# Inscription : ಈಜಿಪ್ಟ್ ನಲ್ಲಿ ಸಂಸ್ಕೃತ, ಪ್ರಾಕೃತ, ತಮಿಳು ಭಾಷೆಗಳ 30 ಶಾಸನಗಳು ಪತ್ತೆ

- Link: https://hosakannada.com/international/30-inscriptions-in-sanskrit-prakrit-tamil-discovered-in-egypt/
- Published: 2026-02-15T18:10:57+00:00
- Author: ಹೊಸಕನ್ನಡ ನ್ಯೂಸ್

Inscription :ಪಿರಮಿಡ್ ಗಳ ನಾಡು ಎಂದೇ ಖ್ಯಾತಿಯಾಗಿರುವ ಈಜಿಪ್ಟ್ ನಲ್ಲಿ ಭಾರತೀಯ ಶಾಸನಗಳು ಪತ್ತೆಯಾಗಿದ್ದು,
ಶಾಸನಕಾರರು ಸಂಸ್ಕೃತ ಮತ್ತು ತಮಿಳು ಲಿಪಿಗಳನ್ನು ಗುರುತಿಸಿದ್ದಾರೆ.

Sponsored

ಭಾರತೀಯರು ಒಂದು ಕಾಲದಲ್ಲಿ ಪ್ರಪಂಚಾದದ್ಯಂತ ಸಂಪರ್ಕವನ್ನು ಹೊಂದಿದ್ದರು ಎಂದು ಹೇಳಲಾಗುತ್ತದೆ. ಇದಕ್ಕೆ
ಪುಷ್ಠಿ ಎಂಬಂತೆ ಇತ್ತೀಚೆಗೆ, ಪ್ರಾಚೀನ ಈಜಿಪ್ಟ್​ನಲ್ಲಿ ಭಾರತೀಯ ಭಾಷೆಗಳಲ್ಲಿ ಬರೆಯಲಾದ ಸುಮಾರು 
30 ಶಾಸನಗಳು (Inscriptions) ದೊರೆತಿದ್ದು ಇವು ಸುಮಾರು 2,000 ವರ್ಷಗಳಷ್ಟು ಪುರಾತನವಾಗಿವೆ ಎಂದು
ಹೇಳಲಾಗುತ್ತಿದೆ.

Advertisement

Advertisement

ಫೇರೋಗಳ ಸಮಾಧಿಗಳಿಗೆ ಹೆಸರುವಾಸಿಯಾದ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾದ ಈಜಿಪ್ಟ್‌ನ ರಾಜರ ಕಣಿವೆಯ
ಶಿಲಾ ಕೆತ್ತನೆಯ ಸಮಾಧಿಗಳ ಒಳಗೆ ಸುಮಾರು 30 ಶಾಸನಗಳನ್ನು ದಾಖಲಿಸಲಾಗಿದೆ. ಇವುಗಳಲ್ಲಿ, 20 ತಮಿಳು(
ತಮಿಳು-ಬ್ರಾಹ್ಮಿ) ಭಾಷೆಯಲ್ಲಿದ್ದರೆ, ಉಳಿದ 10 ಸಂಸ್ಕೃತ ಮತ್ತು ಪ್ರಾಕೃತ ಭಾಷೆಯಲ್ಲಿವೆ. ಶಾಸನಗಳು
ಕ್ರಿ.ಶ. 1 ಮತ್ತು 3 ನೇ ಶತಮಾನಕ್ಕೆ ಸಂಬಂಧಿಸಿದೆ ಎಂದು ಹೇಳಲಾಗುತ್ತಿದೆ. ಇದು ಭಾರತ ಮತ್ತು ಈಜಿಪ್ಟ್
ನಡುವಿನ ಸಮುದ್ರ ವ್ಯಾಪಾರ ನಡೆದಿತ್ತು ಎನ್ನುವುದಕ್ಕೆ ದೊರೆತ ಪುರಾವೆಯಾಗಿದೆ. ಈ ಅವಧಿಯಲ್ಲಿ ಭಾರತೀಯ
ಉಪಖಂಡದ ವಿವಿಧ ಭಾಗಗಳಿಂದ ಜನರು ಮಸಾಲೆಗಳು ಮತ್ತು ಇತರ ಅಮೂಲ್ಯ ವಸ್ತುಗಳ ವ್ಯಾಪಾರಕ್ಕಾಗಿ ಈಜಿಪ್ಟ್‌ಗೆ
ಪ್ರಯಾಣಿಸುತ್ತಿದ್ದರು ಎನ್ನುವುದನ್ನು ಇದು ಸೂಚಿಸುತ್ತದೆ.

ಸ್ವಿಟ್ಜರ್‌ಲ್ಯಾಂಡ್‌ನ ಲೌಸನ್ನೆಯಲ್ಲಿರುವ ಸ್ಲಾವಿಕ್ ಮತ್ತು ದಕ್ಷಿಣ ಏಷ್ಯಾ ಅಧ್ಯಯನ ವಿಭಾಗದ (SLAS)
ಪ್ರೊಫೆಸರ್ ಇಂಗೋ ಸ್ಟ್ರಾಚ್ ಮತ್ತು ಫ್ರಾನ್ಸ್‌ನ ಪ್ಯಾರಿಸ್‌ನ ಪ್ರೊಫೆಸರ್ ಷಾರ್ಲೆಟ್ ಸ್ಕ್ಮಿಡ್ 
ಅವರು ಈ ಸಂಶೋಧನೆಗಳನ್ನು ಬಹಿರಂಗಪಡಿಸಿದ್ದಾರೆ. ವರದಿಗಳ ಪ್ರಕಾರ, ತಮಿಳುನಾಡು ರಾಜ್ಯ ಪುರಾತತ್ವ 
ಇಲಾಖೆ (TNSDA) ಆಯೋಜಿಸಿದ್ದ ತಮಿಳು ಶಿಲಾಶಾಸನದ ಅಂತರರಾಷ್ಟ್ರೀಯ ಸಮ್ಮೇಳನದಲ್ಲಿ ಈ ಘೋಷಣೆ ಮಾಡಲಾಗಿದೆ.

Advertisement