# Iran: ಇರಾನ್ ನೂತನ ಪರಮೋಚ್ಛ ನಾಯಕನಾಗಿ ಖಮೇನಿ ಪುತ್ರ  ಮೊಜ್ತಬಾ ಖಮೇನಿ ನೇಮಕ!!

- Link: https://hosakannada.com/international/khameneis-son-mojtaba-khamenei-has-been-appointed-as-the-new-supreme-leader-of-iran/
- Published: 2026-03-04T14:28:08+00:00
- Author: ಹೊಸಕನ್ನಡ ನ್ಯೂಸ್

Iran: ಅಮೆರಿಕ- ಇಸ್ರೇಲ್ ನಿರಂತರ ದಾಳಿ ಮಧ್ಯೆಯೂ ಇರಾನ್ ಗೆ ನೂತನ ಪರಮೋಚ್ಛ ನಾಯಕನಾಗಿ , ಖಮೇನಿ
ಅವರ ಮಗ 56 ವರ್ಷದ ಮೊಜ್ತಬಾ ಖಮೇನಿ ಅವರನ್ನು ನೇಮಕ ಮಾಡಲಾಗಿದೆ.

Sponsored

ತಜ್ಞರ ಸಭೆಯು ಆಯತೊಲ್ಲಾ ಅಲಿ ಖಮೇನಿ ಅವರ ಪುತ್ರ ಮೊಜ್ತಬಾ ಖಮೇನಿ ಅವರನ್ನ ಇರಾನ್‌ನ ಹೊಸ ಸರ್ವೋಚ್ಛ
ನಾಯಕನನ್ನಾಗಿ (Irans Supreme Leader) ಆಯ್ಕೆ ಮಾಡಿದೆ ಎಂದು ಇರಾನ್‌ನ ಅಂತಾರಾಷ್ಟ್ರೀಯ ಸುದ್ದಿಸಂಸ್ಥೆಯೊಂದು
ವರದಿ ಮಾಡಿದೆ. ಮೊಜ್ತಬಾ (Mojtaba Khamenei) ಅವರನ್ನ ದೇಶದ ನಿಯಂತ್ರಣ ವಹಿಸಿಕೊಳ್ಳಲು ಆಯ್ಕೆ 
ಮಾಡಲಾಗಿದ್ದು, ದೀರ್ಘಕಾಲದ ನಾಯಕನಾಗಿ ಮುಂದುವರಿಯಲು ಎದುರು ನೋಡುತ್ತಿದ್ದಾರೆ.

Advertisement

Advertisement

**ಮೊಜ್ತಬಾ ಖಮೇನಿ ಯಾರು?**

ಮೊಜ್ತಬಾ ಖಮೇನಿ (56) ಇಸ್ತೇಲ್‌ ದಾಳಿಯಲ್ಲಿ ಹತ್ಯೆಯಾದ ಆಯತೊಲ್ಲಾ ಅಲಿ ಖಮೇನಿ ಅವರ 2ನೇ ಪುತ್ರ.
ದೇಶದ ಆಡಳಿತದ ಮೇಲೆ ಪ್ರಬಲ ಹಿಡಿತ ಹೊಂದಿದ್ದರು. ಆದ್ರೆ ಬಹಳ ಹಿಂದಿನಿಂದಲೂ ಇಸ್ಲಾಮಿಕ್‌ ಗಣರಾಜ್ಯವು
ವಂಶಪಾರಂಪರ್ಯ ಆಡಳಿತವನ್ನ ವಿರೋಧಿತ್ತು. ಅಲ್ಲದೇ ಮೊಜ್ತಬಾ ಥೀಯೋಲಾಜಿಕಲ್​ ಶಾಸ್ತ್ರ ಹೊಂದಿಲ್ಲ ಅನ್ನೋ
ಆರೋಪ ಕೂಡ ಕೇಳಿಬಂದಿತ್ತು. ಆದರೆ, ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC) ಮೊಜ್ತಬಾ
ಅವರನ್ನ ಬೆಂಬಲಿಸಲು ಮತ್ತು ಅವರನ್ನೇ ಹೊಸ ನಾಯಕನ್ನಾಗಿ ಆಯ್ಕೆ ಮಾಡಲು ನಿರ್ಧರಿಸಿದೆ.

1969 ರಲ್ಲಿ ಜನಿಸಿದ ಮೊಜ್ತಬಾ, 1979 ರ ಇಸ್ಲಾಮಿಕ್ ಕ್ರಾಂತಿಯ ಸಂದರ್ಭಕ್ಕೆ ಸಾಕ್ಷಿಯಾಗಿದ್ದರು.
ನಂತರ ಧರ್ಮಗುರುಗಳ ಬಳಿ ಟೆಹ್ರಾನ್ ಹಾಗೂ ಕೋಮ್ ನಲ್ಲಿ ಅಧ್ಯಯನ ಮಾಡಿದರು. ಮೊಜ್ತಬಾ ಅವರು ಮಧ್ಯಮ 
ಶ್ರೇಣಿಯ ಧರ್ಮಗುರುಗಳಾಗಿದ್ದು, ಆಯತೊಲ್ಲಾ ಶ್ರೇಣಿ ಅಲ್ಲದಿದ್ದರೂ, ಇರಾನ್ ಅಧಿಕಾರ ವರ್ಗದಲ್ಲಿ ಅತ್ಯಂತ
ಪ್ರಭಾವಶಾಲಿ ಎಂದು ಪರಿಗಣಿಸಲಾಗಿದೆ. ಇವರಿಗೆ ಮಿಲಿಟರಿ ವ್ಯವಸ್ಥೆಗಳ ನಿರ್ವಹಣೆಯಲ್ಲಿ ಉತ್ತಮ ಹಿಡಿತವಿದೆ
ಎನ್ನಲಾಗಿದೆ.

Advertisement