# ಕೋಟಿ ಕೊಟ್ಟು 36 ‘ಐಫೋನ್ 18 ಪ್ರೊ’ ಕೊಂಡ ಇಬ್ಬರು ಯುವಕರು

- Link: https://hosakannada.com/interesting/young-men-spent-crores-to-buy-36-iphone-18-pro-units/
- Published: 2026-09-19T17:40:36+00:00
- Author: ಹೊಸಕನ್ನಡ ನ್ಯೂಸ್

ದೇಶದ ವಿವಿಧ ಮಾರುಕಟ್ಟೆಗಳಿಗೆ ಇದೀಗ ಐಫೋನ್ 18 ಪ್ರೊ ಲಗ್ಗೆ ಇಟ್ಟಿದೆ. ಅಂಗಡಿಗಳ ಮುಂದೆ ಜನರು ಕಿಲೋ
ಮೀಟರ್ ಗಂಟಲೆ ಕ್ಯೂ ನಿಂತು ಕಾಯುತ್ತಾ ಐಫೋನ್ ಗಳನ್ನು ಕೊಳ್ಳುತ್ತಿದ್ದಾರೆ. ಇದರ ನಡುವೆ ಇಬ್ಬರು 
ಯುವಕರು ಬರೋಬ್ಬರಿ ಒಂದು ಕೋಟಿ ರೂಪಾಯಿ ಖರ್ಚು ಮಾಡಿ ಸುಮಾರು 36 ಐಫೋನ್ ಗಳನ್ನು ಕೊಳ್ಳುವುದರ ಮೂಲಕ
ಎಲ್ಲರನ್ನು ಬೆರಗಾಗಿಸಿದ್ದಾರೆ.

Sponsored

ಹೌದು, ದುಬೈ ನಿವಾಸಿಗಳಾದ ರೈಹಾನ್ ಮತ್ತು ಮುಹಮ್ಮದ್ ಶಬೀಬ್ ಎಂಬಿಬ್ಬರು ಯುವಕರು ಒಂದೇ ದಿನ ಬರೋಬ್ಬರಿ
1 ಕೋಟಿ ರೂಪಾಯಿ ಮೌಲ್ಯದ 36 ಫೋನ್‌ಗಳನ್ನು ಖರೀದಿಸಿ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ.

Advertisement

Advertisement

ಹೊಸ ಫೋನ್ ಪಡೆಯಲು ಇವರು ದುಬೈ ಮಾಲ್‌ನ ವಾಹನ ನಿಲುಗಡೆ ಆವರಣದಲ್ಲೇ ಇಡೀ ರಾತ್ರಿ ಕಳೆದು ಮುಂಜಾನೆ
ಆಪಲ್ ಮಳಿಗೆಯ ಬಾಗಿಲು ತಟ್ಟಿದ್ದಾರೆ. ಇವರು ಮಳಿಗೆಯ ಸಮೀಪದಲ್ಲೇ ವಾಸವಿದ್ದರೂ, ಮನೆಯಲ್ಲಿ ಮಲಗಿದರೆ
ಬೆಳಿಗ್ಗೆ ತಡವಾಗಿ ಎದ್ದು ನಿಗದಿತ ಸಮಯ ತಪ್ಪಿಹೋಗಬಹುದು ಎಂಬ ಆತಂಕದಿಂದ ರಾತ್ರಿಯೇ ಮಾಲ್ ಆವರಣಕ್ಕೆ
ಬಂದು ತಂಗಿದ್ದರು. ಬೆಳಿಗ್ಗೆ 6 ಗಂಟೆಗೆ ಮಳಿಗೆ ತೆರೆಯುತ್ತಿದ್ದಂತೆ ಇವರು ಮೊದಲ ಸಾಲಿನಲ್ಲಿ ನಿಂತು
ಫೋನ್‌ಗಳನ್ನು ಪಡೆದುಕೊಂಡಿದ್ದಾರೆ.

ಅಂದಹಾಗೆ ಭಾರತದಲ್ಲಿರುವ ತಮ್ಮ ಆಪ್ತ ಸ್ನೇಹಿತರು ಹಾಗೂ ಗ್ರಾಹಕರಿಗಾಗಿ ತಾವು ಇಷ್ಟೊಂದು ದೊಡ್ಡ ಪ್ರಮಾಣದಲ್ಲಿ
ಫೋನ್‌ಗಳನ್ನು ಖರೀದಿಸುತ್ತಿರುವುದಾಗಿ ಅವರು ತಿಳಿಸಿದ್ದಾರೆ. ಮೊದಲ ದಿನವೇ ಸುಮಾರು 400,000 ದಿರ್ಹಮ್
ಅಂದರೆ ಭಾರತೀಯ ರೂಪಾಯಿ ಮೌಲ್ಯದಲ್ಲಿ ಸುಮಾರು 1 ಕೋಟಿ ರೂಪಾಯಿ ವೆಚ್ಚ ಮಾಡಿ 36 ಮೊಬೈಲ್‌ಗಳನ್ನು 
ಪಡೆದುಕೊಂಡಿದ್ದಾರೆ. ಇದರಲ್ಲಿ 14 ಫೋನ್‌ಗಳನ್ನು ದುಬೈ ಮಾಲ್‌ನಲ್ಲಿ ಹಾಗೂ ಉಳಿದವುಗಳನ್ನು ಮಾಲ್ 
ಆಫ್ ದಿ ಎಮಿರೇಟ್ಸ್ ಮಳಿಗೆಯಿಂದ ಪಡೆದಿದ್ದಾರೆ. ಅಷ್ಟೇ ಅಲ್ಲದೆ ಮರುದಿನಕ್ಕಾಗಿ ಮತ್ತೆ 40 ಹೊಸ ಫೋನ್‌ಗಳನ್ನು
ಮುಂಗಡವಾಗಿ ಕಾಯ್ದಿರಿಸಿದ್ದಾರೆ.

Advertisement