿಂ
ಲೀಗ್ ರಾಜ್ಯ ಅಧ್ಯಕ್ಷ ಪಾಕ್ಕಡ್ ಸಾದಿಕಲಿ ಶಿಹಾಬ್ ತಂಗಲ್ ಹಾಗೂ ಪ್ರಮುಖ ಮುಖಂಡರು ಉಪಸ್ಥಿತರಿದ್ದರು.

Advertisement