# Belthangady : ಬೆಳ್ತಂಗಡಿಯಲ್ಲಿ ಜಪ್ತಿ ಮಾಡಿದ 4,175 ಲೀಟರ್ ಅಕ್ರಮ ಡೀಸೆಲ್ ಹರಾಜು-  ₹2.35 ಲಕ್ಷಕ್ಕೆ ಖರೀದಿ

- Link: https://hosakannada.com/latest/4175-litres-of-illegal-diesel-seized-in-belthangady-auctioned-bought-for-2-35-lakh/
- Published: 2026-03-28T00:05:57+00:00
- Author: ಹೊಸಕನ್ನಡ ನ್ಯೂಸ್

Belthangady : ಕೆಲವು ದಿನಗಳ ಹಿಂದೆ ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿಯಲ್ಲಿ ಅಕ್ರಮವಾಗಿ ದಾಸ್ತಾನು
ಮಾಡಿದ್ದ 4,175 ಲೀಟರ್‌ ಡಿಸೇಲ್ ಅನ್ನು ಬೆಳ್ತಂಗಡಿ ಡಿವೈಎಸ್ಪಿ. ರೋಹಿಣಿ ಸಿ.ಕೆ. ನೇತೃತ್ವದ ತಂಡ
ಜಪ್ತಿ ಮಾಡಿತ್ತು. ಇದೀಗ ಈ ಜಪ್ತಿ ಮಾಡಿದ ಡೀಸೆಲ್ ಅನ್ನು ಹರಾಜಿನಲ್ಲಿ ಮಾರಾಟ ಮಾಡಲಾಗಿದೆ.

Sponsored

ಬೆಳ್ತಂಗಡಿ ತಾಲೂಕಿನ ಕಣಿಯೂರು ಗ್ರಾಮದ ಮುದೆಲ್ತಿಯಾರ್ ಪ್ರದೇಶದ ಮನೆಯ ಮನೆಯ ಶೆಡ್‌ನಲ್ಲಿ ಯಾವುದೇ
ಅನುಮತಿ ಪಡೆಯದೆ ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ ಡೀಸೆಲ್ ಅನ್ನು ವಶಪಡಿಸಿಕೊಳ್ಳಲಾಗಿತ್ತು. ಇದೀಗ
ಪ್ರಕರಣಕ್ಕೆ ಸಂಬಂಧಿಸಿದಂತೆ, ಸರ್ಕಾರದ ನಿಯಮಾನುಸಾರ ಕಂದಾಯ ಇಲಾಖೆಯ ಮೇಲ್ವಿಚಾರಣೆಯಲ್ಲಿ ಹರಾಜು 
ಪ್ರಕ್ರಿಯೆ ನಡೆಸಲಾಗಿದ್ದು, ₹2.35 ಲಕ್ಷಕ್ಕೆ ಮಾರಾಟವಾಗಿದೆ.

Advertisement

Advertisement

ಅಂಗಳದಲ್ಲಿ ಪತ್ತೆಯಾದ ಒಟ್ಟು 4,175 ಲೀಟರ್ ಡೀಸೆಲ್ ಅನ್ನು ಮಾರ್ಚ್ 27ರಂದು ಹರಾಜಿಗೆ ಇಡಲಾಗಿದ್ದು,
ಈ ಪ್ರಕ್ರಿಯೆಯಲ್ಲಿ ಏಳು ಮಂದಿ ಭಾಗವಹಿಸಿದ್ದರು. ಹರಾಜಿನಲ್ಲಿ ಪುತ್ತೂರು ತಾಲೂಕಿನ ಹಿರೆಬಂಡಾಡಿ 
ನಿವಾಸಿ ನಾರಾಯಣ ಗೌಡ ಅವರು ಪ್ರತಿ ಲೀಟರ್‌ಗೆ ₹60 ದರ ನೀಡುವ ಮೂಲಕ ಒಟ್ಟು ₹2,35,800 ನೀಡಿ ಡೀಸೆಲ್
ಖರೀದಿಸಿದ್ದಾರೆ. 

ಮಾರ್ಚ್ 9ರ ಮಧ್ಯರಾತ್ರಿ ನಡೆಸಿದ ದಾಳಿಯಲ್ಲಿ 20 ಬ್ಯಾರಲ್‌ಗಳಲ್ಲಿ ತಲಾ 200 ಲೀಟರ್ (ಒಟ್ಟು 4,000
ಲೀಟರ್) ಹಾಗೂ 5 ಕ್ಯಾನ್‌ಗಳಲ್ಲಿ ತಲಾ 35 ಲೀಟರ್ (ಒಟ್ಟು 175 ಲೀಟರ್) ಸೇರಿ ಒಟ್ಟು 4,175 ಲೀಟರ್
ಡೀಸೆಲ್ ಮತ್ತು 5 ಖಾಲಿ ಕ್ಯಾನ್‌ಗಳನ್ನು ವಶಪಡಿಸಿಕೊಳ್ಳಲಾಗಿತ್ತು. ಈ ಇಂಧನದ ಮೌಲ್ಯ ಸುಮಾರು ₹3.50
ಲಕ್ಷ ಎಂದು ಅಂದಾಜಿಸಲಾಗಿದೆ. ಈ ಸಂಬಂಧ ಉಪ್ಪಿನಂಗಡಿ ಪೊಲೀಸ್ ಠಾಣೆಯಲ್ಲಿ ಜಗದೀಶ್ ಹಾಗೂ ಹರೀಶ್ ವಿರುದ್ಧ
ಮಾ.10ರಂದು ಪ್ರಕರಣ ದಾಖಲಾಗಿದ್ದು, BNS ಕಲಂ 287, ಅತ್ಯಾವಶ್ಯಕ ವಸ್ತುಗಳ ಕಾಯ್ದೆ ಕಲಂ 3 ಮತ್ತು
7, ಹಾಗೂ ಪೆಟ್ರೋಲಿಯಂ ಕಾಯ್ದೆ ಕಲಂ 23 ಅಡಿಯಲ್ಲಿ ಕಾನೂನು ಕ್ರಮ ಕೈಗೊಳ್ಳಲಾಗಿದೆ. 

Advertisement