# KPSC : 2017, 19ನೇ ಸಾಲಿನ FDA ನೇಮಕಕ್ಕೆ ಹೆಚ್ಚುವರಿ ಆಯ್ಕೆ ಪಟ್ಟಿ ಪ್ರಕಟ!!!

- Link: https://hosakannada.com/jobs/kpsc-fda-additional-select-list-for-2017-and-2019-recruitment-released/
- Published: 2022-08-20T20:09:58+00:00
- Author: Mallika

2017 ಮತ್ತು 2019 ನೇ ಸಾಲಿನ ಪ್ರಥಮ ದರ್ಜೆ ಸಹಾಯಕರ ನೇಮಕಾತಿಗೆ ಸಂಬಂಧಿಸಿದಂತೆ, ಕರ್ನಾಟಕ ಪಬ್ಲಿಕ್
ಸರ್ವಿಸ್ ಕಮಿಷನ್ ಹೆಚ್ಚುವರಿ ಆಯ್ಕೆಪಟ್ಟಿಗಳನ್ನು ಬಿಡುಗಡೆ ಮಾಡಿದೆ. ಈ ಹುದ್ದೆಗೆ ಅರ್ಜಿ ಸಲ್ಲಿಸಿದ
ಅಭ್ಯರ್ಥಿಗಳು ಹಾಗೂ ನೇಮಕ ಪ್ರಕ್ರಿಯೆಯಲ್ಲಿ ಪಾಲ್ಗೊಂಡ ಅಭ್ಯರ್ಥಿಗಳು ಆಯೋಗದ ಅಧಿಕೃತ ವೆಬ್‌ಸೈಟ್‌ನಲ್ಲಿ
ಚೆಕ್ ಮಾಡಬಹುದು.

Sponsored

2017 ರಲ್ಲಿ ಕರ್ನಾಟಕ ಪಬ್ಲಿಕ್ ಸರ್ವಿಸ್ ಕಮಿಷನ್ ವಿವಿಧ ಇಲಾಖೆಗಳಲ್ಲಿ ಖಾಲಿ ಇದ್ದ 960 (810+150HK)
ಪ್ರಥಮ ದರ್ಜೆ ಸಹಾಯಕ ಹುದ್ದೆಗಳಿಗೆ ಅಧಿಸೂಚನೆಯನ್ನು ಪ್ರಕಟಣೆ ಮಾಡಿಸಿತ್ತು. ಹಾಗೂ ಈ ಹುದ್ದೆಯ ಅಂತಿಮ
ಆಯ್ಕೆ ಪಟ್ಟಿಯನ್ನು 01-06-2020 ರಂದು ಪ್ರಕಟಿಸಲಾಗಿತ್ತು. ಆದರೆ ವಿವಿಧ ನೇಮಕಾತಿ ಪ್ರಾಧಿಕಾರಗಳಿಂದ
ಹೆಚ್ಚುವರಿ ಆಯ್ಕೆಪಟ್ಟಿಗಾಗಿ ಸ್ವೀಕರಿಸಲಾದ ಪ್ರಸ್ತವಾನೆಯ ಕಾಲಾನುಕ್ರಮಣಿಕೆಯಾನುಸಾರ ಉಳಿಕೆ ಮೂಲ
ವೃಂದ ಹಾಗೂ ಹೈದರಾಬಾದ್ ಕರ್ನಾಟಕ ವೃಂದದ ಹುದ್ದೆಗಳಿಗೆ ಒಟ್ಟು 95 ಅಭ್ಯರ್ಥಿಗಳ ಲಿಸ್ಟ್ ಅನ್ನು ಹೆಚ್ಚುವರಿ
ಆಯ್ಕೆಪಟ್ಟಿಯಲ್ಲಿ ಬಿಡುಗಡೆ ಮಾಡಲಾಗಿದೆ.

Advertisement

Advertisement

2019 ರಲ್ಲಿ ಕೆಪಿಎಸ್ ಸಿಯು ಈ ಸಾಲಿನಲ್ಲಿ ವಿವಿಧ ನ್ಯಾಯಾಂಗ ಘಟಕಗಳಲ್ಲಿನ ಒಟ್ಟು 219 ಉಳಿಕೆ ಮೂಲ
ವೃಂದದ ಪ್ರಥಮ ದರ್ಜೆ ಸಹಾಯಕರು ಹುದ್ದೆಗಳಿಗೆ ಅಧಿಸೂಚನೆ ಪ್ರಕಟಣೆ ಹೊರಡಿಸಿತ್ತು. ಹಾಗೂ ಈ ಹುದ್ದೆಗಳಿಗೆ
ದಿನಾಂಕ 01-12-2020 ರಂದು ಅಂತಿಮ ಆಯ್ಕೆಪಟ್ಟಿಯನ್ನು ಕೂಡಾ ಪ್ರಕಟಿಸಲಾಗಿತ್ತು. ಈ ನೇಮಕಾತಿಗೂ ಸಹ
ವಿವಿಧ ನೇಮಕಾತಿ ಪ್ರಾಧಿಕಾರಗಳಿಂದ ಹೆಚ್ಚುವರಿ ಆಯ್ಕೆಪಟ್ಟಿಗಾಗಿ ಸ್ವೀಕರಿಸಲಾದ ಪ್ರಸ್ತವಾನೆಯ ಕಾಲಾನುಕ್ರಮಣಿಕೆಯಾನುಸಾರ
ಉಳಿಕೆ ಮೂಲ ವೃಂದದ 11 ಹುದ್ದೆಗಳಿಗೆ ಹೆಚ್ಚುವರಿ ಆಯ್ಕೆಪಟ್ಟಿಯನ್ನು ಸಿದ್ಧಪಡಿಸಿ ಅಭ್ಯರ್ಥಿಗಳ ಮಾಹಿತಿಗೆ
ಬಿಡುಗಡೆ ಮಾಡಲಾಗಿದೆ. ಆದರೆ ಹೈದರಾಬಾದ್ ಕರ್ನಾಟಕ ವೃಂದದ ಹುದ್ದೆಗಳಿಗೆ ನಿಗದಿತ ಅವಧಿಯಲ್ಲಿ ಯಾವುದೇ
ಪ್ರಸ್ತಾವನೆ ಸ್ವೀಕೃತವಾಗಿರುವುದಿಲ್ಲ ಎಂದು ತಿಳಿಸಲಾಗಿದೆ.

ಹೆಚ್ಚಿನ ಮಾಹಿತಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ.

[fda18-addl](https://hosakannada.com/wp-content/uploads/2022/08/fda18-addl.pdf)[Download](https://hosakannada.com/wp-content/uploads/2022/08/fda18-addl.pdf)

[fda17-addl](https://hosakannada.com/wp-content/uploads/2022/08/fda17-addl.pdf)[Download](https://hosakannada.com/wp-content/uploads/2022/08/fda17-addl.pdf)

Advertisement