# Requirement: ಒಳ ಮೀಸಲಾತಿ ಜಾರಿ- 30 ದಿನದಲ್ಲಿ 56,432 ಹುದ್ದೆ ನೇಮಕಾತಿ ಪ್ರಕ್ರಿಯೆಗೆ ಸರ್ಕಾರ ಚಾಲನೆ

- Link: https://hosakannada.com/jobs/implementation-of-internal-reservation-government-launches-recruitment-process-for-56432-posts-in-30-days/
- Published: 2026-02-27T07:49:27+00:00
- Author: ಹೊಸಕನ್ನಡ ನ್ಯೂಸ್

Requirement : ಸರ್ಕಾರವು ಉಭಯ ಸದನಗಳಲ್ಲಿ ಅಂಗೀಕರಿಸಿದ್ದ ‘ಕರ್ನಾಟಕ ದ್ವೇಷ ಭಾಷಣ ಮತ್ತು ದ್ವೇಷ
ಅಪರಾಧಗಳ (ತಡೆ)ವಿಧೇಯಕ’ಕ್ಕೆ ರಾಜ್ಯಪಾಲ ಥಾವರ್‌ ಚಂದ್ ಗೆಹ್ಲೋಟ್ ಅಂಕಿತ ಹಾಕಿದ್ದಾರೆ. ಈ ಬೆನ್ನಲ್ಲೇ
ಸರ್ಕಾರ 56, 432 ಹುದ್ದೆಗಳಿಗೆ  ನೇಮಕಾತಿ ಪ್ರಕ್ರಿಯೆ ಆರಂಭಿಸಿದೆ.

Sponsored

ಯಸ್, ಮೀಸಲಾತಿ ಪ್ರಮಾಣ ಹೆಚ್ಚಳ ಹಾಗೂ ಒಳ ಮೀಸಲಾತಿ ತಿಕ್ಕಾಟದ ಹಿನ್ನೆಲೆ ನೇಮಕಾತಿ ವಿಳಂಬವಾಗುತ್ತಿರುವ
ಬಗ್ಗೆ ಉದ್ಯೋಗಾಕಾಂಕ್ಷಿಗಳು ಹೋರಾಟ ತೀವ್ರಗೊಳಿಸಿರುವ ಹಿನ್ನೆಲೆಯಲ್ಲಿ ಗುರುವಾರ ಮುಖ್ಯಮಂತ್ರಿ ಸಿದ್ದರಾಮಯ್ಯ
ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಂಪುಟ ಸಭೆಯಲ್ಲಿ ಸುದೀರ್ಘ ಚರ್ಚೆ ನಡೆಸಲಾಗಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ
ಅಧ್ಯಕ್ಷತೆಯಲ್ಲಿ ಗುರುವಾರ ನಡೆದ ಸಚಿವ ಸಂಪುಟ ಸಭೆಯಲ್ಲಿ ರಾಜ್ಯದಲ್ಲಿ 2022ರಲ್ಲಿ ಹೆಚ್ಚಳ ಮಾಡಿದ
ಶೇಕಡ 56ರ ಬದಲು ಶೇಕಡ 50ರಷ್ಟು ಮೀಸಲಾತಿ ಮಿತಿ ಮತ್ತು ರೋಸ್ಟರ್ ಬಿಂದು ಅನ್ವಯ 56432 ಹುದ್ದೆಗಳಿಗೆ
30 ದಿನದೊಳಗೆ ನೇಮಕಾತಿ ಪ್ರಕ್ರಿಯೆಗೆ ಚಾಲನೆ ನೀಡಲು ಮಹತ್ವದ ತೀರ್ಮಾನ ಕೈಗೊಳ್ಳಲಾಗಿದೆ.

Advertisement

Advertisement

ಸಂಪುಟ ಸಭೆಯ ಬಳಿಕ ಕಾನೂನು ಸಚಿವ ಹೆಚ್.ಕೆ. ಪಾಟೀಲ್ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿ, ಆರ್ಥಿಕ
ಇಲಾಖೆ ಸೇರಿದಂತೆ ಸಂಬಂಧಿಸಿದ ಇಲಾಖೆಗಳು ಒಂದು ತಿಂಗಳೊಳಗೆ ಪ್ರಕ್ರಿಯೆ ನಡೆಸಬೇಕು. 2022ಕ್ಕೆ ಮೊದಲು
ಜಾರಿಯಲ್ಲಿದ್ದ ಶೇಕಡ 50ರಷ್ಟು ಮೀಸಲಾತಿ ಮಿತಿ ಮತ್ತು ರೋಸ್ಟರ್ ಬಿಂದು ಅನ್ವಯ 56,432 ಹುದ್ದೆಗಳ
ನೇಮಕಾತಿಗೆ ತೀರ್ಮಾನ ಕೈಗೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.

**ಸಚಿವ ಸಂಪುಟ ಸಭೆಯ ಮುಖ್ಯಾಂಶಗಳು:**

**ನೇಮಕಾತಿ ಪ್ರಕ್ರಿಯೆ ಆರಂಭ:** ಮುಂದಿನ ಒಂದು ತಿಂಗಳ ಒಳಗಾಗಿ ಈ ಹುದ್ದೆಗಳ ನೇಮಕಾತಿ ಪ್ರಕ್ರಿಯೆಗೆ
ಚಾಲನೆ ನೀಡಲು ಸರ್ಕಾರ ಆದೇಶಿಸಿದೆ.

**ಮೀಸಲಾತಿ ಗೊಂದಲಕ್ಕೆ ತೆರೆ:** ಸದ್ಯಕ್ಕೆ ಶೇ. 56ರಷ್ಟು ಮೀಸಲಾತಿಗೆ ಹೈಕೋರ್ಟ್ ತಡೆಯಾಜ್ಞೆ ನೀಡಿರುವ
ಹಿನ್ನೆಲೆಯಲ್ಲಿ, ಹಳೆಯ ಶೇ. 50ರ ಮೀಸಲಾತಿ ನಿಯಮದಂತೆಯೇ (ಎಸ್.ಸಿ ಶೇ. 15 ಹಾಗೂ ಎಸ್.ಟಿ ಶೇ. 3)
ಈ ನೇಮಕಾತಿ ನಡೆಯಲಿದೆ.

**371 ಜೆ ವಿಶೇಷ ಸೌಲಭ್ಯ:** ಒಟ್ಟು ಹುದ್ದೆಗಳಲ್ಲಿ ಹೈದರಾಬಾದ್-ಕರ್ನಾಟಕ (ಕಲ್ಯಾಣ ಕರ್ನಾಟಕ) ಭಾಗದ
ಅಭ್ಯರ್ಥಿಗಳಿಗೆ ಮೀಸಲಾದ 371 ಜೆ ಅಡಿಯಲ್ಲಿ 32,132 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದೆ.

**ಇಲಾಖಾವಾರು ವಿವರ:** ಕೆಪಿಎಸ್ಸಿ ಮತ್ತು ಕೆಇಎ ಮೂಲಕ 4,409 ಹುದ್ದೆಗಳು ಹಾಗೂ ಹಣಕಾಸು ಇಲಾಖೆ 
ಅನುಮೋದನೆ ನೀಡಿರುವ ಹೊಸ 24,300 ಹುದ್ದೆಗಳು ಸೇರಿ ಒಟ್ಟು 56,432 ಹುದ್ದೆಗಳಿಗೆ ಹಸಿರು ನಿಶಾನೆ
ಸಿಕ್ಕಿದೆ.

Advertisement