# D K Shivkumar ನಿವಾಸಕ್ಕೆ 2.8 ಕೋಟಿಯ ಹೊಸ ಲೆಕ್ಸಸ್ LM 350 ಲಕ್ಷುರಿ ಕಾರು ಎಂಟ್ರಿ – ಈವರೆಗೂ ಖರೀದಿಸಿದ ಎರಡನೇ ರಾಜಕಾರಣಿ ಡಿಕೆಶಿ

- Link: https://hosakannada.com/latest/d-khivkumars-residence-gets-a-new-lexus-lm-350-luxury-car-worth-rs-2-8-crore/
- Published: 2026-02-11T15:35:10+00:00
- Author: ಹೊಸಕನ್ನಡ ನ್ಯೂಸ್

D K Shivkumar : ಕರ್ನಾಟಕದ ಉಪಮುಖ್ಯಮಂತ್ರಿ, ಕೆಪಿಸಿಸಿ ಅಧ್ಯಕ್ಷರಾಗಿರುವ ಡಿಕೆ ಶಿವಕುಮಾರ್ ನಿವಾಸಕ್ಕೆ
ಬರೋಬ್ಬರಿ 2.8 ಕೋಟಿಯ ಹೊಸ ಲೆಕ್ಸಸ್ LM 350 ಲಕ್ಷುರಿ ಕಾರು ಎಂಟ್ರಿ ಕೊಟ್ಟಿದೆ. ಅಧಿಕಾರ ಬದಲಾವಣೆಯ
ಸೂಚನೆ ಇದಾಗಿದೆ ಎಂಬ ಚರ್ಚೆ ಕೂಡ ಶುರುವಾಗಿದೆ. ವಿಶೇಷವೇನೆಂದರೆ ಇದುವರೆಗೂ ರಾಜಕಾರಣಿಗಳು ಹಾಗೂ 
ಸೆಲೆಬ್ರಿಟಿಗಳು ಸೇರಿದಂತೆ ಕೇವಲ ಏಳು ಜನರ ಬಳಿ ಮಾತ್ರ ಈ ಕಾರು ಇದೆ. ಹಾಗಾದರೆ ಈ ಕಾರಿನ ವಿಶೇಷತೆ
ಏನೆಂದು ನೋಡೋಣ.

Sponsored

ಯಸ್, ಬಿಳಿ ಬಣ್ಣದ ಲೆಕ್ಸಸ್ LM 350h ಕಾರು ಇಂದು ಡಿಕೆ ಶಿವಕುಮಾರ್ ಅವರ ಸದಾಶಿವನಗರದ ಮನೆಗೆ ಡೆಲಿವರಿಯಾಗಿದೆ.
ಡಿಕೆ ಶಿವಕುಮಾರ್ ಅವರ ಹೊಸ ಲೆಕ್ಸಸ್ LM 350h ಕಾರನ್ನು ಡಿಕೆಶಿ ಪತ್ನಿ ಬರಮಾಡಿಕೊಂಡಿದ್ದಾರೆ. ಡಿಕೆ
ಶಿವಕುಮಾರ್ ಹೊಸ ಬ್ರಾಂಡ್ ನ್ಯೂ ಕಾರಿಗೆ ಫ್ಯಾನ್ಸಿ ನಂಬರ್ ಪಡೆದುಕೊಂಡಿದ್ದಾರೆ. 2.8 ಕೋಟಿ ರೂಪಾಯಿಂದ
3 ಕೋಟಿ ರೂವರೆಗಿನ ಈ ಕಾರು ಅತ್ಯಂತ ಐಷಾರಾಮಿ ಕಾರಾಗಿದೆ. 7 ಸೀಟಿನ ಕಾರು ಇದಾಗಿದ್ದು, ದೀರ್ಘ ಪ್ರಯಾಣಕ್ಕೆ
ಅತ್ಯುತ್ತಮ ಎಂದು ಗುರುತಿಸಿಕೊಂಡಿದೆ. ಅರಾಮಾದಾಯಕ ಪ್ರಯಾಣ, ಆಯಾಸ ರಹಿತ ಪ್ರಯಾಣಕ್ಕೆ ಈ ಕಾರು ಬಳಕೆ
ಮಾಡಲಾಗುತ್ತದೆ. 

Advertisement

Advertisement

ಲೆಕ್ಸಸ್ LM 350h ಕಾರು ಖರೀದಿಸಿದ ಎರಡನೇ ರಾಜಕಾರಣಿ ಡಿಕೆ ಶಿವಕುಮಾರ್. ಡಿಕೆ ಶಿವಕುಮಾರ್‌ಗೂ ಮೊದಲು
ಇತ್ತೀಚೆಗೆ ರಾಜಕೀಯಕ್ಕೆ ಎಂಟ್ರಿಕೊಟ್ಟಿರುವ ತಮಿಳು ನಟ ವಿಜಯ್ ಜೊಸೆಫ್ ಈ ಕಾರು ಬಳಕೆ ಮಾಡುತ್ತಿದ್ದಾರೆ.
ವಿಜಯ್ ಹೊರತುಪಡಿಸಿದರೆ ರಾಜಕಾರಣಿಗಳ ಪೈಕಿ ಡಿಕೆ ಶಿವಕುಮಾರ್ ಈ ಕಾರು ಖರೀದಿಸಿದ್ದಾರೆ.

ಇದರಲ್ಲಿ ನಾಲ್ಕು ಸೀಟಿನ ಆಯ್ಕೆ ಕೂಡ ಇದೆ. eCVT ಹಾಗೂ ಇ ಫೋರ್ ಆಲ್ ವ್ಹೀಲ್ ಡ್ರೈವ್ ಸಾಮರ್ಥ್ಯ 
ಹೊಂದಿರುವ ಈ ಕಾರು 2.5 ಲೀಟರ್ 4 ಸಿಲಿಂಡರ್ ಪೆಟ್ರೋಲ್ ಹೈಬ್ರಿಡ್ ಎಂಜಿನ್ ಹೊಂದಿದೆ. ಎಥೆನಾಲ್ ಇ20
ಇಂಧನ ಚಾಲಿತ ಎಂಜಿನ್ ಆಗಿದೆ.60 ಲೀಟರ್ ಇಂಧನ ಸಾಮರ್ಥ್ಯ ಹೊಂದಿದೆ. ಈ ಕಾರು ಬಳಕೆ ಮಾಡಿದ ಶೇಕಡಾ 
93ರಷ್ಚು ಮಂದಿ ಇದರ ಕಂಫರ್ಟ್‌ಗೆ ಫುಲ್ ಮಾರ್ಕ್ಸ್ ನೀಡಿದ್ದಾರೆ. ಶೇಕಡಾ 7ರಷ್ಟು ಮಂದಿ ಉತ್ತಮ ಎಂದಿದ್ದಾರೆ.
19 ಇಂಚಿನ ಅಲೋಯ್ ವ್ಹೀಲ್ಸ್, LED ಹೆಡ್‌ಲ್ಯಾಂಪ್ಸ್, LED ಟೈಲ್ ಲ್ಯಾಂಪ್ಸ್, 23 ಸೌಂಡ್ ಸ್ಪೀಕಸ್
ಸಿಸ್ಟಮ್, ಏರ್‌ಬ್ಯಾಕ್, ಎಬಿಎಸ್, ಇಬಿಡಿ ಸೇರಿದಂತೆ ಎಲ್ಲಾ ಸುರಕ್ಷತಾ ಫೀಚರ್ಸ್ ಈ ಕಾರಿನಲ್ಲಿದೆ.

Advertisement