# US: ಭಾರತದ ಮೇಲಿನ 25% ಸುಂಕ ಹಿಂಪಡೆದ ಅಮೆರಿಕ!!

- Link: https://hosakannada.com/international/america-withdraws-25-tariff-on-india/
- Published: 2026-02-03T10:05:10+00:00
- Author: ಹೊಸಕನ್ನಡ ನ್ಯೂಸ್

US: ರಷ್ಯಾದಿಂದ ಕಚ್ಚಾತೈಲ ಖರೀದಿ ಮಾಡುವ ಮೂಲಕ, ಭಾರತವು ಉಕ್ರೇನ್‌ ಮೇಲಿನ ಯುದ್ಧಕ್ಕೆ ಪರೋಕ್ಷ 
ಧನಸಹಾಯ ಮಾಡುತ್ತಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಭಾರತದ ಮೇಲೆ ದಂಡದ ರೂಪದಲ್ಲಿ
ಶೇ.25ರಷ್ಟು ಹೆಚ್ಚುವರಿ ಸುಂಕವನ್ನೂ ವಿಧಿಸಿದ್ದರು. ಆದರೀಗ ಅಮೆರಿಕವು ಭಾರತದ ಮೇಲಿನ ಸುಂಕವನ್ನು
ಶೇ. 18ಕ್ಕೆ ಇಳಿಕೆ ಮಾಡಿದ್ದು, ರಷ್ಯಾ ತೈಲ ಖರೀದಿಗಾಗಿ ವಿಧಿಸಿದ್ದ ದಂಡದ ರೂಪದ ಶೇ. 25ರಷ್ಟು ಹೆಚ್ಚುವರಿ
ಸುಂಕವನ್ನೂ ರದ್ದುಗೊಳಿಸಿದೆ.

Sponsored

ಈ ಬಗ್ಗೆ ಶ್ವೇತಭವನದ ಹಿರಿಯ ಅಧಿಕಾರಿಯೊಬ್ಬರು “ಭಾರತವು ರಷ್ಯಾದ ತೈಲ ಖರೀದಿಯನ್ನು ಕಡಿಮೆ ಮಾಡಿದ
ನಂತರ ಅಮೆರಿಕವು ಭಾರತದ ಆಮದುಗಳ ಮೇಲಿನ ಶೇ. 25ರಷ್ಟು ಹೆಚ್ಚುವರಿ ಸುಂಕವನ್ನು ಕೈಬಿಡಲಿದೆ” ಎಂದು
ಮಾಹಿತಿ ನೀಡಿದ್ದಾರೆ.

Advertisement

Advertisement

ವ್ಯಾಪಾರ ಒಪ್ಪಂದ:

ವ್ಯಾಪಾರ ಒಪ್ಪಂದ ಕುರಿತು ಟ್ರುತ್‌ ಸೋಷಿಯಲ್‌ ಮೀಡಿಯಾದಲ್ಲಿ ಹೇಳಿಕೆ ನೀಡಿರುವ ಅಧ್ಯಕ್ಷ ಟ್ರಂಪ್‌,‘
ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ಇಂದು ಮುಂಜಾನೆ (ಭಾರತೀಯ ಕಾಲಮಾನ ಸಂಜೆ) ಮಾತುಕತೆ ನಡೆಸಿದೆ.
ಅವರು ನನ್ನ ಅತ್ಯುತ್ತಮ ಸ್ನೇಹಿತರಲ್ಲಿ ಒಬ್ಬರು ಹಾಗೂ ತಮ್ಮ ದೇಶದ ಅತ್ಯಂತ ಪ್ರಭಾವಿ ಮತ್ತು ಗೌರವಾನ್ವಿತ
ನಾಯಕರಾಗಿದ್ದಾರೆ. ನಾವು ವ್ಯಾಪಾರ ಸೇರಿದಂತೆ ಹಲವು ವಿಷಯ ಹಾಗೂ ರಷ್ಯಾ- ಉಕ್ರೇನ್ ಯುದ್ಧ ನಿಲ್ಲಿಸುವ
ಬಗ್ಗೆ ಮಾತುಕತೆ ನಡೆಸಿದೆವು’ ಎಂದು ಹೇಳಿದ್ದಾರೆ.

ಜೊತೆಗೆ ತಕ್ಷಣದಿಂದಲೇ ಜಾರಿಗೆ ಬರುವಂತೆ ಅಮೆರಿಕ ಮತ್ತು ಭಾರತದ ನಡುವೆ ವ್ಯಾಪಾರ ಒಪ್ಪಂದಕ್ಕೆ ಒಪ್ಪಿಗೆ
ಸೂಚಿಸಿದ್ದೇವೆ. ಇದರ ಅನ್ವಯ ಭಾರತದ ಉತ್ಪನ್ನಗಳ ಮೇಲಿನ ಅಮೆರಿಕದ ಪ್ರತಿತೆರಿಗೆಯನ್ನು ಶೇ.25ರಿಂದ
ಶೇ.18ಕ್ಕೆ ಇಳಿಸಲಾಗುವುದು. ಇದೇ ವೇಳೆ ಭಾರತ ಕೂಡಾ ಅಮೆರಿಕದ ಉತ್ಪನ್ನಗಳ ಮೇಲಿನ ತೆರಿಗೆಯನ್ನು ಕಡಿಮೆ
ಮಾಡಲಿದ್ದಾರೆ’ ಎಂದು ಪ್ರಕಟಿಸಿದ್ದಾರೆ.

Advertisement