# ಗೊಬ್ಬರ ಖರೀದಿಗೆ ಆ್ಯಪ್: ದ.ಕ, ಉಡುಪಿ ಜಿಲ್ಲೆಗಳಲ್ಲಿ ಡಿಸೆಂಬರ್ ತಿಂಗಳಿನಿಂದ ಬುಕ್ಕಿಂಗ್​ ಆರಂಭ

- Link: https://hosakannada.com/latest/app-for-purchasing-fertilizer-booking-starts-from-december-in-dakshina-kannada-and-udupi-districts/
- Published: 2026-11-15T05:54:34+00:00
- Author: ಹೊಸಕನ್ನಡ ನ್ಯೂಸ್

ದಕ್ಷಿಣ ಕನ್ನಡ: ರೈತರು ತಾವು ಇರುವ ಸ್ಥಳದಿಂದಲೇ ಮೊಬೈಲ್​ (ಆಂಡ್ರಾಯ್ಡ್) ಮೂಲಕ ರಸಗೊಬ್ಬರ ಕಾಯ್ದಿರಿಸುವ
ನೂತನ ವ್ಯವಸ್ಥೆಯ ಪ್ರಾಯೋಗಿಕ ಜಾರಿ ಈಗಾಗಲೇ ಚಿತ್ರದುರ್ಗ ಹಾಗೂ ತುಮಕೂರು ಜಿಲ್ಲೆಗಳಲ್ಲಿ ಆಗಿದ್ದು,
ಇದೀಗ ಡಿಸೆಂಬರ್ ತಿಂಗಳಿನಿಂದ ದಕ್ಷಿಣ ಕನ್ನಡ, ಉಡುಪಿ ಸಹಿತ ಒಟ್ಟು 15 ಜಿಲ್ಲೆಗಳಲ್ಲಿ ಜಾರಿಯಾಗಲಿದೆ.

Sponsored

ರಸಗೊಬ್ಬರ ಖರೀದಿ ಪ್ರಕ್ರಿಯೆಯನ್ನು ಸರಳಗೊಳಿಸಲು ಕೇಂದ್ರ ಸರ್ಕಾರದ ‘ಫರ್ಟಿಲೈಸರ್ ಸೇಲ್ ಅಪ್ಲಿಕೇಷನ್
ಸಿಸ್ಟಮ್’ (ಎಫ್ಎಸ್ಎಎಸ್) ಎಂಬ ನೂತನ ವ್ಯವಸ್ಥೆ ಜಾರಿಗೊಳಿಸಿ, ಇದರಲ್ಲಿ ‘ಫ್ರೇಮ್​ ವರ್ಕ್ ಫಾರ್
ಫರ್ಟಿಲೈಸರ್ ಸೇಲ್’ ಆ್ಯಪ್ ಬಿಡುಗಡೆ ಮಾಡಿದೆ.

Advertisement

Advertisement

ಮೊಬೈಲ್​ ಆ್ಯಪ್​ ಮೂಲಕ ಬುಕ್​ ಮಾಡಿದರೆ ಗೊಬ್ಬರ ಕಾಯ್ದಿರಿಸಲಾಗುತ್ತದೆ. ಬಳಿಕ ನಿಗದಿತ ದಿನದಂದು
ರೈತರು ಹತ್ತಿರದ ಗೊಬ್ಬರದ ಅಂಗಡಿಗೆ ಹೋಗಿ ಗೊಬ್ಬರಕೊಳ್ಳಬಹುದು. ಇಲ್ಲಿ ರೈತರು ಕೋರಿದ ಗೊಬ್ಬರ ಅನ್ಯರ
ಪಾಲಾಗುವುದಿಲ್ಲ. ಯೂರಿಯಾ ಮತ್ತಿತರ ಗೊಬ್ಬರಗಳ ದುರ್ಬಳಕೆ, ಕಾಳಸಂತೆ ಮಾರಾಟಕ್ಕೆ ಈ ವ್ಯವಸ್ಥೆ ಕಡಿವಾಣ
ಹಾಕಲಿದೆ.

ರಸಗೊಬ್ಬರ ಕಾಯ್ದಿರಿಸಲು ರೈತರಿಗೆ ಕಾಮನ್ ಸರ್ವಿಸ್ ಸೆಂಟರ್ (ಸಿಎಸ್ಸಿ), ಪ್ರಾಥಮಿಕ ಕೃಷಿ ಪತ್ತಿನ
ಸಹಕಾರ ಸಂಘಗಳು (ಪಿಎಸಿಎಸ್), ಸಹಕಾರ ಸೊಸೈಟಿಗಳು, ರಸಗೊಬ್ಬರ ಅಂಗಡಿಗಳು, ಕೃಷಿ ಸಖಿಯರು ಸಹಾಯ ಮಾಡುತ್ತಾರೆ.
ಆಧಾರ್ ಮೂಲಕ ರಸಗೊಬ್ಬರ ಟ್ರ್ಯಾಕ್ ಮಾಡಲಿದ್ದು ನಿರ್ಧರಿತ ಮಿತಿ ಮೀರಿ ಖರೀದಿ ಮಾಡುವಂತಿಲ್ಲ. ರೈತರು
ಭೂ ದಾಖಲೆಗಳನ್ನು ಹೊಂದಿಲ್ಲದಿದ್ದರೂ ಕೃಷಿ ಮಾಡುವ ಯಾವುದೇ ರೈತ ವಿನಾಯಿತಿ ಮಾರ್ಗದ ಮೂಲಕ ಅರ್ಜಿ 
ಸಲ್ಲಿಸಬಹುದು.

ಗೊಬ್ಬರ ಖರೀದಿ ಪ್ರಕ್ರಿಯೆ ಹೇಗೆ?

ರೈತರು ತಮ್ಮ ಆಂಡ್ರಾಯ್ಡ್ ಮೊಬೈಲ್​ನಲ್ಲಿ ಆ್ಯಪ್ ಡೌನ್ಲೋಡ್ ಮಾಡಬೇಕು.
ಆ್ಯಪ್​ನಲ್ಲಿ ಎಫ್.ಐಡಿ. 
ಅಥವಾ ಆಧಾರ್​ ಸಂಖ್ಯೆ ನಮೂದಿಸಿದರೆ ಹಿಡುವಳಿ ವಿಸ್ತೀರ್ಣ ಮಾಹಿತಿ ಸಿಗಲಿದೆ.ಕೃಷಿ ವಿಶ್ವವಿದ್ಯಾನಿಲಯದ
ಶಿಫಾಸರಿನ ಪ್ರಮಾಣದಂತೆ ಮುಂಗಡವಾಗಿ ಕಾಯ್ದಿರಿಸಬಹುದು.ಆಧಾರ್​ಗೆ ಲಿಂಕ್​ ಆದ ಮೊಬೈಲ್​ ಸಂಖ್ಯೆಗೆ
ಒಟಿಪಿ ಬಂದು 2-3 ದಿನಗಳ ಒಳಗೆ ಗೊಬ್ಬರ ಖರೀದಿಸಬಹುದು.ಬುಕ್ಕಿಂಗ್​ ಬಳಿಕ ಬರುವ ಕ್ಯೂಆರ್​ ಕೋಡ್​
ನ್ನು ಗೊಬ್ಬರದ ಅಂಗಡಿಯವರು ಸ್ಕ್ಯಾನ್​ ಮಾಡಿ ಗೊಬ್ಬರ ನೀಡುತ್ತಾರೆ.ರೈತರು ಖುದ್ದಾಗಿ ಹೋಗಲು ಆಗದಿದ್ದರೆ
ರೈತನ ಪರ ಬೇರೋಬ್ಬ ವ್ಯಕ್ತಿ ಹೋಗಬಹುದು.ಆ ವ್ಯಕ್ತಿ ಆಧಾರ್ ಕಾರ್ಡ್ ಸಲ್ಲಿಸುವುದು ಕಡ್ಡಾಯ.ಯುಪಿಐ
ಮೂಲಕ ಹಣ ಪಾವತಿಸಬಹುದು, ಬಗರ್ ಹುಕುಂ ಸಾಗುವಳಿದಾರರೂ ಗೊಬ್ಬರ ಕಾಯ್ದಿರಿಸಬಹುದು.ಒಬ್ಬರಿಗೆ ಯೂರಿಯಾ
ಗರಿಷ್ಠ 5 ಬ್ಯಾಗ್, ಕಾಂಪ್ಲೆಕ್ಸ್ ಗೊಬ್ಬರ 49 ಬ್ಯಾಗ್ ಒಂದು ಹಂಗಾಮಿಗೆ ಗರಿಷ್ಠ ನೀಡಲು ಅವಕಾಶ.

ಪ್ರತಿ ವಹಿವಾಟು ಡಿಜಿಟಲೀಕರಣ ರೂಪದಲ್ಲಿದ್ದು, ಪಾರದರ್ಶಕತೆ ಮತ್ತು ಮಾರಾಟದ ನಿಖರ ಲೆಕ್ಕ ಸಿಗಲಿದೆ.
ಅರ್ಹ ರೈತರ ಮಾಹಿತಿ ಇರುವುದರಿಂದ ಅನಗತ್ಯ ವಿವಾದಗಳಿಗೆ ಕಡಿವಾಣ ಬೀಳಲಿದೆ.

Advertisement