# ಒಮಾನ್‌ನಲ್ಲಿ ಭಾರೀ ಪ್ರವಾಹದ ಮಳೆ, 13 ಮಂದಿ ದುರ್ಮರಣ !

- Link: https://hosakannada.com/latest/heavy-rain-in-oman-13-dead/
- Published: 2024-04-15T22:14:01+00:00
- Author: ಹೊಸಕನ್ನಡ ನ್ಯೂಸ್

Muskat:‌ ಇಂದು, ಸೋಮವಾರ ಒಮಾನ್‌ನಲ್ಲಿ ಭಾರೀ ಮಳೆ (Heavy Rain In Oman) ಮುಂದುವರಿದಿದ್ದು, 
ಅಲ್ಲಿ ಹಠಾತ್‌ ಆಗಿ ಪ್ರವಾಹ ಪರಿಸ್ಥಿತಿ ಸೃಷ್ಟಿಯಾಗಿದೆ. ಅದರ ಪರಿಣಾಮ 13 ಮಂದಿ ಸಾವನ್ನಪ್ಪಿದ್ದಾರೆ
ಎಂದು ವರದಿಯಾಗಿದೆ. ಅಲ್ಲದೇ ನೋಡ ನೋಡುತ್ತಿದ್ದಂತೆಯೇ ಹಲವು ವಾಹನಗಳು ಜೋರು ಮಳೆಯಿಂದ ಉಂಟಾದ ಪ್ರವಾಹದಿಂದ
ಕೊಚ್ಚಿ ಹೋಗಿವೆ.

Sponsored

ಒಮಾನ್ ದೇಶದ ಉತ್ತರ ಅಲ್ ಶರ್ಕಿಯಾ ಗವರ್ನರೇಟ್‌ನಲ್ಲಿ ವ್ಯಾಪಕ ಶೋಧ ಕಾರ್ಯಾ ನಡೆದಿದೆ. ಅಲ್ಲಿನ ನಾಗರಿಕ
ರಕ್ಷಣಾ ಮತ್ತು ಅಂಬುಲೆನ್ಸ್ ವಿಭಾಗದ ಶೋಧ ತಂಡಗಳ ಕಾರ್ಯಾಚರಣೆಯಿಂದಾಗಿ ಈಗ ಕೇವಲ ಓರ್ವನ ಶವವನ್ನು
ಹೊರತೆಗೆಯಲಾಗಿದ್ದು, ಓರ್ವ ಮಗು ಸೇರಿದಂತೆ ಉಳಿದ ಮೂವರಿಗಾಗಿ ತೀವ್ರ ಹುಡುಕಾಟ ನಡೆದಿದೆ. ಪ್ರವಾಹ
ಪರಿಸ್ಥಿತಿಯ ಕಾರಣದಿಂದ, ನಿನ್ನೆ ಭಾನುವಾರ ಕನಿಷ್ಟ 12 ಮಂದಿ ತಮ್ಮ ಪ್ರಾಣವನ್ನು ಕಳೆದುಕೊಂಡಿದ್ದರು.
ಸಾವಿಗೀಡಾದವರಲ್ಲಿ 9 ಮಂದಿ ವಿದ್ಯಾರ್ಥಿಗಳು, ಇಬ್ಬರು ಸ್ಥಳೀಯ ನಿವಾಸಿಗಳು ಮತ್ತು ಓರ್ವ ವಲಸಿಗರೊಬ್ಬರು
ಸೇರಿದ್ದಾರೆ ಎಂಬುದಾಗಿ ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.

Advertisement

Advertisement

ನಿನ್ನೆಯಿಂದ ಸುರಿದ ಪ್ರವಾಹದ ರೀತಿಯ ಮಳೆಯಿಂದಾಗಿ ಒಮಾನ್‌ನ ಹಲವು ಭಾಗಗಳಲ್ಲಿ ಜನ ತಮ್ಮ ಮನೆಗಳಲ್ಲಿ
ದಿಗ್ಬಂಧನಕ್ಕೆ ಒಳಗಾಗಿದ್ದಾರೆ. ಒಮಾನ್‌ನ ಬೀದಿಗಳಲ್ಲಿ ಪ್ರವಾಹದ ನೀರು ಹರಿಯುತ್ತಿದ್ದಂತೆ, ಅಲ್ಲಿ
ನಿಲ್ಲಿಸಿದ್ದ ವಾಹನಗಳು ಕೊಚ್ಚಿಹೋಗಿವೆ ಮತ್ತು ಕೆಲವು ವಾಹನಗಳು ಜಲಾವೃತಗೊಂಡಿರುವ ವೀಡಿಯೋಗಳು ಇದೀಗ
ಮಾಧ್ಯಮಗಳಿಗೆ ಸಿಕ್ಕಿದೆ.

> Families, and children trapped inside homes due to flash floods in Oman; rescue
> efforts underway [pic.twitter.com/teWqeHqIiM](https://t.co/teWqeHqIiM)
> — Khaleej Mag (@KhaleejMag) [April 15, 2024](https://x.com/KhaleejMag/status/1779755564316110937?ref_src=twsrc%5Etfw)

 

ಓಮನ್ ದೇಶದ ರಾಯಲ್ ಆರ್ಮಿ ಆಫ್ ಒಮಾನ್, ರಾಯಲ್ ಓಮನ್ ಪೊಲೀಸ್ ಮತ್ತು ಅಂಬುಲೆನ್ಸ್ ತಂಡಗಳು ಬಿರುಸಿನಿಂದ
ರಕ್ಷಣಾ ಕಾರ್ಯಾಚರಣೆ ನಡೆಸುತ್ತಿವೆ. ಶಾಲೆಗಳಿಂದ ನೇರವಾಗಿ ವಿದ್ಯಾರ್ಥಿಗಳನ್ನು ಸುರಕ್ಷಿತ ಸ್ಥಳಗಳಿಗೆ
ಸ್ಥಳಾಂತರಿಸಲಾಗುತ್ತಿದೆ. ಅಲ್ಲಿನತು ರ್ತು ಪರಿಸ್ಥಿತಿ ನಿರ್ವಹಣೆಗಾಗಿ ಒಮಾನ್‌ನ ರಾಷ್ಟ್ರೀಯ ಸಮಿತಿಯು
ಮಳೆಯಿಂದ ಪ್ರಭಾವಿತವಾಗಿರುವ ಎಲ್ಲಾ ಗವರ್ನರೇಟ್‌ಗಳನ್ನು ಎಚ್ಚರಿಸಿದೆ ಎಂದು ವರದಿ ತಿಳಿಸಿದೆ. ಒಮಾನ್
ಹೊರತುಪಡಿಸಿ, ಯುಎಇ ಕೆಲವು ಪ್ರದೇಶಗಳಲ್ಲಿ ಆಲಿಕಲ್ಲು, ಮಿಂಚು ಮತ್ತು ಗುಡುಗು ಸೇರಿದಂತೆ ಭಾರೀ ಮಳೆಯಾಗುವ
ಸಾಧ್ಯತೆಗಳಿರುವುದಾಗಿ ವರದಿಯಾಗಿದೆ.

Advertisement