# ಈ ವರ್ಷದೊಳಗೆ ಪೆಟ್ರೋಲ್ ಡೀಸೆಲ್ ಕಾರ್ ಸಂಪೂರ್ಣ ಬ್ಯಾನ್ !!!

- Link: https://hosakannada.com/latest/european-union-bans-sale-of-new-petrol-and-diesel-cars-from-2035-in-member-countries/
- Published: 2022-10-29T14:27:24+00:00
- Author: ಕೆ. ಎಸ್. ರೂಪಾ

ಆಧುನಿಕ ಯುಗದಲ್ಲಿ ಹೊಸ ಅನ್ವೇಷಣೆ ಆದ ನಂತರ ಹಳೆಯ ವಸ್ತುಗಳಿಗೆ ಬೇಡಿಕೆ ಇರುವುದಿಲ್ಲ. ಮತ್ತು ಬಾಳಿಕೆ
ಸಹ ಅವುಗಳಿಗೆ ಇರುವುದಿಲ್ಲ. ಹಾಗೆಯೇ ಪರಿಸರ ಮಾಲಿನ್ಯ ಪ್ರಭಾವದ ದೃಷ್ಟಿಯಿಂದ ಪ್ರಯಾಣಿಕ ಕಾರುಗಳನ್ನು
ನಿಷೇಧಿಸಲಾಗುತ್ತದೆ ಎಂಬ ಸುದ್ದಿ ಈಗಾಗಲೇ ಕೇಳಿರಬಹುದು.

Sponsored

ಈ ವಿಷಯ ಕುರಿತಾದ ಮಾಹಿತಿಯ ಪ್ರಕಾರ, ಕಳೆದ ಮೂರು ದಶಕಗಳಲ್ಲಿ ಹಸಿರುಮನೆ ಅನಿಲ ಹೊರಸೂಸುವಿಕೆ ಹೆಚ್ಚಿದ
ಏಕೈಕ ವಲಯ ಸಾರಿಗೆ ವಲಯವಾಗಿದೆ. 1990 ಮತ್ತು 2019 ರ ನಡುವೆ ಸಾರಿಗೆ ವಲಯದಲ್ಲಿ ಹಸಿರುಮನೆ ಅನಿಲ
ಹೊರಸೂಸುವಿಕೆ ಶೇ 33.5 ರಷ್ಟು ಏರಿಕೆಯಾಗಿದೆ ಎಂದು ತಿಳಿದು ಬಂದಿದೆ.

Advertisement

Advertisement

ಈಗಾಗಲೇ ಯುರೋಪಿಯನ್ ಪಾರ್ಲಿಮೆಂಟ್ ಮತ್ತು ಯುರೋಪಿಯನ್ ಯೂನಿಯನ್ ಸದಸ್ಯ ರಾಷ್ಟ್ರಗಳು 2035 ರ ವೇಳೆಗೆ
ಹೊಸ ಗ್ಯಾಸೋಲಿನ್ ಮತ್ತು ಡೀಸೆಲ್ ಕಾರು ಮತ್ತು ವ್ಯಾನ್‌ಗಳ ಮಾರಾಟವನ್ನು ನಿಷೇಧಿಸುವ ಒಪ್ಪಂದಕ್ಕೆ
ಸಹಿ ಹಾಕಿವೆ.

ಈ ದಶಕದಲ್ಲಿ ಜಾಗತಿಕ ತಾಪಮಾನ ಏರಿಕೆಗೆ ಕಾರಣವಾಗುವ ಅನಿಲಗಳ ಹೊರಸೂಸುವಿಕೆಯನ್ನು ಶೇ 55 ರಷ್ಟು ಕಡಿತಗೊಳಿಸುವ
ಯುರೋಪಿಯನ್ ಯೂನಿಯನ್‌ನ ಹವಾಮಾನ ಗುರಿಗಳನ್ನು ಸಾಧಿಸಲು ಆಯೋಗವು ಸ್ಥಾಪಿಸಿದ ಬ್ಲಾಕ್‌ನ “ಫಿಟ್ ಫಾರ್
55” ಪ್ಯಾಕೇಜ್‌ನ ಮೊದಲ ಒಪ್ಪಂದಕ್ಕೆ ಗುರುವಾರ ರಾತ್ರಿ ಯುರೋಪಿಯನ್ ಯೂನಿಯನ್ ಸಮಾಲೋಚಕರು ಒಮ್ಮತ 
ನೀಡಿದ್ದಾರೆ. ಅಲ್ಲದೆ ಈ ಒಪ್ಪಂದವು UN COP27 ಹವಾಮಾನ ಬದಲಾವಣೆಯ ಸಮ್ಮೇಳನಕ್ಕೂ ಮುಂದಿನ ಸ್ಪಷ್ಟ
ಸಂಕೇತವಾಗಿದೆ. ಯುರೋಪಿಯನ್ ಯೂನಿಯನ್ ಹವಾಮಾನ ಕಾನೂನಿನಲ್ಲಿ ನಿಗದಿಪಡಿಸಿದ ಹೆಚ್ಚು ಮಹತ್ವಾಕಾಂಕ್ಷೆಯ
ಗುರಿಗಳನ್ನು ತಲುಪಲು ಬಲಿಷ್ಠ ಕಾನೂನುಗಳನ್ನು ಅಳವಡಿಸಿಕೊಳ್ಳುವ ಬಗ್ಗೆ EU ಗಂಭೀರವಾಗಿದೆ ಎಂದು ಯುರೋಪಿಯನ್
ಪಾರ್ಲಿಮೆಂಟ್ ತಿಳಿಸಿದೆ.

ಯುರೋಪಿಯನ್ ಯೂನಿಯನ್‌ನಲ್ಲಿ ರಸ್ತೆ ಸಾರಿಗೆಯಿಂದ ಒಟ್ಟು CO2 ಹೊರಸೂಸುವಿಕೆಯ ಶೇ 61 ನಷ್ಟಿದೆ. 2050
ರ ವೇಳೆಗೆ ಸಾರಿಗೆಯಿಂದ ಅನಿಲ ಹೊರಸೂಸುವಿಕೆಯನ್ನು ತೀವ್ರವಾಗಿ ಕಡಿಮೆ ಮಾಡಲು ಮತ್ತು ಎಲೆಕ್ನಿಕ್ 
ಕಾರುಗಳನ್ನು ಉತ್ತೇಜಿಸಲು ಯುರೋಪಿಯನ್ ಯೂನಿಯನ್ ಮಹತ್ವದ ನಿರ್ಧಾರ ಮಾಡಿದೆ

ಅದಲ್ಲದೆ ಬ್ಲಾಕ್‌ನ ಬಾಹ್ಯ ಲೆಕ್ಕಪರಿಶೋಧಕರ ವರದಿಯ ಪ್ರಕಾರ ಯುರೋಪಿಯನ್ ನಲ್ಲಿ ಸೂಕ್ತವಾದ ಚಾರ್ಜಿಂಗ್
ಸ್ಟೇಷನ್‌ಗಳ ಕೊರತೆಯಿದೆ ಎಂದು ಕಳೆದ ವರ್ಷ ತೋರಿಸಿದೆ ಎಂದು ತಿಳಿದು ಬಂದಿದೆ.

2025, 2030 ಮತ್ತು 2035 ರಲ್ಲಿ ಸಾಧಿಸಬೇಕಾದ ಗುರಿಗಳು ಮತ್ತು 2050 ರ ವೇಳೆಗೆ ಹವಾಮಾನ ತಟಸ್ಥತೆಯ
ನಮ್ಮ ಗುರಿಗಳನ್ನು ಹೊಂದಿದೆ. ಮತ್ತು ಈಗಾಗಲೇ ಯುರೋಪಿಯನ್ ಹಸಿರು ಮನೆ ಅನಿಲ ಹೊರಸೂಸುವಿಕೆಯ ಶೇ 16
ರಷ್ಟುಹೊಂದಿರುವ ಈ ವಲಯವು 2050 ರ ವೇಳೆಗೆ ಇಂಗಾಲ ತಟಸ್ಥವಾಗಿರಲಿದೆ ಎಂದು ಯುರೋಪಿಯನ್ ಪಾರ್ಲಿಮೆಂಟ್‌ನ
ಪರಿಸರ ಸಮಿತಿಯ ಅಧ್ಯಕ್ಷ ಪ್ಯಾಸ್ಕಲ್ ಕ್ಯಾನ್‌ಫಿನ್ ಹೇಳಿದ್ದಾರೆ.

ಈ ಮೊದಲು ಜಾಗತಿಕ ತಾಪಮಾನವು 2 ಡಿಗ್ರಿ ಸೆಲ್ಸಿಯಸ್ (3.6 ಡಿಗ್ರಿ ಫ್ಯಾರನ್‌ಹೀಟ್) ಗಿಂತ ಹೆಚ್ಚಾಗದಂತೆ
ಮತ್ತು ಆದರ್ಶಪ್ರಾಯವಾಗಿ ಶತಮಾನದ ಅಂತ್ಯದ ವೇಳೆಗೆ 1.5 ಡಿಗ್ರಿ ಸಿ (2.7 ಎಫ್) ಗಿಂತ ಹೆಚ್ಚಿಲ್ಲದಂತೆ
ನೋಡಿಕೊಳ್ಳಲು ವಿಶ್ವ ನಾಯಕರು 2015 ರಲ್ಲಿ ಪ್ಯಾರಿಸ್‌ನಲ್ಲಿ ಒಪ್ಪಿಕೊಂಡಿದ್ದರು.

ಪ್ರಮುಖವಾಗಿ ಹಸಿರು ಮನೆ ಅನಿಲದ ಹೊರಸೂಸುವಿಕೆ ಕಡಿಮೆ ಮಾಡಲು ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳದ 
ಹೊರತು ವಿಜ್ಞಾನಿಗಳು ಕಡಿಮೆ ಮಹತ್ವಾಕಾಂಕ್ಷೆಯ ಗುರಿಗಳನ್ನು ಸಹ ಸಾಧಿಸಲು ಸಾಧ್ಯವಿಲ್ಲ. ಪಳೆಯುಳಿಕೆ
ಇಂಧನ ಬಳಸುವ ಕಾರುಗಳ ಯುರೋಪಿಯನ್ 2035 ರ ಹಂತವು ಸಾಕಷ್ಟು ತ್ವರಿತವಾಗಿಲ್ಲ ಮತ್ತು ಆಂತರಿಕ ದಹನಕಾರಿ
ಎಂಜಿನ್ ಹೊಂದಿರುವ ಹೊಸ ಕಾರುಗಳನ್ನು 2028 ರ ವೇಳೆಗೆ ನಿಷೇಧಿಸಬೇಕು ಎಂದು ವರದಿಯಲ್ಲಿ ಮಹತ್ವದ ಮಾಹಿತಿ
ತಿಳಿಸಿದ್ದಾರೆ.

Advertisement
