# Chennai: ಬಾಡಿಗೆದಾರರ ಮನೆಯಲ್ಲಿ ಸ್ಪೈ ಕ್ಯಾಮೆರಾ ಇಟ್ಟು ಮಹಿಳೆಯ ಖಾಸಗಿ ದೃಶ್ಯ ಸೆರೆ ಹಿಡಿದ ಮಾಲೀಕನ ಮಗ; ಅರೆಸ್ಟ್‌ ಮಾಡಿದ ಪೊಲೀಸರು!

- Link: https://hosakannada.com/latest/chennai-news-student-arrested-for-placing-spy-camera-at-womans-house-latest-update/
- Published: 2024-02-01T10:46:26+00:00
- Author: ಕೆ. ಎಸ್. ರೂಪಾ

Chennai: ದಂತ ವೈದ್ಯಕೀಯ ವಿದ್ಯಾರ್ಥಿಯನ್ನು ಮಹಿಳೆಯೊಬ್ಬರ ಮನೆಯಲ್ಲಿ ಸ್ಪೈ ಕ್ಯಾಮೆರಾ ಇಟ್ಟು ರಹಸ್ಯವಾಗಿ
ಚಿತ್ರೀಕರಿಸಿದ ಆರೋಪದ ಮೇಲೆ ಬಂಧಿಸಿರುವ ಘಟನೆಯೊಂದು ಚೆನ್ನೈನಲ್ಲಿ ನಡೆದಿದೆ. ಕಟ್ಟಡದ ಮಾಲೀಕನ ಮಗನೇ
ಈ ಕೃತ್ಯ ಎಸಗಿರುವುದಾಗಿ ವರದಿಯಾಗಿದೆ. ಮಹಿಳೆ ಈ ಕಟ್ಟಡದಲ್ಲಿ ಹಲವು ವರ್ಷಗಳಿಂದ ಬಾಡಿಗೆಯಲ್ಲಿ ಇರುವುದಾಗಿ
ವರದಿ ತಿಳಿಸಿದೆ.

Sponsored

**ಇದನ್ನೂ ಓದಿ: [Rakshith Shetty: ರಕ್ಷಿತ್‌ ಶೆಟ್ಟಿ ʼರಿಚರ್ಡ್‌ ಆಂಟನಿʼ ನಿರ್ಮಾಣದಿಂದ ಹಿಂದೆ ಸರಿದ ಹೊಂಬಾಳೆ?](https://hosakannada.com/2024/02/01/entertainment-news-sandalwood-news-rakshit-shetty-and-hombale-production-news/)**

Advertisement

Advertisement

ಜ.30 (ಮಂಗಳವಾರ) ಮಹಿಳೆಯೊಬ್ಬರು ತಮ್ಮ ಕೋಣೆ ಸ್ವಚ್ಛಗೊಳಿಸುವ ವೇಳೆ ಸ್ಪೈ ಕ್ಯಾಮೆರಾ ಇಟ್ಟಿರುವ 
ಕುರಿತು ಘಟನೆ ಬೆಳಕಿಗೆ ಬಂದಿದೆ. ಇದರಿಂದ ಹೆದರಿದ ಮಹಿಳೆ ಪತಿಯ ಬಳಿ ಇದನ್ನು ಹೇಳಿದ್ದಾರೆ. ಪೆನ್‌ವೊಂದರಲ್ಲಿ
ಕೆಂಪು ಬೆಳಕು ಬರುತ್ತಿರುವುದನ್ನು ನೋಡಿ ಈ ವಿಚಾರವನ್ನು ಪತಿಗೆ ತಿಳಿಸಿದ್ದಾರೆ. ಈ ಪೆನನ್ನು ಪರಿಶೀಲಿಸಿದ್ದಾರೆ.
ಕೆಲಸದಿಂದ ಮನೆಗೆ ಮರಳಿದ ಪತಿ ಅನುಮಾನಸ್ಪದ ʼಪೆನ್‌ʼ ನನ್ನು ಪರೀಕ್ಷಿಸಿದ್ದು ಅದು ರಹಸ್ಯವಾದ ರೆಕಾರ್ಡಿಂಗ್‌
ಸಾಧನ ಎಂದು ಗೊತ್ತಾಗಿದೆ.

ನಂತರ ದಂಪತಿಗಳು ಆ ಸ್ಪೈ ಕ್ಯಾಮೆರಾದಲ್ಲಿ ಏನಿದೆ ಎಂದು ಪರಿಶೀಲನೆ ಮಾಡಿದ್ದು, ಇದರಲ್ಲಿ ಮಹಿಳೆ ಬಟ್ಟೆ
ಬದಲಾಯಿಸುವ ಹಾಗೆನೇ ಬೇರೆ ಕೆಲ ಸನ್ನಿವೇಶಗಳ ವೀಡಿಯೋ ರೆಕಾರ್ಡ್‌ ಆಗಿರುವುದನ್ನು ನೋಡಿದ್ದಾರೆ.

ದಂಪತಿಗಳು ಈ ಕುರಿತು ಪೊಲೀಸರಿಗೆ ದೂರು ನೀಡಿದ್ದಾರೆ. ಕಟ್ಟಡದ ಮಾಲೀಕನ ಮಗ ಇಬ್ರಾಹಿಂ ಎಂಬಾತನನ್ನು
ಪೊಲೀಸರು ಬಂಧಿಸಿದ್ದು, ಈ ಕುರಿತು ಹೆಚ್ಚಿನ ತನಿಖೆ ನಡೆಯುತ್ತಿದೆ.

Advertisement