# Liquor Price Hike: ಒಟಿ, ಒರಿಜಿನಲ್‌ ಚಾಯ್ಸ್‌ ಸೇರಿ ಸಾಮಾನ್ಯ ವರ್ಗದವರು ಸೇವಿಸೋ ಹಲವು ಮದ್ಯ ಬೆಲೆಯಲ್ಲಿ ಭಾರೀ ಏರಿಕೆ – ರಾಜ್ಯ ಸರ್ಕಾರ ಆದೇಶ!!

- Link: https://hosakannada.com/latest/huge-hike-in-prices-of-many-liquors-consumed-by-the-common-people-including-ot-original-choice-state-government-orders/
- Published: 2026-04-20T10:42:44+00:00
- Author: ಹೊಸಕನ್ನಡ ನ್ಯೂಸ್

Liquor Price Hike: ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿರುವ ರಾಜ್ಯ ಸರ್ಕಾರವು ಇದೀಗ ಬೆಳ್ಳಂಬೆಳಗ್ಗೆಯೇ
ಮದ್ಯಪ್ರಿಯರಿಗೆ ದೊಡ್ಡ ಶಾಕ್ ನೀಡಿದ್ದು, ಸಾಮಾನ್ಯ ವರ್ಗದ ಜನರು ಹೆಚ್ಚಾಗಿ ಸೇವಿಸುವ ಮದ್ಯದ ದರವನ್ನು(
Liquor Price Hike) ಹೆಚ್ಚಿಸಲು ಮುಂದಾಗಿದೆ.

Sponsored

ಕಳೆದ ಬಜೆಟ್‌ನಲ್ಲಿ ಘೋಷಿಸಿದಂತೆ ರಾಜ್ಯದ ಆದಾಯವನ್ನು ಹೆಚ್ಚಿಸುವ ಉದ್ದೇಶದಿಂದ ಸರ್ಕಾರ ಮದ್ಯದ ಮೇಲೆ
ಹೊಸ ತೆರಿಗೆ ವ್ಯವಸ್ಥೆಯನ್ನು ಜಾರಿಗೊಳಿಸುತ್ತಿದೆ. ಅಂತೆಯೇ ಈಗ ಮದ್ಯ ದರದಲ್ಲಿ ಸರಕಾರ ಏರಿಕೆ ಮಾಡಲು
ಮುಂದಾಗಿದೆ. ಮುಂದಿನ ವಾರದಿಂದಲೇ ಹೊಸ ದರಗಳು ಜಾರಿಗೆ ಬರುವ ಸಾಧ್ಯತೆಯಿದ್ದು, ಈ ಕುರಿತು ಸರ್ಕಾರ
ಈಗಾಗಲೇ ಕರಡು ಅಧಿಸೂಚನೆಯನ್ನು ಪ್ರಕಟಿಸಿದೆ.

Advertisement

Advertisement

ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾಗುವ ಬ್ರ್ಯಾಂಡ್‌ಗಳ ಬೆಲೆಯಲ್ಲಿ ಸುಮಾರು 10 ರಿಂದ 25 ರೂಪಾಯಿಗಳಷ್ಟು
ಏರಿಕೆಯಾಗುವ ನಿರೀಕ್ಷೆಯಿದೆ. ಒರಿಜಿನಲ್‌ ಚಾಯ್ಸ್‌ನ 180 ಎಂಎಲ್‌ಗೆ ಪ್ರಸ್ತುತ 95 ರೂಪಾಯಿ ದರವಿದ್ದು,
ಹೊಸ ದರ ಅಂದಾಜು 115 ರೂಪಾಯಿ ಆಗಲಿದೆ. ಅದೇ ರೀತಿಯಲ್ಲಿ, ಒಟಿ (ಓಲ್ಡ್‌ ಟ್ಯಾವರಿನ್‌) 180 ಎಂಎಲ್‌ಗೆ
ಪ್ರಸ್ತುತ 80 ರೂಪಾಯಿ ದರ ಇದ್ದು, ಹೊಸ ದರ 100 ರೂಪಾಯಿ ಆಗಲಿದೆ. ಇನ್ನು ಬಡ ಜನರಲ್ಲಿ ಜನಪ್ರಿಯವಾಗಿರುವ
ರಾಜಾ ವಿಸ್ಕಿಯ 180 ಎಂಎಲ್‌ನ ಹೊಸ ಬೆಲೆ 95 ರೂಪಾಯಿ ಆಗಲಿದೆ. ಪ್ರಸ್ತುತ ಇದಕ್ಕೆ 70 ರೂಪಾಯಿ ಬೆಲೆ
ಇದೆ. ಇನ್ನು ಹಯ್ವಾರ್ಡ್ಸ್‌ಗೆ 100 ರೂಪಾಯಿ ಬೆಲೆ ಇದ್ದು,ಹೊಸ ದರ 120 ರೂಪಾಯಿ ಆಗಲಿದೆ.

Advertisement