# ‘ಗ್ರಾಮ ಒನ್’ ಕೇಂದ್ರ ತೆರೆಯಲು ಆಸಕ್ತ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನ

- Link: https://hosakannada.com/jobs/gram-one-kendra-job-vacancy/
- Published: 2022-06-21T14:17:46+00:00
- Author: ಹೊಸಕನ್ನಡ ನ್ಯೂಸ್

‘ಗ್ರಾಮ ಒನ್’ ಎಂಬುದು ಸೇವಾಸಿಂಧು ಯೋಜನೆ ಅಡಿಯಲ್ಲಿ ರೂಪಿಸಿರುವ ಮಹತ್ವಾಕಾಂಕ್ಷೆ ಯೋಜನೆಯಾಗಿದ್ದು,
ಸರ್ಕಾರದ ಸೇವೆಗಳನ್ನು ಮನೆಬಾಗಿಲಿಗೆ ತಲುಪಿಸುವುದು ಈ ಯೋಜನೆಯ ಮುಖ್ಯ ಉದ್ದೇಶವಾಗಿದೆ. ಇದೀಗ ಬೆಂಗಳೂರು
ಗ್ರಾಮಾಂತರ ಜಿಲ್ಲೆಯ 101 ಗ್ರಾಮ ಪಂಚಾಯಿತಿಗಳ ಪೈಕಿ 67 ಗ್ರಾಮ ಪಂಚಾಯಿತಿಗಳಿಗೆ ಗ್ರಾಮ ಒನ್ ಫ್ರಾಂಚೈಸಿಗಳನ್ನು
ಆಯ್ಕೆ ಮಾಡಲಾಗಿದ್ದು, ಬಾಕಿ ಉಳಿದ 34 ಗ್ರಾಮ ಪಂಚಾಯಿತಿಗಳಿಗೆ ಫ್ರಾಂಚೈಸಿಗಳನ್ನು ಆಯ್ಕೆ ಮಾಡಲು,
ಗ್ರಾಮ ಒನ್ ಕೇಂದ್ರ ತೆರೆಯಲು ಆಸಕ್ತ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ.

Sponsored

ಈ ಯೋಜನೆ ಅಡಿಯಲ್ಲಿ 750ಕ್ಕೂ ಹೆಚ್ಚು ನಾಗರೀಕ ಸೇವೆಗಳನ್ನು ಪಡೆಯಲು ಅರ್ಜಿಗಳನ್ನು ಸ್ವೀಕರಿಸಲಾಗುವುದು.
ಅದೇ ರೀತಿ ಸಕಾಲ, ಮಾಹಿತಿ ಹಕ್ಕು ಅಧಿನಿಯಮ, ಬ್ಯಾಂಕಿಂಗ್ ಸೇವೆಗಳು ಹಾಗೂ ಸಾರ್ವಜನಿಕರ ಕುಂದುಕೊರತೆ
ನಿವಾರಣೆ ಕೋರಿ ಅರ್ಜಿಗಳನ್ನು ಸ್ವೀಕರಿಸಲಾಗುವುದು. ವಾರದ ಎಲ್ಲಾ ಏಳು ದಿನಗಳಲ್ಲಿ ಗ್ರಾಮ ಒನ್ ಕೇಂದ್ರಗಳು
ಬೆಳಿಗ್ಗೆ 8.00 ಗಂಟೆಯಿಂದ ರಾತ್ರಿ 8.00 ಗಂಟೆಯವರೆಗೂ ಕಾರ್ಯನಿರ್ವಹಿಸಲಿವೆ.

Advertisement

Advertisement

ದೇವನಹಳ್ಳಿ ತಾಲ್ಲೂಕಿನ ಗಂಗವಾರಚೌಡಪ್ಪನಹಳ್ಳಿ, ಕೊಯಿರಾ, ಯಲಿಯೂರು, ವಿಶ್ವನಾಥಪುರ, ಬೆಟ್ಟಕೋಟೆ,
ಬಿಜ್ಜವಾರ, ಚನ್ನಹಳ್ಳಿ, ದೊಡ್ಡಬಳ್ಳಾಪುರ ತಾಲ್ಲೂಕಿನ ಸಕ್ಕರೆಗೊಲ್ಲಹಳ್ಳಿ, ಮೇಲಿನ ಜೋಗನಹಳ್ಳಿ(ಎಸ್.
ಎಸ್.ಘಾಟಿ), ಕನಸವಾಡಿ, ಹಣಬೆ, ಹೊಸಕೋಟೆ ತಾಲ್ಲೂಕಿನ ಲಕ್ಕೊಂಡಹಳ್ಳಿ, ದೊಡ್ಡನಲ್ಲಾಲ, ಖಾಜಿಹೊಸಹಳ್ಳಿ,
ಕಂಬಳಿಪುರ, ಗಿಡ್ಡಪ್ಪನಹಳ್ಳಿ, ತಾವರೆಕೆರೆ, ಕಲ್ಕುಂಟೆ ಅಗ್ರಹಾರ, ಓರೋಹಳ್ಳಿ, ಇಟ್ಟಸಂದ್ರ, ಚೊಕ್ಕಹಳ್ಳಿ,
ಗಣಗಲೂರು ಹಾಗೂ ನೆಲಮಂಗಲ ತಾಲ್ಲೂಕಿನ ಶಿವಗಂಗೆ, ಟಿ.ಬೇಗೂರು, ಸೋಲದೇವನಹಳ್ಳಿ, ಅಗಲಗುಪ್ಪೆ, ಗೊಲ್ಲಹಳ್ಳಿ,
ಬೂದಿಹಾಳ್, ಯಂಟಗಾನಹಳ್ಳಿ, ಕೊಡಿಗೆಹಳ್ಳಿ, ಮರಳುಕುಂಟೆ, ದೊಡ್ಡಬೆಲೆ, ಹೊನ್ನೆಹಳ್ಳಿ, ಹಸಿರುವಳ್ಳಿ
ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಗ್ರಾಮ ಒನ್ ಕೇಂದ್ರಗಳನ್ನು ತೆರೆಯಬಹುದಾಗಿದೆ.

ಆಸಕ್ತಿವುಳ್ಳ ಅಭ್ಯರ್ಥಿಗಳು [https://karnatakaone.gov.in](https://karnatakaone.gov.in)
ಅಥವಾ [sevasindhu.karnataka.gov.in](http://sevasindhu.karnataka.gov.in) ಜಾಲತಾಣಕ್ಕೆ
ಭೇಟಿ ನೀಡಿ, ಆನ್‌ಲೈನ್ ಮುಖಾಂತರ ಅರ್ಜಿಯನ್ನು 2022ರ ಜುಲೈ 05 ರೊಳಗೆ ಸಲ್ಲಿಸುವುದು.

ಹೆಚ್ಚಿನ ಮಾಹಿತಿಗಾಗಿ, ಸಹಾಯವಾಣಿ: [7829274377](https://hosakannada.com/jobs/gram-one-kendra-job-vacancy/7829274377),
[9743669741](https://hosakannada.com/jobs/gram-one-kendra-job-vacancy/9743669741),
[9686579224](https://hosakannada.com/jobs/gram-one-kendra-job-vacancy/9686579224),
ಇಮೇಲ್: [onehelpdesk@karnataka.gov.in](https://hosakannada.com/jobs/gram-one-kendra-job-vacancy/onehelpdesk@karnataka.gov.in)
ಅಥವಾ ಬೆಂಗಳೂರು ಗ್ರಾಮಾಂತರ ಜಿಲ್ಲಾಧಿಕಾರಿ ಕಚೇರಿಯ ಸೇವಾ ಸಿಂಧು ಜಿಲ್ಲಾ ವ್ಯವಸ್ಥಾಪಕರಾದ ದಿವಾಕರ
ರೆಡ್ಡಿ ಮೊ.ಸಂ.: [9844521862](https://hosakannada.com/jobs/gram-one-kendra-job-vacancy/9844521862)
ಅನ್ನು ಸಂಪರ್ಕಿಸಬಹುದಾಗಿದೆ ಎಂದು ಬೆಂಗಳೂರು ಗ್ರಾಮಾಂತರ ಜಿಲ್ಲಾಧಿಕಾರಿ ಕೆ.ಶ್ರೀನಿವಾಸ್ ಅವರು 
ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Advertisement