# US: ಇರಾನ್ ವಿರುದ್ಧ ಹೋರಾಟ – ಅಮೆರಿಕ ಜೊತೆ ಮುಸ್ಲಿಂ ರಾಷ್ಟ್ರಗಳು ಕೈಜೋಡಿಸಿದ್ದೇಕೆ?

- Link: https://hosakannada.com/international/us-fight-against-iran-why-did-muslim-countries-join-hands-with-america/
- Published: 2026-03-02T14:08:26+00:00
- Author: ಹೊಸಕನ್ನಡ ನ್ಯೂಸ್

US: ಅಮೆರಿಕ ಮತ್ತು ಇಸ್ರೇಲ್ ಜಂಟಿಯಾಗಿ ಸೇರಿಕೊಂಡು ಇರಾನ್ ಮೇಲೆ ತೀವ್ರ ದಾಳಿ ನಡೆಸಿ ಅಲ್ಲಿನ ಸರ್ವೋಚ್ಛ
ನಾಯಕ ಸೇರಿದಂತೆ 48ಕ್ಕೂ ಅಧಿಕಾರಿಗಳನ್ನು ಹತ್ಯೆ ಮಾಡಲಾಗಿದೆ. ಈ ಹೋರಾಟದಲ್ಲಿ ಹಲವು ಮುಸ್ಲಿಂ ರಾಷ್ಟ್ರಗಳು
ಅಮೆರಿಕ ಜೊತೆ ಕೈಜೋಡಿಸಿವೆ ಎಂಬುದು ಬಲು ಆಶ್ಚರ್ಯದ ವಿಚಾರ. ಹಾಗಿದ್ದರೆ ಮುಸ್ಲಿಂ ರಾಷ್ಟ್ರಗಳು ಅಮೆರಿಕ
ಜೊತೆ ಕೈಜೋಡಿಸಿದ್ದಕ್ಕೆ? ಇರಾನ್ ವಿರುದ್ಧ ಅವುಗಳಿಗೆ ಇರುವ ಭೀತಿ ಆದರೂ ಏನು?

Sponsored

ಯಸ್, ಸೌದಿ ಅರೇಬಿಯಾ, ಯುಎಇ, ಕುವೈತ್‌, ಬಹರೇನ್‌, ಜೋರ್ಡಾನ್‌ ಮುಸ್ಲಿಂ ದೇಶಗಳು ಇರಾನ್ ವಿರುದ್ಧ
ಹೋರಾಡಲು ಅಮೆರಿಕಕ್ಕೆ ಸಹಕಾರ ನೀಡಿದೆ. ಮುಖ್ಯವಾಗಿ ಮುಸ್ಲಿಮ್‌ ದೇಶಗಳು ರಾಜಕೀಯ, ಭದ್ರತೆ ಮತ್ತು
ಪ್ರಾದೇಶಿಕ ಸ್ಪರ್ಧೆ ಈ ಮೂರು ಕಾರಣಗಳಿಗೆ ಅಮೆರಿಕಕ್ಕೆ ಬೆಂಬಲ ನೀಡುತ್ತಿವೆ. 

Advertisement

Advertisement

_**ಸಹಕಾರಕ್ಕೆ ಕಾರಣ?**_

ಇರಾನ್ ಒಂದು ಶಿಯಾ ಪ್ರಾಬಲ್ಯದ ದೇಶ. ಆದರೆ ಸೌದಿ ಅರೇಬಿಯಾ, ಕತಾರ್, ಯುನೈಟೆಡ್ ಅರಬ್ ಎಮಿರೇಟ್ಸ್,
ಕುವೈತ್ ಮತ್ತು ಬಹರೇನ್‌ ದೇಶಗಳು ಸುನ್ನಿ ಪ್ರಾಬಲ್ಯದ ರಾಷ್ಟ್ರಗಳು. ಸೌದಿ ಅರೇಬಿಯಾ ಮತ್ತು ಯುನೈಟೆಡ್‌
ಅರಬ್‌ ಎಮಿರೇಟ್ಸ್‌ ಇರಾನ್‌ನ ಪ್ರಭಾವವನ್ನು ತಮ್ಮ ಭದ್ರತೆಗೆ ಅಪಾಯವೆಂದು ನೋಡುತ್ತವೆ. ಯೆಮನ್, ಸಿರಿಯಾ,
ಇರಾಕ್, ಲೆಬನಾನ್ ಪ್ರದೇಶಗಳಲ್ಲಿ ಇರಾನ್ ಬೆಂಬಲಿತ ಗುಂಪುಗಳು ಪ್ರಭಲವಾದರೆ ತಮಗೆ ಅಪಾಯ ಕಟ್ಟಿಟ್ಟ
ಬುತ್ತಿ ಎನ್ನುವುದು ಸುನ್ನಿ ದೇಶಗಳಿಗೆ ತಿಳಿದಿದೆ.

_**ಅಮೆರಿಕದ ಜೊತೆಗಿನ ಅವಲಂಬನೆ**_

ಮಧ್ಯಪ್ರಾಚ್ಯ ದೇಶಗಳಿಗೆ ಕಚ್ಚಾ ತೈಲವೇ ಆದಾಯದ ಮೂಲ. ಈ ರಾಷ್ಟ್ರಗಳ ಆರ್ಥಿಕತೆ ಪಶ್ಚಿಮ ದೇಶಗಳೊಂದಿಗೆ
ವ್ಯಾಪಾರ, ತೈಲ ಮಾರಾಟ, ಹೂಡಿಕೆಗಳ ಮೇಲೆ ಅವಲಂಬಿತವಾಗಿದೆ. ಅಮೆರಿಕ ವಿರುದ್ಧ ನಿಲುವು ತಾಳುವುದರಿಂದ
ಆರ್ಥಿಕ ಪರಿಣಾಮ ಉಂಟಾಗುವ ಸಾಧ್ಯತೆಯಿದೆ. 

**_ಪ್ರವಾಸೋದ್ಯಮ_**

ಮುಖ್ಯವಾಗಿ ಯುಎಇ, ಸೌದಿ ಅರೇಬಿಯಾ, ಕತಾರ್‌, ಕುವೈತ್‌ಗಳು ಮುಸ್ಲಿಂ ದೇಶಗಳಾಗಿದ್ದರೂ ಅನಿವಾಸಿ ಪ್ರಜೆಗಳು
ಭಾರೀ ಸಂಖ್ಯೆಯಲ್ಲಿ ನೆಲೆಸಿದ್ದಾರೆ. ಈ ದೇಶಗಳಿಗೆ ಕಚ್ಚಾ ತೈಲದಂತೆ ಪ್ರವಾಸೋದ್ಯಮವೂ ಆದಾಯದ ಭಾಗ.
ಹೀಗಾಗಿ ಅತಿಯಾದ ಧಾರ್ಮಿಕತೆಗೆ ಈ ದೇಶಗಳು ಪ್ರೋತ್ಸಾಹ ನೀಡುವುದಿಲ್ಲ. ಧಾರ್ಮಿಕ ಗುರುಗಳು ಆಡಳಿತದಲ್ಲಿ
ಕೈ ಹಾಕುವುದಿಲ್ಲ. ಆದರೆ ಇರಾನ್‌ ಅತಿಯಾದ ಧಾರ್ಮಿಕತೆಯನ್ನು ಪಾಲಿಸುತ್ತಿದೆ. 

**_ಅಣ್ವಸ್ತ್ರದತ್ತ ಇರಾನ್‌_**

ಇತ್ತೀಚಿನ ವರ್ಷಗಳಲ್ಲಿ ಇರಾನ್‌ ಆರ್ಥಿಕತೆ ಕುಸಿಯುತ್ತಿದ್ದರೂ ರಕ್ಷಣಾ ಬಜೆಟ್‌ ಭಾರೀ ಪ್ರಮಾಣದಲ್ಲಿ
ಏರಿಕೆ ಆಗುತ್ತಿದೆ. ಹಾಗೆ ನೋಡಿದರೆ ಮಧ್ಯಪ್ರಾಚ್ಯದಲ್ಲಿರುವ ದೇಶಗಳು ರಕ್ಷಣೆಗೆ ಹಣವನ್ನು ಜಾಸ್ತಿ
ಮೀಸಲಿಡುವುದಿಲ್ಲ. ಇರಾನ್‌ ಶಸ್ತಾಸ್ತ್ರ ಉತ್ಪಾದನೆಯ ಜೊತೆಗೆ ಅಣ್ವಸ್ತ್ರ ತಯಾರಿಸಲು ಮುಂದಾಗಿದ್ದು
ಮಧ್ಯಪ್ರಾಚ್ಯ ದೇಶಗಳ ಆತಂಕಕ್ಕೆ ಕಾರಣವಾಗಿದೆ.

Advertisement