# ಹೊರ್ಮುಜ್‌ನಲ್ಲಿ ಹಡಗಿನ ಮೇಲೆ ಇರಾನ್‌ ದಾಳಿ -ಓರ್ವ ಭಾರತೀಯ ಬಲಿ, 8 ಮಂದಿಗೆ ಗಾಯ

- Link: https://hosakannada.com/international/iran-attacks-ship-in-hormuz-one-indian-killed-8-injured/
- Published: 2026-07-14T08:07:50+00:00
- Author: ಹೊಸಕನ್ನಡ ನ್ಯೂಸ್

ಹೊರ್ಮುಜ್‌ ಜಲಸಂಧಿಯಲ್ಲಿ ಮತ್ತೆ ಉದ್ವಿಗ್ನತೆ ಹೆಚ್ಚಾಗಿದ್ದು ವಾಣಿಜ್ಯ ಹಡಗುಗಳ ಸಂಚಾರ ಮತ್ತೆ ಅಪಾಯದಲ್ಲಿ
ಸಿಲುಕಿದೆ. ಹೊರ್ಮುಜ್‌ನಲ್ಲಿ ಸಂಚರಿಸುವ ವಾಣಿಜ್ಯ ಹಡಗುಗಳ ಮೇಲೆ ಇರಾನ್‌ ನಡೆಸುತ್ತಿರುವ ದಾಳಿ ಬೆನ್ನಲ್ಲೇ,
ಇದೀಗ UAE ಧ್ವಜ ಹೊತ್ತಿದ್ದ 2 ವಾಣಿಜ್ಯ ಹಡಗುಗಳ ಮೇಲೆ ಇರಾನಿನ ಕ್ರೂಸ್ ಕ್ಷಿಪಣಿಗಳು ದಾಳಿ ನಡೆಸಿದ್ದು,
ಈ ಭೀಕರ ದಾಳಿಗಳಲ್ಲಿ ಓರ್ವ ಭಾರತೀಯ ಪ್ರಜೆ ಸಾವನ್ನಪ್ಪಿದ್ದು, 8 ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

Sponsored

ಈ ಕುರಿತು ಮಂಗಳವಾರ(ಜು.14) ಅಧಿಕೃತವಾಗಿ ಹೇಳಿಕೆ ನೀಡಿರುವ UAE ರಕ್ಷಣಾ ಸಚಿವಾಲಯ “ಹೊರ್ಮುಜ್‌ 
ಜಲಸಂಧಿಯ ದಕ್ಷಿಣ ಭಾಗದಲ್ಲಿನ ಒಮಾನ್‌ ಪ್ರಾದೇಶಿಕ ಜಲಪ್ರದೇಶದ ಬಳಿ UAEಯ ಧ್ವಜ ಹೊತ್ತಿದ್ದ ರಾಷ್ಟ್ರೀಯ
ಟ್ಯಾಂಕರ್‌ಗಳಾದ ಮೊಂಬಾಸಾ ಮತ್ತು ಅಲ್ ಬಹಿಯಾವನ್ನು ಎರಡು ಇರಾನಿನ ಕ್ರೂಸ್ ಕ್ಷಿಪಣಿಗಳು ಗುರಿಯಾಗಿಸಿ
ದಾಳಿ ನಡೆಸಿದ್ದು, ಇದರ ಪರಿಣಾಮವಾಗಿ ಇಬ್ಬರು ಪ್ರಜೆಗಳು ಸಾವನ್ನಪ್ಪಿದ್ದು, ಇದರಲ್ಲಿ ಮೊಂಬಾಸಾದ 
ಓರ್ವ ಸಿಬ್ಬಂದಿ ಹಾಗೂ ಭಾರತೀಯ ಮೂಲದ ಓರ್ವ ಸಿಬ್ಬಂದಿ ಸಾವನ್ನಪ್ಪಿದ್ದು, ಹಡಗಿನಲ್ಲಿದ್ದ 6 ಮಂದಿ
ಭಾರತೀಯರು ಸೇರಿದಂತೆ 2 ಮಂದಿ ಉಕ್ರೇನಿಯನ್‌ ಸಿಬ್ಬಂದಿಗಳು ಸೇರಿ ಒಟ್ಟು 8 ಮಂದಿ ಗಾಯಗೊಂಡಿದ್ದಾರೆ.
ಇವರಲ್ಲಿ ನಾಲ್ವರ ಸ್ಥಿತಿ ಗಂಭೀರವಾಗಿದೆ.” ಎಂದು ತಿಳಿಸಿದೆ.

Advertisement

Advertisement

ಈ ದಾಳಿಯನ್ನು ಅಂತರರಾಷ್ಟ್ರೀಯ ಕಾನೂನಿನ ಸ್ಪಷ್ಟ ಉಲ್ಲಂಘನೆ ಮತ್ತು ಕಡಲ್ಗಳ್ಳತನ ಎಂದು ಯುಎಇ ತೀವ್ರವಾಗಿ
ಖಂಡಿಸಿದೆ. ಜಾಗತಿಕ ಇಂಧನ ಭದ್ರತೆ ಮತ್ತು ಪ್ರಾದೇಶಿಕ ಸ್ಥಿರತೆಗೆ ಧಕ್ಕೆ ತರುವ ಇಂತಹ ಪ್ರಚೋದನಾರಹಿತ
ದಾಳಿಗಳನ್ನು ಇರಾನ್ ತಕ್ಷಣವೇ ನಿಲ್ಲಿಸಬೇಕು ಎಂದು ಒತ್ತಾಯಿಸಿದೆ. ತನ್ನ ದೇಶದ ಭದ್ರತೆ ಮತ್ತು ಹಿತಾಸಕ್ತಿಗಳನ್ನು
ರಕ್ಷಿಸಲು ಸೂಕ್ತ ಕ್ರಮ ಕೈಗೊಳ್ಳುವ ಮತ್ತು ಈ ದಾಳಿಗೆ ಪ್ರತಿಯಾಗಿ ಪ್ರತಿಕ್ರಿಯಿಸುವ ಸಂಪೂರ್ಣ ಹಕ್ಕನ್ನು
ಯುಎಇ ಕಾಯ್ದಿರಿಸಿಕೊಂಡಿದೆ ಎಂದು ತಿಳಿಸಿದೆ.

Advertisement